Posted on ઓક્ટોબર 28, 2015 by BHARAT SUCHAK
આ મોહબ્બતની રાહ લાગે છે,
ત્યાગમાં પણ ગુનાહ લાગે છે.
પ્રેમપંથે શિખામણો છે ગલત,
એજ સાચી સલાહ લાગે છે.
એમ લાગે છે સૌ જુએછે તને,
સૌમાં મારી નિગાહ લાગે છે.
આંખ તારી ઉપર ઠરી ના શકી,
દિલમાં ભરપૂર ચાહ લાગે છે.
તેથી અપનાવી મેં ફકીરીને,
તું ફકત બાદશાહ લાગે છે.
આશરો સાચો છે બીજો શાયદ,
સૌ અધૂરી પનાહ લાગે છે.
કેમ કાંઠો નઝર પડેછે ‘મરીઝ’?
કાંઈક ઊલટો પ્રવાહ લાગે છે.
– મરીઝ
Filed under: ગુજરાતી ગઝલ, મરીઝ | Tagged: આ મોહબ્બતની રાહ લાગે છે, એજ સાચી સલાહ લાગે છે. એમ લાગે છે સૌ જુએછે તને, ગુજરાતી ગઝલ, ગુજરાતીકવિતા, ગુજરાતીકવિતા ગઝલ શાયરી, ગુર્જર કાવ્ય ધારા, તું ફકત બાદશાહ લાગે છે. આશરો સાચો છે બીજો શાયદ, ત્યાગમાં પણ ગુનાહ લાગે છે. પ્રેમપંથે શિખામણો છે ગલત, દિલમાં ભરપૂર ચાહ લાગે છે. તેથી અપનાવી મેં ફકીરીને, પ્રેમ ગીત કાવ્યો, સૌ અધૂરી પનાહ લાગે છે. કેમ કાંઠો નઝર પડેછે ‘મરીઝ’? કાંઈક ઊલટો પ્રવાહ લાગે છે. - , સૌમાં મારી નિગાહ લાગે છે. આંખ તારી ઉપર ઠરી ના શકી, Bharat Suchak, gujaratigazal vishwa | Leave a comment »
Posted on જૂન 23, 2012 by BHARAT SUCHAK
સખી રે, મારી તું તો પતંગ ને હું દોર
કાપી ના કાપે એવી જોડ.
તારે તો જાવું પેલા, અંબરને આંજવાને
મારી રે સાથે જોડાજોડ
તું તો પતંગ રંગ ધેરો ગુલાબી ને
મારો રે રંગ છે અજોડ.
તારો રે ઘાટ મને મનગમતો મળીયો ને
તુંથી બંધાયો “હું” અજોડ.
તેં તો તારે માથે ફૂમતાં લટકાબવીયાંને
મારો એ “માંજો” અજોડ.
તું તો અનંત આભ ઊડતી ને ઊડતી
છોડે ના “સંગ” તું અજોડ.
Filed under: કાવ્ય, ગીત, ગુજરાતીકવિતા, રમેશ પટેલ (પ્રેમોર્મિ) | Tagged: ગુજરાતી કવિતા અને ગઝલ, ગુજરાતીકવિતા, ગુર્જર કાવ્ય ધારા, પ્રણય, પ્રેમ, પ્રેમ ગીત, પ્રેમ ગીત કાવ્યો, મારી તું તો પતંગ ને હું દોર-રમેશ પટેલ (પ્રેમોર્મિ), સખી રે, gujarati, gujarati git, gujarati kavita, gujaratikavitaanegazal | 1 Comment »
Posted on મે 15, 2012 by BHARAT SUCHAK
છેલાજી રે…..
મારે હાટુ પાટણથી પટોળાં મોંઘાં લાવજો ;
એમાં રૂડાં રે મોરલિયા ચિતરાવજો
પાટણથી પટોળાં મોંઘાં લાવજો….. છેલાજી રે…..
રંગ રતુંબલ કોર કસુંબલ,
પાલવ પ્રાણ બિછવજો રે
પાટણથી પટોળાં મોંઘાં લાવજો….. છેલાજી રે…..
ઓલ્યા પાટણ શે’રની રે, મારે થાવું પદમણી નાર,
ઓઢી અંગ પટોળું રે, એની રેલાવું રંગધાર;
હીરે મઢેલા ચૂડલાની જોડ મોંઘી મઢાવજો રે,
પાટણથી પટોળાં મોંઘાં લાવજો….. છેલાજી રે…..
ઓલી રંગ નીતરતી રે, મને પામરી ગમતી રે,
એને પહેરતાં પગમાં રે, પાયલ છમછમતી રે;
નથણીલવિંગિયાં ને ઝૂમખાંમાં મોંઘાં મોતી મઢાવજો રે,
પાટણથી પટોળાં મોંઘાં લાવજો….. છેલાજી રે…..
Filed under: અવિનાશ વ્યાસ, કાવ્ય, ગીત, ગુજરાતીકવિતા | Tagged: અવિનાશ વ્યાસ, ગુજરાતી કવિતા અને ગઝલ, ગુજરાતીકવિતા, ગુર્જર કાવ્ય ધારા, છેલાજી રે….., છેલાજી રે…..- અવિનાશ વ્યાસ, પ્રેમ, પ્રેમ ગીત, પ્રેમ ગીત કાવ્યો, gujarati, gujarati git, gujarati kavita, gujaratikavita, gujaratikavitaanegazal | 1 Comment »
Posted on મે 2, 2012 by BHARAT SUCHAK
મારી એ કલ્પના હતી, વીસરી મને,
કિન્તુ એ માત્ર ભ્રમ હતો થૈ ખાતરી મને,
ભૂલી વફાની રીત, ન ભૂલી જરી મને,
લ્યો એના લગ્નની મળી કંકોતરી મને !
સુંદર ના કેમ હોય, કે સુંદર પ્રસંગ છે,
કંકોતરીમાં રૂપ છે, શોભા છે, રંગ છે !
કાગળનો એનો રંગ છે ખીલતા ગુલાબ સમ,
જાણે ગુલાબી એના વદનના જવાબ સમ,
રંગીનીઓ છે એમાં ઘણી ફૂલછાબ સમ,
જાણે કે પ્રેમ-કાવ્યોની કોઇ કિતાબ સમ !
જાણું છું એના અક્ષરો વર્ષોના સાથથી,
શિરનામું મારૂ કીધું છે ખુદ એના હાથથી.
છે એને ખાતરી કે હું આવું નહીં કદી,
મારી ઉપર સભાને હસાવું નહીં કદી,
દીધેલ કૉલ યાદ અપાવું નહીં કદી,
મુજ હાજરીથી એને લજાવું નહીં કદી,
દુઃખ છે હજાર, તો ય હજી એ જ ટેક છે,
કંકોતરી નથી, આ અમસ્તો વિવેક છે !
કંકોતરીથી એટલું પુરવાર થાય છે,
નિષ્ફળ બને છે પ્રેમ તો વે’વાર થાય છે-
જ્યારે ઉઘાડી રીતે ન કંઈ પ્યાર થાય છે,
ત્યારે પ્રસંગ જોઈ સદાચાર થાય છે.
ગંભીર છે આ વાત કોઈ મશ્કરી નથી,
તકદીરનું લખાણ છે, કંકોતરી નથી !
કાગળનો એક કટકો છે જોવામાં એમ તો,
ભરપૂર છે એ પ્રેમની ભાષામાં એમ તો,
સુંદર, સળંગ રમ્ય છે શોભામાં એમ તો,
છે ફૂલસમ એ હલકો લિફાફામાં એમ તો,
કોમળ વદનમાં એના, ભલે છે હજાર રૂપ,
મારા જીવન ઉપર તો બરાબર છે ભારરૂપ !
એને ભલેને પ્રેમથી જોયા નહીં કરું,
વાચન કરીને દિલ મહીં ચીરા નહીં કરું,
સંયમમાં હું રહીશ, બળાપા નહીં કરું,
આવેશમાં એ ‘ફૂલ’ ના કટકા નહીં કરું.
આ આખરી ઇજન છે હૃદયની સલામ દઉં,
‘લીલા’ના પ્રેમ-પત્રમાં એને મુકામ દઉં.
‘આસિમ’ ! હવે એ વાત ગઈ, રંગ પણ ગયો,
તાપી તટે થતો જે હતો સંગ પણ ગયો,
આંખોની છેડછાડ ગઈ વ્યંગ પણ ગયો,
મેળાપની એ રીત ગઈ ઢંગ પણ ગયો.
હું દિલની લાગણીથી હજી પણ સતેજ છું,
એ પારકી બની જશે, હું એનો એ જ છું !
-આસિમ રાંદેરી
Filed under: આસિમ રાંદેરી (મેહમૂદ મિયાં મોહમ્મદ ઇમામ સૂબેદાર), કાવ્ય, ગીત, ગુજરાતીકવિતા | Tagged: આસિમ રાંદેરી, કંકોતરી, ગુજરાતી કવિતા અને ગઝલ, ગુજરાતીકવિતા, ગુર્જર કાવ્ય ધારા, પ્રેમ, પ્રેમ ગીત, પ્રેમ ગીત કાવ્યો, પ્રેમ-પત્ર, મારી એ કલ્પના હતી, વીસરી મને, gujarati, gujarati git, gujarati kavita, gujaratikavita, gujaratikavita gujaratigazal gujaratishyari, gujaratikavitaanegazal | Leave a comment »
Posted on માર્ચ 31, 2012 by BHARAT SUCHAK
તમારા રૂપની રેલાય છે મૌસમ.. તમારા સમ
જગત આખામાં ફેલાઇ જશે ફોરમ… તમારા સમ…
તમારા સમ… તમારા સમ… તમારા સમ… તમારા સમ…
તમે જો હોવ તો વાતાવરણ કેવુ સરસ લાગે
અરીઠા લાગે છે આસવ ને ચા કોફી ચરસ લાગે
તમો ને જોઇને પાણીને પોતાને તરસ લાગે
તમારી યાદમાં વીતે.. એક એક પળ.. વરસ લાગે ..
અને તો પણ પડે છે આખુ જીવન કમ તમારા સમ….
તમારા રૂપની રેલાય છે મૌસમ.. તમારા સમ
ગીતના ઘેઘુર ગરમાળામાં ચૂમી છે તને
બે ગઝલની વચ્ચે ના ગાળામાં ચૂમી છે તને
સાચુ કહો તો આ ગણિત અમથું નથી પાકુ થયુ ‘મુકુલ ‘
બે ને બે હોઠો ના સરવાળામાં ચૂમી છે તને
બનું હું રાત તો શમ્મા તમારું નામ થઇ જાશે
તમે સાકી બનો તો મારુ હૈયું જામ થઇ જાશે
તમારા રૂપની ઝળહળ જો સુબહો શામ થઇ જાશે
સૂરજ ને ચાંદ બન્ને જણ બહુ બદનામ થઇ જાશે
બનું હું ફૂલ તો બનશો તમે શબનમ… તમારા સમ
તમારા રૂપની રેલાય છે મૌસમ.. તમારા સમ
તમારા સમ… તમારા સમ… તમારા સમ… તમારા સમ…
Filed under: કાવ્ય, ગીત, ગુજરાતીકવિતા, મુકુલ ચોકસી | Tagged: ગુજરાત, ગુજરાતી, ગુજરાતી કવિતા અને ગઝલ, જયકાંત જાની (USA ), તમારા રૂપની રેલાય છે મૌસમ.. તમારા સમ, પ્રણય, પ્રેમ, પ્રેમ ગીત, પ્રેમ ગીત કાવ્યો, મુકુલ ચોક્સી., gujarati git | 1 Comment »
Posted on માર્ચ 29, 2012 by BHARAT SUCHAK
મારા ભોળા દિલનો
મારા ભોળા દિલનો હાયે રે શિકાર કરીને
ચાલ્યા ગયા આંખોથી આંખો ચાર કરીને, બિમાર કરીને
મારા ભોળા દિલનો
મેં વિનવ્યું વારંવાર કે દિલ સાફ કરી લ્યો
મેં વિનવ્યું વારંવાર કે દિલ સાફ કરી લ્યો
કોઈ ભૂલ હો મારી તો એને માફ કરી દ્યો
કોઈ ભૂલ હો મારી તો એને માફ કરી દ્યો
ના ના કહી ના હા કહી મુખ મૌન ધરી ને
ચાલ્યા ગયા આંખોથી આંખો ચાર કરીને, બિમાર કરીને
મારા ભોળા દિલનો
એક બોલ પર એના મેં મારી જીન્દગી વારી
એક બોલ પર એના મેં મારી જીન્દગી વારી
એ બેકદરને ક્યાંથી કદર હોય અમારી
એ બેકદરને ક્યાંથી કદર હોય અમારી
આ જોઈને ને રોઈને દિલ મારું કહે છે
આ જોઈને ને રોઈને દિલ મારું કહે છે
શું પામ્યું કહો જીન્દગીભર આહ ભરીને
ચાલ્યા ગયા આંખોથી આંખો ચાર કરીને, બિમાર કરીને
મારા ભોળા દિલનો
છો ને થઈ તકરાર હજુ પ્યાર બાકી છે
છો ને થઈ તકરાર હજુ પ્યાર બાકી છે
બન્ને દિલોમાં પ્રેમનો ઝણકાર બાકી છે
સંસારના વહેવારનો વેપાર બાકી છે
બન્ને દિલોના મળવા હજુ તાર બાકી છે
બન્ને દિલોના મળવા હજુ તાર બાકી છે
અભિમાનમાં ફુલઈ ગયા જોયું ના ફરીને
ચાલ્યા ગયા આંખોથી આંખો ચાર કરીને, બિમાર કરીને
મારા ભોળા દિલનો
મારા ભોળા દિલનો હાયે રે શિકાર કરીને
ચાલ્યા ગયા આંખોથી આંખો ચાર કરીને, બિમાર કરીને
મારા ભોળા દિલનો
રમેશ ગુપ્તા
Filed under: કાવ્ય, ગીત, ગુજરાતીકવિતા, રમેશ ગુપ્તા | Tagged: ગુજરાતી કવિતા અને ગઝલ, પ્રણય, પ્રેમ, પ્રેમ ગીત, પ્રેમ ગીત કાવ્યો, મારા ભોળા દિલનો -રમેશ ગુપ્તા, રમેશ ગુપ્તા, gujarati git, gujarati kavita, gujaratikavitaanegazal | 2 Comments »
Posted on ડિસેમ્બર 24, 2011 by BHARAT SUCHAK
ના તને ખબર પડી, ના મને ખબર પડી,
કે હું પ્રેમમાં પડ્યો કે તું પ્રેમમાં પડી;
કારણમાં આમ કઇ નહીં, બે આંખ બસ લડી,
ને હું પ્રેમમાં પડ્યો કે તું પ્રેમમાં પડી.
બંનેના દિલ ઘડકતા હતા જે જુદા જુદા,
આ પ્રેમ એટલે કે એને જોડતી કડી;
શરમાઈ જતી તોય મને જાણ તો થતી;
મારી તરફ તું જે રીતે જોતો ઘડી ઘડી.
હૈયું રહ્યું ન હાથ, ગયું ઢાળમાં દડી;
મેળામાં કોણ કોને ક્યારે ક્યાં ગયું જડી.
ઢળતા સૂરજની સામે સમંદરની રેતમાં
બેસી શકે તો બેસ અડોઅડ અડીઅડી;
મારા વિના ઉદાસ છું તે જાણું છું પ્રિયે
મેં પણ વિતાવી કેટલી રાતો રડી રડી.
મેં સાચવ્યો ’તો સોળ વરસ જે રૂમાલને;
તું આવ્યો જ્યાં નજીક ને ત્યાં ઉકલી ગઇ ગડી.
-તુષાર શુક્લ
Filed under: કાવ્ય, ગીત, ગુજરાતીકવિતા, તુષાર શુક્લ | Tagged: ગુજરાતી કવિતા અને ગઝલ, ગુજરાતીકવિતા, ગુજરાતીકવિતા ગઝલ શાયરી, ગુર્જર કાવ્ય ધારા, તુષાર શુક્લ, ના તને ખબર પડી, ના મને ખબર પડી, પ્રેમ, પ્રેમ ગીત, પ્રેમ ગીત કાવ્યો, gujarati git, gujarati kavita, gujaratikavitaanegazal | Leave a comment »
Posted on ડિસેમ્બર 22, 2011 by BHARAT SUCHAK
અમે કાગળ લખ્યોતો પહેલ વહેલો છાનો છપનો કાગળ લખ્યોતો પહેલ વહેલો
કસ્તુરી શબ્દોને ચંદનમાં ઘોળયાતા ફાગણ જ્યાં મલક્યોતો પહેલો…. છાનો છપનો
સંબોધન જાણે કે દરિયાના મોજાઓ આવી આવી ને જાય તૂટી
સંબોધન છોડીને કાગળ લખ્યો ભલે કાગળમાં એક ચીજ ખુટી
નામજાપ કરવાની માળા લૈ બેઠાને પહેલો મણકો જ ના ફરેલો ..છાનો છપનો
પહેલા ફકરાની એ પહેલી લીટી તો અમે જાણી બુજીને લખી ખાલી
બીજામાં પગરણ જયાં માંડ્યા તો લજ્જાએ પાચે આંગળીઓને જાલી
કોરો કટ્ટાક મારો કગળ વહી જાય બેક લાગણીના ટીપા તરસેલો…છાનો છપનો
ત્રીજામા એમ થયુ લાવ લખી નાખીએ અહિયાં મજામાં સહુ ઠીક છે
તો અદરથી ચૂંટી ખણીને કોઇ બોલ્યુ કે સાચુ લખવામા શુ બીક છે
હોઠ ઊપર હકડેઠઠ ભીડ હતી શબ્દોની ચોકિયાત એક ત્યા ઉભેલો…છાનો છપનો
લખિતંગ લખવાની જગ્યાઅએ ઓચિંતુ આંખેથી ટપક્યુ રે બિંદુ
પળમા તો કાગળ પર માય નહી એમ જાણે છલકેલો લાગણીનો સિંધુ
મોગરનુ ફૂલ એક મૂકીને મહેકંતા શ્વાસ સાથ કાગળ બિડેલો. છાનો છપનો
– મુકેશ જોષી
Filed under: કાવ્ય, ગીત, ગુજરાતીકવિતા, મુકેશ જોષી | Tagged: અમે કાગળ લખ્યોતો પહેલ વહેલો છાનો છપનો કાગળ લખ્યોતો પહેલ વહેલો, ગુજરાતી કવિતા અને ગઝલ, ગુર્જર કાવ્ય ધારા, પ્રેમ ગીત, પ્રેમ ગીત કાવ્યો, મુકેશ જોષી, gujarati kavita, gujarati poem, gujarati poetry, gujaratikavita gujaratigazal gujaratishyari, gujaratikavitaanegazal | Leave a comment »
Posted on નવેમ્બર 22, 2011 by BHARAT SUCHAK
કોઈ જોડે કોઈ તોડે
પ્રીતડી કોઈ જોડે કોઈ તોડે
કોઈ ગુમાને ઉરઅરમાને અમથું મુખડું મોડે,
કો આંખને અધઅણસારે ઉલટથી સામું દોડે… પ્રીતડી…
કો એક ગભરુ પ્રણયભીરું ખસી ચાલે થોડે થોડે,
કોઈ ઉમંગી રસરંગી ધસી આવે કોડે કોડે… પ્રીતડી…
કોઈ અભાગી અધરે લાગી હૃદય કટોરી ફોડે,
કો રસીયા હૈયા ખાતર થઈ મૂકે જીવતર હોડે… પ્રીતડી…
કોઈ જોડે કોઈ તોડે
પ્રીતડી કોઈ જોડે કોઈ તોડે…
-ઉમાશંકર જોશી
Filed under: ઉમાશંકર જોશી, કાવ્ય, ગીત, ગુજરાતીકવિતા | Tagged: ઉમાશંકર જોશી, કોઈ જોડે કોઈ તોડે, ગુજરાતી કવિતા અને ગઝલ, ગુર્જર કાવ્ય ધારા, પ્રણય, પ્રેમ, પ્રેમ ગીત, પ્રેમ ગીત કાવ્યો, gujarati kavita, gujaratikavitaanegazal | Leave a comment »
Posted on નવેમ્બર 21, 2011 by BHARAT SUCHAK
આવી ન્હોતી જાણી, .
પૂનમ, તને આવી ન્હોતી જાણી.
દૂર રે ગગનમાં તારો ગોરો ગોરો ચાંદલો,
એને જોતાં રે વેંત હું લજાણી.
. પૂનમ, તને આવી ન્હોતી જાણી.
તું યે એવી ને તારો ચાંદલિયો એવો,
કરતો અડપલું તો યે મારે સહેવો,
એને વાર જરા મારી દયા આણી.
. પૂનમ, તને આવી ન્હોતી જાણી.
અજવાળી રાતનું કાઢીને બહાનું,
કામ કરે દિલડું દઝાડવાનું છાનું.
. તને કોણ કહે રાતની રાણી ?
. પૂનમ, તને આવી ન્હોતી જાણી.
– અવિનાશ વ્યાસ
Filed under: અવિનાશ વ્યાસ, કાવ્ય, ગીત, ગુજરાતીકવિતા | Tagged: ., અવિનાશ વ્યાસ, આવી ન્હોતી જાણી, ગુજરાતી કવિતા અને ગઝલ, ગુજરાતીકવિતા, ગુર્જર કાવ્ય ધારા, પ્રેમ ગીત, પ્રેમ ગીત કાવ્યો, gujarati git, gujarati kavita | Leave a comment »
Posted on નવેમ્બર 13, 2011 by BHARAT SUCHAK
થોડી જીદ તમે છોડી હોત
થોડી જીદ અમે છોડી હોત
તો આ જીંદગી આપણી હોત…!
થોડુ તમે હસ્યા હોત
થોડુ અમે હસ્યા હોત
તો આ જીંદગી હાસ્યનો ફુવારો હોત…!
થૉડુ તમે રડ્યા હોત
થૉડુ અમે રડ્યા હોત
તો આ જીંદગી આંસુ લુછી શકી હોત…!
થૉડુ તમે ખસ્યા હોત
થૉડુ અમે ખસ્યા હોત
તો આ જીંદગી સમીપ હોત…!
થૉડુ તમે રાહ જોઈ હોત
થૉડુ અમે રાહ જોઈ હોત
તો આ જીંદગીને રાહ મળી ગઈ હોત…!
થોડી તમે અનુભવી હોત
થોડી અમે અનુભવી હોત
તો આ જીંદગી એક કલ્પના ના હોત…
Filed under: કાવ્ય, ગીત, ગુજરાતીકવિતા, સુસમિન ગાંધી | Tagged: ગુજરાતી કવિતા અને ગઝલ, ગુજરાતીકવિતા, ગુર્જર કાવ્ય ધારા, થોડી જીદ તમે છોડી હોત-સુસમિન ગાંધી, પ્રેમ ગીત, પ્રેમ ગીત કાવ્યો, સુસમિન ગાંધી, gujarati git, gujaratikavitaanegazal | Leave a comment »
Posted on નવેમ્બર 13, 2011 by BHARAT SUCHAK
પ્રીતડી બાંધતા રે બંધાય ના
બંધન જનમોજનમના ભૂલાય ના
લખ્યું લલાટનું ના ભૂંસાય
કે પ્રીતડી બાંધતા રે બંધાય ના
કે પ્રીતડી બાંધતા રે બંધાય ના
બંધન જનમોજનમના ભૂલાય ના
લખ્યું લલાટનું ના ભૂંસાય
કે પ્રીતડી બાંધતા રે બંધાય ના
સપનાં રોળાઈ ગયા
કાળજ કોરાઈ ગયા
સપનાં રોળાઈ ગયા
કાળજ કોરાઈ ગયા
તારી જુદાઈમાં મનથી રુંધાઈ ગયા
ઓ વ્હાલમા…હાય
ઓ વ્હાલમા…
તડકો ને છાંયો જીવન છે
નાહક મૂંઝાઈ ગયા
કે પ્રીતડી બાંધતા રે બંધાય ના
બંધન જનમોજનમના ભૂલાય ના
લખ્યું લલાટનું ના ભૂંસાય
કે પ્રીતડી બાંધતા રે બંધાય ના
નૈને નીંદર નથી
હો નૈને નીંદર નથી
ક્યાં છું ખબર નથી
દિલડાને જંપ હવે
તારા વગર નથી
ઓ વ્હાલમા…હાય
ઓ વ્હાલમા…
સંસારી ઘુઘવતા સાગરે
ડુબવાનો ડર નથી
કે પ્રીતડી બાંધતા રે બંધાય ના
બંધન જનમોજનમના ભૂલાય ના
લખ્યું લલાટનું ના ભૂંસાય
કે પ્રીતડી બાંધતા રે બંધાય ના
તારી લગન લાગી
અંગે અગન જાગી
વિયોગી તારલીનું
ગયું રે મન ભાંગી
ઓ વ્હાલમા…હાય
ઓ વ્હાલમા…
વસમી વિયોગની વાટમાં
લેજો મિલન માંગી
કે પ્રીતડી બાંધતા રે બંધાય ના
બંધન જનમોજનમના ભૂલાય ના
લખ્યું લલાટનું ના ભૂંસાય
કે પ્રીતડી બાંધતા રે બંધાય ના
-ધીરજ વોરા
Filed under: કાવ્ય, ગીત, ગુજરાતી ગીત, ગુજરાતીકવિતા | Tagged: -ધીરજ વોરા, ગુજરાતી કવિતા અને ગઝલ, ગુજરાતી ગીત, ગુજરાતીકવિતા, ગુર્જર કાવ્ય ધારા, પ્રણય, પ્રીતડી બાંધતા રે બંધાય ના, પ્રેમ, પ્રેમ ગીત, પ્રેમ ગીત કાવ્યો, gujarati git, gujarati kavita | Leave a comment »
Posted on નવેમ્બર 13, 2011 by BHARAT SUCHAK
સખી! મારો સાહ્યબો સૂતો ફળીયે ઢાળી ઢોલિયો
હું તો મેડીએ ફાનસ ઓલવી ખાલી પડખે પોઢી જાઉં……
એક તો માઝમ રાતની રજાઇ
ધબકારે ધબકારે મારા પંડથી સરી જાય,
એકલી ભાળી પાતળો પવન
પોયણાંથી પંપાળતાં ઝીણો સાથિયો કરી જાય;
સખી! મારો સાહ્યબો સૂનો એટલો કોના જેટલો
હું તો એટલું પૂછી પગમાં ઝાંઝર ફેરવા દોડી જાઉં……
એમ તો સરોવરમાં બોળી ચાંચ
ને પછી પરબારો કોઇ મોરલો ઊડી જાય,
આમ તો પછી ઝૂરતો કાંઠો
એક પછી એક કાંકરી ઝીણી ઝરતો બૂડી જાય;
સખી! મારો સાહ્યબો લાવ્યો અમથો કેવો કમખો
હું તો ટહુકા ઉપર મોરપીંછાની ઓઢણી ઓઢી જાઉં…..
– વિનોદ જોષી
Filed under: કાવ્ય, ગીત, ગુજરાતીકવિતા, વિનોદ જોષી | Tagged: ગુજરાતી કવિતા અને ગઝલ, ગુજરાતીકવિતા, ગુર્જર કાવ્ય ધારા, પ્રેમ ગીત કાવ્યો, વિનોદ જોષી, સખી! મારો સાહ્યબો સૂતો ફળીયે ઢાળી ઢોલિયો, gujarati kavita, gujaratikavita gujaratigazal gujaratishyari, gujaratikavitaanegazal | Leave a comment »
Posted on ઓક્ટોબર 12, 2011 by BHARAT SUCHAK
ઢોલીડા ઢોલ રે વગાડ મારે હીંચ લેવી છે,
હે હીંચ લેવી છે ને (મારે ગરબે ઘૂમવું છે)… ઢોલીડા…
ઢોલીડા ઢોલ રે વગાડ મારે હીંચ લેવી છે.
હે તારે કિયા ભાઈનાં ચોગલે હવે હીંચ લેવી છે ?
મારા સાહ્યબા તારે ચોગલે મારે હીંચ લેવી છે.
હે… તારા ઢોલની માથે જો ને દાંડિયું પડે ને મારા હૈડા લેરે જાય…
મારા દલડાં લેરે જાય… મારા હૈડા લેરે જાય… ઢોલીડા…
ઢોલીડા ઢોલ રે…
હે તારે કિયા ભાઈને દાંડિયે આજે હીંચ લેવી છે ?
મારા સાહ્યબા તારે દાંડિયે મારે હીંચ લેવી છે.
હે… તારા ઢોલની માથે જો ને દાંડિયું પડે ને મારા હૈડા લેરે જાય…
મારા દલડાં લેરે જાય… મારા હૈડા લેરે જાય… ઢોલીડા…
ઢોલીડા ઢોલ રે…
તારે કિયા ભાઈની ઠેસે હવે હીંચ લેવી છે?
મારા સાહ્યબા તારી ઠેસે મારે હીંચ લેવી છે.
હે… તારા ઢોલની માથે જો ને દાંડિયું પડે ને મારા હૈડા લેરે જાય…
મારા દલડાં લેરે જાય… મારા હૈડા લેરે જાય… ઢોલીડા…
ઢોલીડા ઢોલ રે…
Filed under: ગઝલ, ગરબો, ગીત, લોકગીત | Tagged: ગરબો, ગુજરાત, ગુજરાતી, ગુજરાતી કવિતા અને ગઝલ, ઢોલીડા ઢોલ રે વગાડ મારે હીંચ લેવી છે, પ્રેમ ગીત કાવ્યો, લોકગીત, garabo, gujarat, gujarati | 1 Comment »
Posted on ઓક્ટોબર 12, 2011 by BHARAT SUCHAK
એક નાનકડી રજુઆત કરૂં છું.
અંતરના ઉંડાણથી એકરાર કરૂં છું
હું તમને ખુબ પ્યાર કરૂં છું
ઈશ્વરને કોણે જોયા છે આજ સુધી
તમારા પર ઈશ્વરથી વધુ એતબાર કરૂં છું
હું તમને ખુબ પ્યાર કરૂં છું.
ચમત્કારમાં વિશ્વાસ તો હું પણ નહોતો કરતો.
તમને જોયા ત્યારથી રોજ કવિતામાં ચમત્કાર કરૂં છું.
હું તમને ખુબ પ્યાર કરૂં છું.
તમે અને હું, બન્ને અલગ છીએ, જાણુ છું.
છતાં સપનમાં રોજ આપણને એકાકાર કરૂં છું.
હું તમને ખુબ પ્યાર કરૂં છું.
એક નાનકડી રજુઆત કરૂં છું.
અંતરના ઉંડાણથી એકરાર કરૂં છું
હું તમને ખુબ પ્યાર કરૂં છું
– સપન
Filed under: કાવ્ય, ગુજરાતીકવિતા, સપન | Tagged: ગુજરાત, ગુજરાતી, ગુજરાતી કવિતા અને ગઝલ, ગુજરાતીકવિતા, ગુર્જર કાવ્ય ધારા, પ્રેમ ગીત કાવ્યો, સપન, હું તમને ખુબ પ્યાર કરૂં છું, gujarat, gujarati, gujarati git, gujarati kavita, gujaratikavita, gujaratikavita gujaratigazal gujaratishyari, gujaratikavitaanegazal | Leave a comment »
Posted on ઓક્ટોબર 10, 2011 by BHARAT SUCHAK
મા તુજ જીવનના અજવાળે
મુજ જીવનને અજવાળું
નવમાસની કેદ મહીં તેં પ્રેમે પોષણ કીધું
અસહ્ય વેદના જાતે વેઠી મુક્તિ દાન તેં દીધું
રાત દીન કે ટાઠ તાપ તેં ચોમાસું ના જોયું
જીવથી ઝાઝું જતન કરી મુજ જીવન તેં ધોયું
મા તુજ જીવનના અજવાળે
મુજ જીવનને અજવાળું
લાડકોડ ને તપાસા સાથે બાલમંદિર ચાલ્યા
રડતો મુકી અશ્રુ છુપાવી આશા લઇને આવ્યા
છે આ સૌ એક લાડકડાના ભાવિ તણા ભણકારા
આજનું બીજ તે કાલનું વૃક્ષ છે મારે કરવા ક્યારા
મા તુજ જીવનના અજવાળે
મુજ જીવનને અજવાળું
ધ્રુવ પ્રહલાદ શ્રવણની વાતો કેવી વાડ બનાવી
રામ લક્ષ્મણ હરીશ્ચંદ્રની વાતો કદી ના ભુલાવી
હીરા માણેકથી મોંઘું એવું ઘડતર ખાતર નાખી
મુજ જીવનના ક્યારાની તેં વાડી મોટી બનાવી
મા તુજ જીવનના અજવાળે
મુજ જીવનને અજવાળું
મધર્સ ડે ના શુભ પ્રભાતે પેમથી પાયે લાગું
અર્પું સર્વે તુજને ચરણે એવું સદાયે ચાહું
એક સંદેશો તુજ જીવનનો મનમાં કાયમ રાખુ
પ્રેમ ભક્તિને નિસ્વાર્થ સેવા દિલદરિયા સમ સાચું
મા તુજ જીવનના અજવાળે
મુજ જીવનને અજવાળું
– ડો. દિનેશ શાહ
Filed under: ગુજરાતીકવિતા, ડો. દિનેશ શાહ, માતા | Tagged: ગુજરાતીકવિતા, ગુર્જર કાવ્ય ધારા, ડો. દિનેશ શાહ, પ્રેમ ગીત કાવ્યો, મા તુજ જીવનના અજવાળે, gujarati git, gujaratikavita, gujaratikavita gujaratigazal gujaratishyari, gujaratikavitaanegazal | 1 Comment »
Posted on ઓક્ટોબર 9, 2011 by BHARAT SUCHAK
અનોખું બંધન જામ્યું ‘કેમ છો?’ કહીને,
પછીથી પાંગર્યુ હળી મળી ને,
અટક્યું એક વાર ‘પછી મળશું’ કહીને,
અનોખું બંધન જામ્યું ‘કેમ છો?’ કહી ને…
આંખોમાં રહ્યું એ ‘પ્રતિક્ષા’ બનીને,
દ્રષ્ટીમાં વસ્યું એ ‘હરખ’ કરીને,
પછી ધીમેથી ટપક્યું એ ‘વિરહ’ બનીને,
અનોખું બંધન જામ્યું ‘કેમ છો?’ કહીને..
શ્વસનમાં મહેક્યું એ ‘સુવાસ’ બનીને,
યાદોમાં આવ્યું ક્યારેક ‘હાંફ’ ચઢીને,
પછી ધીમેથી છટક્યું એ ‘નિશ્વાસ’ બનીને,
અનોખું બંધન જામ્યું ‘કેમ છો?’ કહીને..
કાગળ પર લખાયું એ ‘પ્રેમ-પત્ર’ બનીને,
રાહમાં જોવાયું ‘પ્રત્યુત્તર’ બનીને,
પછી ધીમેથી રચાયું કોઇ ‘કવિતા’ બનીને.
અનોખું બંધન જામ્યું ‘કેમ છો?’ કહીને..
દિગીશા શેઠ-પારેખ
Filed under: ગીત, ગુજરાતીકવિતા, દિગીશા શેઠ પારેખ | Tagged: અનોખું બંધન જામ્યું 'કેમ છો?' કહીને, કાવ્ય, ગુજરાતી કવિતા અને ગઝલ, ગુજરાતીકવિતા, ગુજરાતીકવિતા ગઝલ શાયરી, ગુર્જર કાવ્ય ધારા, દિગીશા શેઠ પારેખ, પ્રેમ ગીત કાવ્યો, gujarati kavita, gujaratikavita, gujaratikavita gujaratigazal gujaratishyari, gujaratikavitaanegazal | 1 Comment »
Posted on ઓક્ટોબર 9, 2011 by BHARAT SUCHAK
છુપાવી વેદના અનેક તેથી
હ્રદયનો ભાર વધી જાય છે
નથી કહેવાતુ નથી સહેવાતુ
મન લાચાર બની જાય છે
ખોલુ છુ દિલ જો લોકો પાસે
તો વાત હાંસી બની જાય છે
પણ પ્રભુ તને કહેવાથી
હ્રદય હળવુ બની જાય છે
અજ્ઞાત.
Filed under: ગીત, ભજન | Tagged: ગુજરાતીકવિતા, ગુજરાતીકવિતા ગઝલ શાયરી, છુપાવી વેદના, પ્રેમ ગીત કાવ્યો, bhajan, gujarati git, gujarati kavita, gujaratibhajan, gujaratikavita | 1 Comment »
Posted on ઓક્ટોબર 7, 2011 by BHARAT SUCHAK
કોણ હલાવે લીંબડી ને કોણ ઝુલાવે પીપળી
ભાઇની બેની લાડકીને ભઇલો ઝુલાવે ડાળખી…
લીંબડીની આજ ડાળ ઝુલાવે, લીંબોળી ઝોલા ખાય,
હીંચકો નાનો બેનનો એવો, આમ ઝુલણ્યો જાય,
લીંલુડી લીંબડી હેઠે, બેનીબા હિંચકે હીંચે……….કોણ…
એ પંખીડા, પંખીડા, ઓરા આવો એ પંખીડા,
બેની મારી હીંચકે હીંચે, ડાળીઓ તું ઝુલાવ,
પંખીડા ડાળીએ બેસો, પોપટજી પ્રેમથી હીંચો……કોણ…
આજ હીંચોડુ બેનડી, તારા હેત કહ્યા ના જાય,
મીઠડો વાયુ આજ બેની તારા હીંચકે બેસી જાય
કોયલ ને મોરલા બોલે, બેની નો હીંચકો ડોલે…..
કોણ હલાવે લીંબડી ને કોણ ઝુલાવે પીપળી
ભાઇની બેની લાડકીને ભઇલો ઝુલાવે … બેનડી જુલે …ભઇલો ઝુલાવે ડાળખી.
– અવિનાશ વ્યાસ.
Filed under: અવિનાશ વ્યાસ, ગીત, ગુજરાતીકવિતા | Tagged: અવિનાશ વ્યાસ, કોણ હલાવે લીંબડી ને કોણ ઝુલાવે પીપળી, ગુજરાતી કવિતા અને ગઝલ, ગુજરાતીકવિતા, ગુર્જર કાવ્ય ધારા, પ્રેમ ગીત કાવ્યો, gujarati git, gujarati kavita, gujaratikavita, gujaratikavita gujaratigazal gujaratishyari, gujaratikavitaanegazal | Leave a comment »
Posted on જુલાઇ 14, 2010 by BHARAT SUCHAK
આ ગીત સાંભળો, શબ્દ સુમન,સ્વર શ્રી ભાર્તેન્દુ માંકડ, સંગીત શ્રી નિરંજન અંતાણી,મ્યુઝીક અ.વાય ભટ્ટી,ચિરાગ વોરા લિન્ક http://gujaratikavitaanegazal.ning.com/music/playlist/edit?id=3499594%3APlaylist%3A251373
તન છે કેવું મઝાનું,મન છે કેવું મઝાનું.
સાથી બને તું એનું જીવન કેવું મઝાનું.
નાનકડી આંખડીમાં છે કૈફ દુનિયાભરનો,
મલકે તો ગાલે પડતું ખંજન કેવું મઝાનું.
સૂરત ભુલે ન તારી,જકડે છે યાદ તારી,
ચહું છુટવા કદી ના,બંધન કેવું મઝાનું.
દર્પણને દોસ્ત સમઝી વાતો કરું પ્રણયની,
મારા જ ગાલે દીધું ચુંબન કેવું મઝાનું.
દુનિયાના રંજોગમનાં અંધારાં ઓગળી ગ્યાં,
તુજ પ્રીતડીનું આંજ્યું અંજન કેવું મઝાનું.
પોતાનાં.પારકાં સૌ મળવા કદી ન દેતાં,
સપનામાં રોજ થાતું મિલન કેવું મઝાનું.
હરપળ દિદાર તારા,હરપળ કૃપાઓ તારી,
દિલમાં જમાવ્યું ‘સુમન’ આસન કેવું મઝાનું.
જયસુખ પારેખ ‘સુમન’
Filed under: જયસુખ પારેખ 'સુમન' | Tagged: ગુજરાતી કવિતા અને ગઝલ, ગુજરાતીકવિતા, ગુજરાતીકવિતા ગઝલ શાયરી, ગુર્જર કાવ્ય ધારા, જયસુખ પારેખ 'સુમન', પ્રણય, પ્રેમ, પ્રેમ ગીત, પ્રેમ ગીત કાવ્યો, gujarati website | Leave a comment »
Posted on જુલાઇ 2, 2010 by BHARAT SUCHAK
સનમ અમારી કેવી છે !
બદલાતી મૌસમ જેવી છે .
ઉનાળા જેમ તે તપતપે ,
ને પ્રેમવર્ષાની હેલી છે .
સનમ અમારી કેવી છે !
નાજૂક ફૂલડાં જેવી છે .
દિવસે ગુલાબ ને રાતરાણી ,
પારિજાત સમી તે મહેકી છે .
સનમ અમારી કેવી છે !
સકળ બ્રહ્માંડ જેવી છે .
ચાંદ ધરા સમી શ્વેત શીતળ ,
ને છોડ લજામણી જેવી છે .
સનમ અમારી કેવી છે !
દાદીમાની વાર્તા જેવી છે .
નટખટ મોહક સુંદર શાંત ,
આકાશની પરી જેવી છે
………..રમેશ ચૌહાણ
Filed under: રમેશ ચૌહાણ્ | Tagged: ગુજરાતીકવિતા, ગુજરાતીકવિતા ગઝલ શાયરી, ગુર્જર કાવ્ય ધારા, પ્રણય, પ્રેમ, પ્રેમ ગીત, પ્રેમ ગીત કાવ્યો | Leave a comment »
Posted on જુલાઇ 1, 2010 by BHARAT SUCHAK
ચાલ રે સખીરી પ્રેમ પ્રેમ બિંદાસ થઇ રમીએ
હળીએ,મળીએ, ને એક બીજા ને ગમીએ
મારી પાસે પ્રેમ રસાયણ તારી પાસે પ્રેમ અમ્રુત
પ્રેમ કરી ચાલ રે સખીરી અંગ અંગ કરી એ જંક્રુત
તારા નયન ના પ્રવેશ દ્વારથી હુ આવીશ અંદર
તારા મારા આસુ ઠલવી તરસુ પ્રેમ સંમંદર
તારા હોઠ ના અમ્રુત ચુમી કરશુ સોળ વરસી વ્હાલ
ચુંમનીયા વરસાદમા ભીંજાય આપણે ગાશુ પ્રેમ મલ્હાર
તારી યુવા ધડકન ગણવા મુકુ વ્રુક્ષસ્થળ પર કાન
જેમ પ્રેમ ઘેલી રાધાની ધક ધક ગણતા કુવર કાન
Filed under: જયકાંત જાની (USA ) | Tagged: ગુજરાતીકવિતા ગઝલ શાયરી, જયકાંત જાની (USA ), પ્રણય, પ્રેમ ગીત, પ્રેમ ગીત કાવ્યો | Leave a comment »
Posted on જૂન 28, 2010 by BHARAT SUCHAK
ખુમારીના બાદશાહ મુરબ્બી “ઘાયલ” સાહેબે
રાજકોટમાં પંડિત જવાહરલાલ નહેરુને મોઢામોઢ
સંભળાવેલી એક રચના રજુ કરું છું.
======================================
તો આપો
=====================================
મેલું ઘેલું મકાન તો આપો !
ધૂળ જેવું ય ધાન તો આપો !
સાવ જુઠું શું કામ બોલો છો ,
કોક સાચી જબાન તો આપો.
થોડો ઝાઝો હિસાબ તો આપો !
ખોટો સાચો જવાબ તો આપો !
બાગમાં ભાગ છે અમારો પણ,
એક વાસી ગુલાબ તો આપો.
સુખના બે ચાર શ્વાસ તો આપો !
જીન્દગાનીનો ભાસ તો આપો !
મુક્ત વાતાવરણના સ્વામીઓ ,
કેં હવા કેં ઉજાસ તો આપો .!
મુક્તિનું એને સાજ તો આપો !
આદમીનો અવાજ તો આપો !
માઈના પુત માનવીને પ્રથમ ,
માનવીનો મિજાજ તો આપો !
(મુરબ્બી ” ઘાયલ ” સાહેબની જેમ હરેક નાગરિક આવી ખુમારી દાખવે તો
રાજકીય નેતાઓને હાજર હજૂર જવાબ મળી જાય …………
આ કવિતા ગોવિદભાઇ પટેલે સ્વપ્ન જેસરવાકર ગુજરાતી માં મૂકી હતી
Filed under: અમૃત ઘાયલ | Tagged: અમૃત ઘાયલ, આધ્યાતમિક, ગઝલ, ગુજરાતી કવિતા અને ગઝલ, ગુજરાતી ગઝલ, ગુજરાતીકવિતા, ગુર્જર કાવ્ય ધારા, ઘાયલ, પ્રેમ ગીત, પ્રેમ ગીત કાવ્યો | 2 Comments »
Posted on જૂન 27, 2010 by BHARAT SUCHAK
જળકૃત ખડક સમી મારી આંખોમાં,
ક્યારેક હજી, તારી યાદના અશ્મિ મળે છે.
શ્રદ્ધા સાથે જો, ઉંડા ઉતરો તો
મૃગજળમાંથી પણ મોતી મળે છે.
ઘેરાય ઘટા ઘનઘોર ને વાય પૂર્વના પવન,
ઝબકે તારી યાદ ને માનસ પ્રજ્વળે છે.
શાંતિનો ભંગ થાય ને અશ્રુવાયુ છૂટે છે,
તારી બેકાબુ યાદો જ્યારે મારામાં ટોળે વળે છે.
ખંડેરમાં ભેંકારતા આફરો ચડાવી પડી છે,
સૂંવાળો ઇતિહાસ ત્યાં કાયમ સળવળે છે.
દુ:ખ પછી સુખનો નિયમ સત્ય નથી કાયમ,
લાકડુ બળ્યા પછીનો કોલસો ફરી બળે છે.
જીન્દગી આખી તો રાખ્યો હતો અંધારામાં,
આખરે સૌના ચહેરે મારી ચિતા ઝળહળે છે.
મૃત્યુની ખીણની ચિંતા તો હોય ક્યાંથી,
જીન્દગીની ઠોકરની હજી ક્યાં કળ વળે છે.
-કલ્પેન્દુ વૈષ્ણવ
Filed under: કલ્પેન્દુ વૈષ્ણવ | Tagged: કલ્પેન્દુ, ગુજરાત, ગુજરાતી કવિતા અને ગઝલ, ગુજરાતીકવિતા, ગુજરાતીકવિતા ગઝલ શાયરી, ગુર્જર કાવ્ય ધારા, પ્રણય, પ્રેમ ગીત, પ્રેમ ગીત કાવ્યો | Leave a comment »
Posted on જૂન 27, 2010 by BHARAT SUCHAK
આ રચના નો વિડિયો જુવો.
http://gujaratikavitaanegazal.ning.com/video/3499594:Video:248066
લાગણી લાચાર છે,હું શું કરું?
એકતરફી પ્યાર છે,હું શું કરું?
સાફ કહી દઉં આપનાથી પ્યાર છે,
પણ ભર્યો દરબાર છે,હું શું કરું?
એક મરે ને એકને કંઇ જાણ ના,
ફક્ત અત્યાચાર છે,હું શું કરું?
જિંદગી પળવારમાં પુરી થશે,
હમસફરને વાર છે,હું શું કરું?
અબઘડી આંસુંના દરિયા વહી જશે,
દર્દ પારાવાર છે,હું શું કરું?
જયસુખ પારેખ ‘સુમન’
Filed under: ગઝલ, જયસુખ પારેખ 'સુમન' | Tagged: ગઝલ, ગુજરાતી કવિતા અને ગઝલ, ગુજરાતીકવિતા, ગુજરાતીકવિતા ગઝલ શાયરી, ગુર્જર કાવ્ય ધારા, જયસુખ પારેખ 'સુમન', પ્રણય, પ્રેમ, પ્રેમ ગીત, પ્રેમ ગીત કાવ્યો, gujarati gazal, gujaratigazal, gujaratigazal vishwa | Leave a comment »
Posted on જૂન 24, 2010 by BHARAT SUCHAK
સો વાતોની એક જ વાત,
દિલને ગમતી તારી વાત.
સારૂં-નરસું ક્યાં છે ભાન,
તું જે આપે તે સૌગાત.
કોઇ મરે ના કોઇ વિના,
ખાલી કાગળ ઉપર વાત.
પ્રીત કદી ના થાય ખતમ,
પ્રેમ તો છે હરદમ શરુઆત.
સમજાવે છે લોક ભલે,
કોણે માની કોની વાત?
કોને ખપતી કાલ સવાર,
સપનાંમાં જો તારો સાથ!
લીધા છે સમ,જાન દઈશ,
તારી મરજી તારે હાથ.
કાતિલ પર એતબાર કર્યો,
દિલ દઈ દીધું હાથોહાથ.
ભોળા’સુમન’જલ્દી ભાગ,
દિલ લૂંટે સૌ લઈને બાથ.
Filed under: જયસુખ પારેખ 'સુમન' | Tagged: ગઝલ, ગુજરાતી કવિતા અને ગઝલ, ગુજરાતીકવિતા, ગુજરાતીકવિતા ગઝલ શાયરી, જયસુખ પારેખ 'સુમન', પ્રણય, પ્રેમ, પ્રેમ ગીત કાવ્યો, gujaratigazal, gujaratigazal vishwa | Leave a comment »
Posted on જૂન 22, 2010 by BHARAT SUCHAK
તો તમે પ્રેમ મા પડો- જયકાંત જાની (USA)
હસતા હોઠ રાખી મનમા રડતા આવડે છે ?
ઉઘં ઉડે, આકાશ ના તારા ગણતા આવડે છે ?
તો તમે પ્રેમ મા પડો
પ્રેમીની આંખ મા ખોવાઇ જઇ
દિલમાથી નિકળતા આવડે છે ?
વેલી જેમ વ્રુક્ષ ને ભીસે તેમ
પ્રેમી ને ભીંસ્તા આવડે છે ?
તો તમે પ્રેમ મા પડો
કંકુ વિટિની રમત મા
વિટિ જીતતા આવડે છે ?
રાઘા ક્રુષ્ણ જેવા રિસામણા અને
મનામણા આવડે છે ?
તો તમે પ્રેમ મા પડો
કાચ સામે ઉભારહી
જાત સાથે લડતા આવડે છે ?
ટેરવાના સ્પર્શથી પ્રેમી ના પ્રેમની
બારખડી ઉકેલતા આવડે છે
લૈલા ની જેમ ઝુરી ઝુરી
જીવતા આવડે છે ?
તો તમે પ્રેમ મા પડો
Filed under: જયકાંત જાની (USA ) | Tagged: ગુજરાત, ગુજરાતી કવિતા અને ગઝલ, ગુજરાતીકવિતા, ગુજરાતીકવિતા ગઝલ શાયરી, જયકાંત જાની (USA ), પ્રેમ, પ્રેમ ગીત, પ્રેમ ગીત કાવ્યો, gujarati git | 1 Comment »
Posted on જૂન 21, 2010 by BHARAT SUCHAK
સુંવાળા પ્રેમના અવશેષ ને આધાર લઈ જાશું,
જતી વખતે જગતથી એક મુઠ્ઠી પ્યાર લઈ જાશું.
નવા ભવમાં ફરીથી પ્રીતનાં પુષ્પો ખીલવવાને,
સનમનાં આંગણાંની ધૂળ ચપટીભાર લઈ જાશું.
સદેહે તો નહીં ચાલે પરંતુ એક યુક્તિ છે,
ભરીને શ્વાસમાં ખુશ્બૂ તણી ગુલનાર લઈ જાશું.
તમન્નાઓ ગલી ને ગામમાં શોધે થઈ પાગલ,
ગળામાં ઘંટ બાંધીને હ્રુદયને દ્વાર લઈ જાશું.
કર્યા’તા લાખ સજદા પણ કદિ એ દ્વાર ના ઉઘડ્યાં,
અમારી ઝંખનાના ઘર સમો પડથાર લઈ જાશું.
સનમથી આંખ મળતાંવેંત મારી આંખ મિંચાશે,
જીવનના અર્ક જેવો આખરી ધબકાર લઈ જાશું.
જીવનભર જે થઈને ભીંત નડતા’તા,બધા બોલ્યા,
‘સુમન’ની લાશ શણગારી,સનમને દ્વાર લઈજાશું!
જયસુખ પારેખ ‘સુમન’
Filed under: જયસુખ પારેખ 'સુમન' | Tagged: ગઝલ, ગુજરાત, ગુજરાતી કવિતા અને ગઝલ, ગુજરાતી ગઝલ, ગુજરાતીકવિતા ગઝલ શાયરી, ગુર્જર કાવ્ય ધારા, જયસુખ પારેખ 'સુમન', પ્રેમ, પ્રેમ ગીત કાવ્યો, gujaratiblog, gujaratigazal | Leave a comment »
Posted on ડિસેમ્બર 15, 2009 by BHARAT SUCHAK
રંગાઇ જાને રંગમાં…..
અમેરીકન તણા કલ્ચરમાં
વિદેશ તણા તુ રંગમાં…..રંગાઇ…..
આજે રળશુ શુ , કાલે રળશુ,
રળશુ લાખો દામ, ક્યારે બનશુ બિરલા ઘનશ્યામ,
સગા લુટશે, કોઇ કુટશે, કોઇ નહીં રે તારા સ્ંગમાં…..રંગાઇ…..
દારૂડીયો જાણતો ઝાઝું ઢીંચશું, પિવુ છે આ તમામ,
દેવદાસ નુ અમર કરી લઉં નામ,
રોગ આવશે, અલ્સર જાણજે, ખોવુ પડશે લાલ ર્ંગમાં…..રંગાઇ…..
એન આર આઇ કહેતા વતન જઇશું, પહેલાં મેળવી લોને દામ,
રહેવા ના કરી લો ઠામ,
ડોલર પડ્યો છે એમ, ક્યાં રસ્તામાં, એન આર આઇ કહેતા વ્યંગમાં…..રંગાઇ….
તેજી આવશે ત્યારે લઇશુ, સોના ચાંદી તમામ,
પછી ફરીશું દીકરી ના લગન ઘુમ ધામ,
દિકરી એક દિન ભાગી જાશે, તુ ઘોરતો રહેજે પલંગમાં…..રંગાઇ…..
ફાસ્ટ ફુડીયા ભોજન જમતાં, બિયર ના ભર્યા છે જામ,
એમાં ક્યાંથી સાંભરે ગામ,
માદરે -વતન થી દૂર રહ્યો તું, ફોગટ ફરે છે ઘમંડમાં…..રંગાઇ…..
સિટિજનશિપ ક્યારે મળશે, રહી જશે આમ ને આમ,
માટે ઓળખ આતમરામ,
મા ભોમકા આનંદે જીવતર અખંડ છે, આવ તું વતનના સંગમાં…..રંગાઇ…..
-જયકાંત જાની (USA)
Filed under: જયકાંત જાની (USA ) | Tagged: ગુજરાત, ગુજરાતીકવિતા, ગુજરાતીકવિતા ગઝલ શાયરી, જયકાંત જાની (USA ), તુ રંગાઇ જાને રંગમાં -જયકાંત જાની (USA), પ્રેમ ગીત કાવ્યો, gujarat, gujarati, gujarati git, gujarati kavita, gujarati net, gujarati website, gujaratiblog, gujaratikavita, gujaratikavitaanegazal | Leave a comment »
Posted on ડિસેમ્બર 11, 2009 by BHARAT SUCHAK
આ મ્હેંક્યા વસંતના વ્હાલ
કે સહિયર શું કરીએ
આ મ્હેંદી મૂકી હાથ
કે સહિયર શું કરીએ
આ નીકળ્યાં ઝરણાં તોડી પહાડ
ને વાગી વાંસલડી રે વાટ
કે સહિયર શું કરીએ
આ ફૂલે મઢ્યા ગાલ
કે સહિયર શું કરીએ
આ આભે ખીલ્યો ચાંદ
ને ફાગણ ખેલે ફાગ
કે સહિયર શું રમીએ
આ કોટે વળગ્યા વહાલ
કે સહિયર શું કરીએ
આ યૌવનનો ઉભરાટ
ને કોયલ બોલે ઊંચે ડાળ
કે સહિયર શું કરીએ
આ મ્હેંદી મૂકી હાથ
ને ખૂલ્યાં પ્રેમનાં દ્વાર
કે સહિયર સાથ રમીએ(૨)
રમેશ પટેલ(આકાશદીપ)
Filed under: Uncategorized | Tagged: પ્રેમ ગીત કાવ્યો, રમેશ પટેલ(આકાશદીપ), વસંતના વ્હાલ.....Ramesh Patel(Aakashdeep), gujarat, gujarati, gujarati git, gujaratiblog, gujaratikavita gujaratigazal gujaratishyari, gujaratikavitaanegazal, kavita | Leave a comment »
Posted on ડિસેમ્બર 1, 2009 by BHARAT SUCHAK
રાખનાં રમકડાં મારા રામે રમતાં રાખ્યાં રે
મૃત્યુલોકની માટીમાંથી માનવ કહીને ભાખ્યાં રે
રાખનાં રમકડાં, રમકડાં …
બોલે ડોલે રોજ રમકડાં, નિત નિત રમત્યું માંડે
આ મારું આ તારું કહીને એકબીજાને ભાંડે રે
રાખનાં રમકડાં, રમકડાં …
એઈ કાચી માટીને કાયામાંથી માયા કેરા રંગ લગાયા
એજી ઢીંગલા ઢીંગલીએ ઘર માંડ્યાં ત્યાં તો વિંઝણલા વિંઝાયા રે
રાખનાં રમકડાં, રમકડાં …
તંત અનંતનો તંત ન તૂટ્યો ને રમત અધૂરી રહી
તનડા ને મનડાની વાતો આવી એવી ગઈ
રાખનાં રમકડાં, રમકડાં …
-અવિનાશ વ્યાસ
Filed under: ભજન | Tagged: ગુજરાત, ગુજરાતી ગઝલ, ગુજરાતીકવિતા, ગુર્જર કાવ્ય ધારા, પ્રણય, પ્રેમ, પ્રેમ ગીત, પ્રેમ ગીત કાવ્યો, ભજન, ભરત સુચક, bhajan, gujarat, gujarati, gujarati kavita, gujarati net, gujarati website, gujaratibhajan, gujaratiblog, gujaratigazal, gujaratikavita gujaratigazal gujaratishyari | Leave a comment »
Posted on ઓગસ્ટ 31, 2009 by BHARAT SUCHAK
મફત મફતના મંત્રોથી ગુંજે, નવયુગનો દરબાર
મફતના પાઠ રટી હોઠે , આજ થઈ જાઓ તૈયાર
નામા મારું છે મફતલાલ, કહું ગમતી મફતની વાત
એક ખરીદો વસ્તુ લાલા, મળશે બીજી મફતમાં આજ
સદીઓ પહેલાં મફત લેવામાં, લાગતી શરમ અપાર
પણ નવા જમાને ‘ મફત’ ચલાવે દુનિયાના વ્યવહાર
મફતનો અજંપો લાગે ના માટે નવાજાતી શિષ્ટાચારી
સેવાની કદર કરી શેઠજી, ભાવે આપજો બોણી અમારી
લાંચ શબ્દ છે અણગમતો , પણ બક્ષિસ પ્રેમે ખપે
રોકડ સોગાદ બંગલા ગાડી દેખી આજના મુનીવર ચળે
મફતનો મહિમા ના જાણી,વાંઢાજી કચકચ ના થાજો કાજી
મફત માયલેજ મળે વિમાને ને અમારે ઘરવાલી છે રાજી
રાચ રચીલું નોકર-ચાકરથી શોભે ‘મફત’ મહેલ ચૌટા વચ્ચે
સમજી જાજો શાણા થઈ, મફત મફતમાં કોણ કોને લૂંટે
મફત મફતમાં ભેગું કરેલું, સમય આવે મફતમાં સરી જાય
પુરુષાર્થે રળી દાન દઈએતો , જાણજો સાચે જ સુખી થવાય
રમેશ પટેલ(આકાશદીપ)
Filed under: રમેશ પટેલ(આકાશદીપ) | Tagged: ગુજરાત, ગુજરાતી કવિતા અને ગઝલ, ગુજરાતી ગઝલ, ગુજરાતીકવિતા, ગુજરાતીકવિતા ગઝલ શાયરી, ગુર્જર કાવ્ય ધારા, નવયુગનો દરબાર, પ્રેમ ગીત કાવ્યો, ભરત સુચક, મફત મફતના મંત્રોથી ગુંજે, રમેશ પટેલ(આકાશદીપ), gujarat, gujarati, gujarati net, gujarati poem, gujarati website, gujaratigazal, gujaratikavita | Leave a comment »
Posted on ઓગસ્ટ 18, 2009 by BHARAT SUCHAK
ઝટ જાઓ ચંદનહાર
..ઝટ જાઓ ચંદનહાર લાવો, ઘુંઘટ નહિ ખોલુ હું
મને લાગ્યો છે હારનો નેડલો, કંથ નહિ બોલુ હું
હે નહિ ચડે ચુલે રોટલી….
ને નહિ ચડે તપેલી દાળ…. સમજ્યા કે…
હારનહિ લાવી દીયો તો તો પાડિશ હું હડતાળ રે
ઘુઘુંટ નહિ ખોલુ હું….
ઝટ જાઓ ચંદનહાર લાવો…
નાણાં ના નખરા બધા….
ને નાણાં ના સહુ નાદ…. સમજી ને..
માંગવાનુ તુ નહિ મૂકે હે મને મુકાવીશ તું અમદાવાદ રે
ઘુંઘટ ઝટ ખોલો ને….
ઝટ જાઓ ચંદનહાર લાવો….
હે વડોદરી લાહવો લઉ ને કરું સુરતમાં લેહર
હાર ચડાવી ડોકમાં, મારે જોવું છે મુંબઇ શહેર રે
ઘુંઘટ નહિ ખોલુ હું…
ઝટ જાઓ ચંદનહાર લાવો….
અરે ભાવનગર ભાગી જઇશ….
કે રખડીશ હું રાજકોટ…. કહિ દઉ છું હા…
પણ તારી સાથે નહિ રહું, મને મંગાવીશ તું તો લોટ રે
ઘુંઘટ ઝટ ખોલો ને….
ઝટ જાઓ ચંદનહાર લાવો, ઘુંઘટ નહિ ખોલુ હું
મને લાગ્યો છે હારનો નેડલો, કંથ નહિ બોલુ હું
ચીમનલાલ જોશી
Filed under: ગરબો, ચીમનલાલ જોશી | Tagged: ગરબો, ગુજરાત, ગુજરાતીકવિતા, ગુર્જર કાવ્ય ધારા, ચીમનલાલ જોશી, ઝટ જાઓ ચંદનહાર લાવો, પ્રેમ ગીત, પ્રેમ ગીત કાવ્યો, ભરત સુચક, Bharat Suchak, gujarat, gujarati, gujarati net, gujarati poetry, gujarati website, gujaratiblog, gujaratigazal vishwa, gujaratikavitaanegazal, prem | Leave a comment »
Posted on ઓગસ્ટ 12, 2009 by BHARAT SUCHAK
વા વાયા ને વાદળ ઊમટ્યા
ગોકુળમાં ટહુક્યા મોર
મળવા આવો સુંદિરવર શામળિયા
તમે મળવા ન આવો શા માટે
તમે મળવા ન આવો શા માટે
ન આવો તો નંદજીની આણ
મળવા આવો સુંદિરવર શામળિયા
તમે ગોકુળમાં ગૌધન ચારંતા
તમે ગોકુળમાં ગૌધન ચારંતા
તમે છો સદાયના ચોર
મળવા આવો સુંદિરવર શામળિયા
તમે કાળી તે કામળી ઓઢંતા
તમે કાળી તે કામળી ઓઢંતા
તમે ભરવાડણના ભાણેજ
મળવા આવો સુંદિરવર શામળિયા
તમે વ્રજમાં તે વાંસળી વાજંતા
તમે વ્રજમાં તે વાંસળી વાજંતા
તમે ગોપીઓના ચિત્તચોર
મળવા આવો સુંદિરવર શામળિયા
મેતા નરશીના સ્વામી શામળિયા
મેતા નરશીના સ્વામી શામળિયા
અમને તેડી રમાડ્યા રાસ
મળવા આવો સુંદિરવર શામળિયા
વા વાયા ને વાદળ ઊમટ્યા
ગોકુળમાં ટહુક્યા મોર
મળવા આવો સુંદિરવર શામળિયા
અજ્ઞાત
Filed under: ગરબો, ભજન | Tagged: ગરબો, ગીત, ગુજરાત, ગુજરાતીકવિતા, ગુજરાતીગીત, ગુર્જર કાવ્ય ધારા, પ્રેમ ગીત કાવ્યો, ભજન, ભરત સુચક, મારા ઘટમાં બિરાજતા શ્રીનાથજી, વા વાયા ને વાદળ ઊમટ્યા, bhajan, Bharat Suchak, garabo, git, gujarat, gujarati, gujarati net, gujarati poem, gujarati poetry, gujarati website, gujaratibhajan, gujaratiblog, gujaratigit, kavita | Leave a comment »
Posted on ઓગસ્ટ 11, 2009 by BHARAT SUCHAK
ઊંચી તલાવડીની કોર
પાણી ગ્યા’તાં પાણી ભરતા રે જોયો સાહ્યબો
બોલે અષાઢીનો મોર
પાણી ગ્યા’તાં પાણી ભરતા રે જોયો સાહ્યબો
ગંગા જમની બેડલું ને કીનખાબી ઇંઢોણી
નજર્યું ઢાળી હાલું તો ય લાગી નજર્યું કોની
વગડે ગાજે મુરલીના શોર
પાણી ગ્યા’તાં પાણી ભરતા રે જોયો સાહ્યબો
ઊંચી તલાવડીની કોર
પાણી ગ્યા’તાં પાણી ભરતા રે જોયો સાહ્યબો
ભિંજે ભિંજે જાય મારા સાળુડાની કોર
આંખ મદિલી ઘેરાણી જાણે બન્યું ગગન ઘનઘોર
છાનો મારે આ સુનો દોર
પાણી ગ્યા’તાં પાણી ભરતા રે જોયો સાહ્યબો
ઊંચી તલાવડીની કોર
પાણી ગ્યા’તાં પાણી ભરતા રે જોયો સાહ્યબો
અજ્ઞાત
Filed under: ગરબો | Tagged: ઊંચી તલાવડીની કોર, ગરબો, ગુજરાત, ગુજરાતી કવિતા અને ગઝલ, ગુજરાતી ગઝલ, ગુજરાતીકવિતા, ગુજરાતીકવિતા ગઝલ શાયરી, ગુર્જર કાવ્ય ધારા, પ્રણય, પ્રેમ, પ્રેમ ગીત, પ્રેમ ગીત કાવ્યો, ભરત સુચક, Bharat Suchak, gujarat, gujarati, gujarati net, gujarati poetry, gujaratiblog, gujaratikavitaanegazal, kavita, love, prem | Leave a comment »
Posted on ઓગસ્ટ 11, 2009 by BHARAT SUCHAK
તારી આંખનો અફીણી, તારા બોલનો બંધાણી
તારા રૂપની પૂનમનો પાગલ એકલો
હે આજ પીઉં દરશનનું અમૃત, કાલ કસુંબલ કાવો
તાલ પુરાવે દિલની ધડકન, પ્રીત બજાવે પાવો
તારી મસ્તીનો મતવાલો આશક એકલો
હે તારા રૂપની પૂનમનો પાગલ એકલો
તારી આંખનો અફીણી, તારા બોલનો બંધાણી
તારા રૂપની પૂનમનો પાગલ એકલો
પાંખોની પરખે પરબડી, આંખો જુએ પીયાવો
અદલ બદલ તનમનની મોસમ, ચાતકનો ચકરાવો
તારા રંગ નગરનો રસિયો નાગર એકલો
હે તારા રૂપની પૂનમનો પાગલ એકલો
તારી આંખનો અફીણી, તારા બોલનો બંધાણી
તારા રૂપની પૂનમનો પાગલ એકલો
ધીમી ધીમી પગલી તારી ધીમી કૈંક અદાઓ
કમર કરે છે લચક અનોખી રૂપ તણાં લટકાઓ
તારી અલબેલી એ ચાલનો ચાહક એકલો
હે તારા રૂપની પૂનમનો પાગલ એકલો
તારી આંખનો અફીણી, તારા બોલનો બંધાણી
તારા રૂપની પૂનમનો પાગલ એકલો
તું કામણગારી રાધા ને હું કાનો બંસીવાળો
તું ચંપા વરણી ક્રિષ્ન કળી હું કામણગારો કાનો
તારા ગાલની લાલીનો ગ્રાહક એકલો
હે તારા રૂપની પૂનમનો પાગલ એકલો
તારી આંખનો અફીણી, તારા બોલનો બંધાણી
તારા રૂપની પૂનમનો પાગલ એકલો
રૂપ જાય આગળથી પાછળ, જાય જુવાની વીતી
પ્રીતવાવડી સદા છલકતી, જાય જિંદગી પીતી
તારા હસમુખડાં ઝીલું છું ઘાયલ એકલો
હે તારા રૂપની પૂનમનો પાગલ એકલો
તારી આંખનો અફીણી, તારા બોલનો બંધાણી
તારા રૂપની પૂનમનો પાગલ એકલો
ઠરી ગયાં કામણના દીપક, નવાં નૂરનો નાતો
ઝલક ગઈ મન પામરતાની, નવી આરતી ગાતો
તારી પાનીને પગરસ્તે ચાલું એકલો
હે તારા રૂપની પૂનમનો પાગલ એકલો
તારી આંખનો અફીણી, તારા બોલનો બંધાણી
તારા રૂપની પૂનમનો પાગલ એકલો
વેણીભાઇ પુરોહિત
Filed under: ગઝલ, ગીત, ગુજરાતી ગઝલ, વેણીભાઇ પુરોહિત | Tagged: ગઝલ, ગુજરાત, ગુજરાતી ગઝલ, ગુજરાતીકવિતા, ગુજરાતીકવિતા ગઝલ શાયરી, ગુર્જર કાવ્ય ધારા, તારા બોલનો બંધાણી, તારી આંખનો અફીણી, પ્રણય, પ્રેમ, પ્રેમ ગીત, પ્રેમ ગીત કાવ્યો, ભરત સુચક, વેણીભાઇ પુરોહિત, Bharat Suchak, gujarati gazal, gujarati git, gujarati net, gujarati poetry, gujarati shyari, gujarati website, gujaratigazal vishwa, gujaratikavita, gujaratikavitaanegazal, kavita, love, prem | Leave a comment »
Posted on ઓગસ્ટ 9, 2009 by BHARAT SUCHAK
ઊંચી મેડી તે મારા સંતની રે, મેં તો મા’લી ન જાણી રામ.. હો રામ..
ઊંચી મેડી તે મારા સંતની રે, મેં તો મા’લી ન જાણી રામ..
અમને તે તેડાં શીદ મોક્લ્યાં, કે મારો પીંડ છે કાચો રામ,
મોંઘા મૂલની મારી ચુંદડી, મેં તો મા’લી ન જાણી રામ.. હો રામ..
ઊંચી મેડી તે મારા સંતની રે….
અડધાં પેહર્યાં અડધાં પાથર્યાં, અડધાં ઉપર ઓઢાડ્યાં રામ
ચારે છેડે ચારે જણાં, તોયે ડગમગ થાયે રામ.. હો રામ..
ઊંચી મેડી તે મારા સંતની રે….
નથી તરાપો, નથી ડુંગરા, નથી ઉતર્યાનો આરો રામ
નરસિંહ મહેતાના સ્વામી શામળા, પ્રભુ પાર ઉતારો રામ.. હો રામ..
ઊંચી મેડી તે મારા સંતની રે….
Filed under: ભજન | Tagged: ઊંચી મેડી તે મારા સંતની રે, ગુજરાત, ગુજરાતીકવિતા, ગુજરાતીકવિતા ગઝલ શાયરી, ગુર્જર કાવ્ય ધારા, પ્રણય, પ્રેમ, પ્રેમ ગીત, પ્રેમ ગીત કાવ્યો, ભરત સુચક, Bharat Suchak, gujarat, gujarati, gujarati poem, gujarati website, gujaratiblog, gujaratigazal, gujaratigazal vishwa, gujaratikavita gujaratigazal gujaratishyari, gujaratikavitaanegazal, kavita, love | Leave a comment »
Posted on ઓગસ્ટ 9, 2009 by BHARAT SUCHAK
મેંદી તે વાવી માળવે ને
એનો રંગ ગયો ગુજરાત રે
મેંદી રંગ લાગ્યો રે
નાનો દિયરડો લાડકો જે,
કંઇ લાવ્યો મેંદીનો છોડ રે … મેંદી …
વાટી ઘૂંટીને ભર્યો વાટકો ને
ભાભી રંગો તમારા હાથ રે … મેંદી …
હે… લાંબો ડગલો, મૂછો વાંકડી, શિરે પાઘડી રાતી
બોલ બોલતો તોળી તોળી છેલછબીલો ગુજરાતી
હે.. તન છોટુ પણ મન મોટું, છે ખમીરવંતી જાતી
ભલે લાગતો ભોળો, હું છેલછબીલો ગુજરાતી
હાથ રંગીને વીરા શું રે કરું?
એનો જોનારો પરદેશ રે … મેંદી …
મેંદી તે વાવી માળવે ને
એનો રંગ ગયો ગુજરાત રે
મેંદી રંગ લાગ્યો રે.
અજ્ઞાત
Filed under: ગરબો, ગીત, લોકગીત | Tagged: ગરબો, ગુજરાત, ગુજરાતી કવિતા અને ગઝલ, ગુજરાતી ગઝલ, ગુજરાતીકવિતા, ગુજરાતીકવિતા ગઝલ શાયરી, ગુર્જર કાવ્ય ધારા, પ્રેમ ગીત, પ્રેમ ગીત કાવ્યો, ભરત સુચક, મેંદી તે વાવી માળવે ને, લોકગીત, Bharat Suchak, gujarat, gujarati, gujarati net, gujarati poem, gujarati website, gujaratiblog, gujaratikavita, gujaratikavitaanegazal | Leave a comment »
Posted on ઓગસ્ટ 7, 2009 by BHARAT SUCHAK
એકલાં જ આવ્યા મનવા, એકલાં જવાના
સાથી વિના, સંગી વિના, એકલાં જવાના
કાળજાની કેડીએ કાયા ના સાથ દે
કાળી કાળી રાતડીએ છાયા ના સાથ દે
કાયા ના સાથ દે ભલે, છાયા ના સાથ દે ભલે
પોતાના જ પંથે પોતના વિનાના
સાથી વિના, સંગી વિના, એકલાં જવાના
આપણે અંહી એકલા ને કિરતાર એકલો
એકલા જીવોને એનો આધાર એકલો
વેદના સહીએ ભલે, એકલા રહીએ ભલે
એકલા રહીને બેલી થવું રે બધાનાં
સાથી વિના, સંગી વિના, એકલાં જવાના
એકલાં જ આવ્યા મનવા, એકલાં જવાના
સાથી વિના, સંગી વિના, એકલાં જવાના
બરકત વિરાણી ‘બેફામ’
Filed under: બરકત વિરાણી ‘બેફામ’ | Tagged: .એકલાં જ આવ્યા મનવા,gujarati gazal.ગુજરાતી ગઝલ, એકલાં જવાના, ગઝલ, ગુજરાત, ગુજરાતી કવિતા અને ગઝલ, ગુજરાતી ગઝલ, ગુજરાતીકવિતા, ગુજરાતીકવિતા ગઝલ શાયરી, ગુજરાતીશાયરી, ગુર્જર કાવ્ય ધારા, પ્રણય, પ્રેમ, પ્રેમ ગીત કાવ્યો, બરકત વિરાણી ‘બેફામ’, ભરત સુચક, Bharat Suchak, gujarati, gujarati git, gujarati kavita, gujarati net, gujarati poem, gujarati poetry, gujarati shayari, gujarati website, gujaratibhajan, gujaratiblog, gujaratigazal, gujaratikavita gujaratigazal gujaratishyari, gujaratikavitaanegazal, kavita, love | 2 Comments »
Posted on ઓગસ્ટ 7, 2009 by BHARAT SUCHAK
ભુલી જવાનો હું જ, એ કહેતા હતા મને,
એવું કહીને એજ તો ભુલી ગયા મને.
પૂછ્યું નથી શું કોઇએ, મારા વિશે કશું?
તારા વિશે તો કેટલું પૂછે બધા મને!
ખોબો ભરીને ક્યાંયથી, પીવા મળ્યું નહિ,
દરિયો મળ્યો છે આમ તો, ડૂબી જવા મને.
થાકી ગયો તો ખૂબ કે ચાલી શકત ન હું,
સારું થયું કે લોક સહુ ઊંચકી ગયા મને.
કૈલાસ પંડિત
Filed under: કૈલાસ પંડિત, ગઝલ, ગીત, ગુજરાતી ગઝલ | Tagged: .ભુલી જવાનો હું જ, એ કહેતા હતા મને, કૈલાસ પંડિત, ગુજરાત, ગુજરાતી કવિતા અને ગઝલ, ગુજરાતી ગઝલ, ગુજરાતીકવિતા, ગુજરાતીકવિતા ગઝલ શાયરી, ગુર્જર કાવ્ય ધારા, પ્રેમ, પ્રેમ ગીત, પ્રેમ ગીત કાવ્યો, ભરત સુચક, Bharat Suchak, gujarat, gujarati, gujarati git, gujarati kavita, gujarati poem, gujarati poetry, gujaratiblog, gujaratigazal, gujaratigazal vishwa, gujaratikavita, gujaratikavita gujaratigazal gujaratishyari, gujaratikavitaanegazal, love, prem | Leave a comment »
Posted on ઓગસ્ટ 1, 2009 by BHARAT SUCHAK
જ્યાં જ્યાં વસે એક ગુજરાતી
જ્યાં જ્યાં વસે એક ગુજરાતી, ત્યાં ત્યાં સદાકાળ ગુજરાત!
જ્યાં જ્યાં બોલાતી ગુજરાતી, ત્યાં ત્યાં ગુર્જરીની મહોલાત!
ઉત્તર દક્ષિણ પૂર્વ કે પશ્ચિમ, જ્યાં ગુર્જરના વાસ;
સૂર્ય તણાં કિરણો દોડે ત્યાં, સૂર્ય તણો જ પ્રકાશ.
જેની ઉષા હસે હેલાતી, તેનાં તેજ પ્રફુલ્લ પ્રભાત;
જ્યાં જ્યાં વસે એક ગુજરાતી, ત્યાં ત્યાં સદાકાળ ગુજરાત!
ગુર્જર વાણી, ગુર્જર લહાણી, ગુર્જર શાણી રીત,
જંગલમાં પણ મંગલ કરતી, ગુર્જર ઉદ્યમ પ્રીત.
જેને ઉર ગુજરાત હુલાતી, તેને સુરવન તુલ્ય મિરાત;
જ્યાં જ્યાં વસે એક ગુજરાતી, ત્યાં ત્યાં સદાકાળ ગુજરાત!
કૃષ્ણ દયાનંદ દાદા કેરી પુણ્ય વિરલ રસ ભોમ;
ખંડ ખંડ જઈ ઝૂઝે ગર્વે કોણ જાત ને કોમ.
ગુર્જર ભરતી ઉછળે છાતી ત્યાં રહે ગરજી ગુર્જર માત;
જ્યાં જ્યાં વસે એક ગુજરાતી, ત્યાં ત્યાં સદાકાળ ગુજરાત!
અણકીધાં કરવાના કોડે, અધૂરાં પૂરાં થાય;
સ્નેહ, શૌર્ય ને સત્ય તણા ઉર, વૈભવ રાસ રચાય.
જય જય જન્મ સફળ ગુજરાતી, જય જય ધન્ય અદલ ગુજરાત!
જ્યાં જ્યાં વસે એક ગુજરાતી, ત્યાં ત્યાં સદાકાળ ગુજરાત!
– અરદેશર ફરામજી ખબરદાર
Filed under: અરદેશર ફરામજી ખબરદાર | Tagged: અરદેશર ફરામજી ખબરદાર, ગુજરાત, ગુજરાતી કવિતા અને ગઝલ, ગુજરાતી ગઝલ, ગુર્જર કાવ્ય ધારા, જ્યાં જ્યાં વસે એક ગુજરાતી, પ્રેમ ગીત કાવ્યો, ભરત સુચક, Bharat Suchak, gujarati, gujarati gazal, gujarati poem, gujarati poetry, gujarati website, gujaratiblog, gujaratikavita gujaratigazal gujaratishyari, gujaratikavitaanegazal, gujaratiliterature, kavita, love, love in gujarati | Leave a comment »
Posted on જુલાઇ 29, 2009 by BHARAT SUCHAK
નજરનાં જામ છલકાવીને ચાલ્યા ક્યાં તમે
જીગરને આમ તરસાવીને ચાલ્યા ક્યાં તમે
તમને બોલાવે પ્યાર, તમે ઊભા રહો
દિલના ખુલ્લા છે દ્વાર, તમે ઊભા રહો
જરા ઊભા રહો, જરા ઊભા રહો
જીવનને આંગણે આવીને ચાલ્યા ક્યાં તમે
નજરનાં જામ છલકાવીને ચાલ્યા ક્યાં તમે
મારી થઈ ગઈ છે ભૂલ, મને માફ કરો
મેં તો આપ્યા છે ફૂલ, મને માફ કરો
મને માફ કરો, મને માફ કરો
પ્રણયના ફૂલ કરમાવી ને ચાલ્યા ક્યાં તમે
નજરનાં જામ છલકાવીને ચાલ્યા ક્યાં તમે
થઈને પૂનમની રાત તમે આવ્યાં હતા
થઈને જીવન પ્રભાત તમે આવ્યાં હતા
તમે આવ્યાં હતા, તમે આવ્યાં હતા
વિરહની આગ સળગાવીને ચાલ્યા ક્યાં તમે
નજરનાં જામ છલકાવીને ચાલ્યા ક્યાં તમે
બરકત વિરાણી ‘બેફામ’
Filed under: બરકત વિરાણી ‘બેફામ’ | Tagged: ગઝલ, ગુજરાત, ગુજરાતી ગઝલ, ગુજરાતીકવિતા, ગુજરાતીકવિતા ગઝલ શાયરી, પ્રણય, પ્રેમ, પ્રેમ ગીત, પ્રેમ ગીત કાવ્યો, બરકત વિરાણી ‘બેફામ’, ભરત સુચક, Bharat Suchak, gujarat, gujarati net, gujarati poetry, gujarati website, gujaratiblog, gujaratigazal vishwa, gujaratikavita, gujaratikavita gujaratigazal gujaratishyari, love, prem | Leave a comment »
Posted on જુલાઇ 15, 2009 by BHARAT SUCHAK
મારી મુંઝવણો……
થયું, લાવ,થોડું પાછળ જોઇ લઉં,
અવકાશ હોય, તો,ક્ષણોને મુલવી લઉં.
ઘણી વાર એમ થાય છે કે,શું ઉણપ છે
અળગો અળગો કેમ લાગું છું લોકોથી
આવડતું નથી મને ચહેરો પહેરતાંકે,
પારદર્શક બનવાથી દેખાતો નથી
મને પણ ઉ ત્સાહ એટલો જ હોય,
કદાચ લોકોને બીજાનો વધારે લાગતો હશે,
કે, દેખાડો નથી કરી શકતો એટલે
મને સીન્થેટિક બનતાં નથી આવડતું,
કદાચ,માતા-પિતા હશે જવાબદાર એને માટે,
હોય એવા દેખાવું,એવું હમેશાં કહેતા બન્ને,
પણ,આ જમાનામાં, કોટન કોણ પહેરે છે
હા,ગુસ્સો છે મારી મોટી નબળાઇ,
પણ,
ખોટી ખુશામત કરવા અસમર્થ છું.
હાં…….હવે મળ્યું કારણ, મારી મુંઝવણનું,
મારી પાસે મુખવટાઓ નો સ્ટોક જ નથી !!!!
-ચૈતન્ય મારુ
Filed under: ચૈતન્ય મારુ. | Tagged: ગઝલ, ગુજરાત, ગુજરાતી કવિતા અને ગઝલ, ગુજરાતીકવિતા, ગુજરાતીકવિતા ગઝલ શાયરી, ચૈતન્ય મારુ., પ્રેમ, પ્રેમ ગીત, પ્રેમ ગીત કાવ્યો, ભરત સુચક, Bharat Suchak, gujarat, gujarati net, gujarati website, gujaratigazal, gujaratikavita, gujaratikavita gujaratigazal gujaratishyari, kavita | 1 Comment »
Posted on જુલાઇ 12, 2009 by BHARAT SUCHAK
તન-મન ના આતંકવાદીઓ હોય,
ત્યાં હરિ સાથે ક્યાં થી હોય ?
નેતાઓ બની ગયા હોય ખુરશીદાસો,
નશ્યત સ્વાથઁમાં દેશદાઝહિન હોય નેતાઓ ત્યાં ભલા !
હરિ સાથે ક્યાં થી હોય ?
ટ્યુશનિયા શિક્ષકો વિધાથીઁ ની પાછળ પાગલ હોય,
સાચી વિધા ક્યાંથી હોય ?
હાઈબ્રીડના અનાજ લોકો ને પધરાવતા હોય,
ત્યાં મીઠા-મધુરા સ્વાદ ક્યાં થી હોય ?
ટી.વી. ચેનલો પર અશોભનીય દ્રશ્યો જોવાતા હોય,
ત્યાં સ્વસ્થ-સંસ્કારી સમાજ ક્યાંથી હોય?
-unknown
Filed under: Uncategorized | Tagged: ક્યાં થી હોય ?, ગુજરાત, ગુજરાતી કવિતા અને ગઝલ, ગુજરાતીકવિતા, ગુજરાતીકવિતા ગઝલ શાયરી, ગુજરાતીશાયરી, ગુર્જર કાવ્ય ધારા, પ્રેમ ગીત કાવ્યો, ભરત સુચક, Bharat Suchak, gujarat, gujarati net, gujarati website, gujaratigazal, gujaratigazal vishwa, gujaratikavita, gujaratikavitaanegazal, gujaratishyari | Leave a comment »
Posted on જુલાઇ 8, 2009 by BHARAT SUCHAK
તું નદીની જેમ,ઝરણા ની જેમ હું,
આપણ ભેટી પડીશું ક્યાંય પણ!
હરેશલાલ
Filed under: મુક્તક | Tagged: ગુજરાત, ગુજરાતીકવિતા, ગુજરાતીકવિતા ગઝલ શાયરી, ગુજરાતીશાયરી, ઝરણા ની જેમ હું, તું નદીની જેમ, પ્રેમ ગીત, પ્રેમ ગીત કાવ્યો, ભરત સુચક, મુક્તક, હરેશલાલ, Bharat Suchak, gujarati net, gujarati poem, gujaratibhajan, gujaratigazal, gujaratikavita, gujaratikavitaanegazal, gujaratishyari, love, prem | Leave a comment »
Posted on જુલાઇ 8, 2009 by BHARAT SUCHAK
નજર લાગી જવાનો
જેમને ડર હોય છે ‘નૂરી’
હુ બંધ આંખો કરીને
એમનાં દશૅન કરી લઉં છું
મુસા યુસુફ ‘નૂરી’
Filed under: મુક્તક, મુસા યુસુફ 'નૂરી' | Tagged: ગઝલ, ગુજરાત, ગુજરાતી કવિતા અને ગઝલ, ગુજરાતીકવિતા, ગુજરાતીકવિતા ગઝલ શાયરી, ગુજરાતીશાયરી, નજર લાગી જવાનો, પ્રણય, પ્રેમ ગીત કાવ્યો, ભરત સુચક, મુક્તક, મુસા યુસુફ 'નૂરી', Bharat Suchak, gujarat, gujarati kavita, gujarati poem, gujarati website, gujaratiblog, gujaratigazal vishwa, gujaratikavita, gujaratikavita gujaratigazal gujaratishyari, love | Leave a comment »
Posted on જૂન 13, 2009 by BHARAT SUCHAK
ગુન્હેગાર છું,ચુંબન અચાનક મેં તમારું લઇ લીધુ,
પાછું લઇ લો,ત્યાં જ છે જ્યાંથી લીધું જ્યાંથી કીધું,
-અવિનાશ વ્યાસ
Filed under: અવિનાશ વ્યાસ, મુક્તક | Tagged: અવિનાશ વ્યાસ, ચુંબન, પ્રેમ, પ્રેમ ગીત કાવ્યો, મુક્તક, gujaratigazal, gujaratikavita, gujaratishyari | Leave a comment »
Posted on જૂન 11, 2009 by BHARAT SUCHAK
એ રીતે છવાઈ ગયા છે ખયાલમાં,
આવેશને ગણી મેં લીધો છે વહાલમાં.
તારા વચનનો કેટલો આભાર માનીએ,
વરસો કઠણ હતાં તે ગયાં આજકાલમાં.
સારું છે એની સાથે કશી ગુફ્તગુ નથી,
નિહતર હું કંઈક ભૂલ કરત બોલચાલમાં.
કરતો હતો જે પહેલાં તે પ્રસ્તાવના ગઈ,
લઈ લઉં છું એનું નામ હવે બોલચાલમાં.
લય પણ જરૂર હોય છે, મારી ગિતની સાથ,
હું છું ધ્વિનસમાન જમાનાની ચાલમાં.
મુજ પર
Filed under: મરીઝ | Tagged: ગઝલ, ગુજરાતી ગઝલ, ગુજરાતીકવિતા, ગુજરાતીશાયરી, પ્રેમ ગીત કાવ્યો, મરીઝ, gujaratigazal, gujaratikavita, gujaratikavitaanegazal, gujaratishyari | 2 Comments »
Posted on જૂન 11, 2009 by BHARAT SUCHAK
એ રીતે છવાઈ ગયા છે ખયાલમાં,
આવેશને ગણી મેં લીધો છે વહાલમાં.
તારા વચનનો કેટલો આભાર માનીએ,
વરસો કઠણ હતાં તે ગયાં આજકાલમાં.
સારું છે એની સાથે કશી ગુફ્તગુ નથી,
નિહતર હું કંઈક ભૂલ કરત બોલચાલમાં.
કરતો હતો જે પહેલાં તે પ્રસ્તાવના ગઈ,
લઈ લઉં છું એનું નામ હવે બોલચાલમાં.
લય પણ જરૂર હોય છે, મારી ગિતની સાથ,
હું છું ધ્વિનસમાન જમાનાની ચાલમાં.
મુજ પર
-મરીઝ
Filed under: ગઝલ, ગીત, ગુજરાતી ગઝલ, મરીઝ | Tagged: એ રીતે છવાઈ ગયા છે ખયાલમાં, ગુજરાતી કવિતા અને ગઝલ, ગુજરાતી ગઝલ, ગુજરાતીકવિતા ગઝલ શાયરી, ગુજરાતીશાયરી, પ્રેમ ગીત કાવ્યો, મરીઝ, gujarat, gujarati git, gujaratigazal, gujaratigazal vishwa, gujaratikavita, gujaratikavitaanegazal, gujaratishyari, mariz | Leave a comment »
Posted on જૂન 10, 2009 by BHARAT SUCHAK
સળગતો શબ્દ, પણ પીંખાયેલા પરિવાર જેવો છું,
મને ન વાંચ, હું ગઈ કાલના અખબાર જેવો છું.
અભાગી મ્યાનમાંથી નીકળી તલવાર જેવો છું,
ખરા અવસર સમે ખાલી ગયેલા વાર જેવો છું.
કદી હું ગત સમો લાગું, કદી અત્યાર જેવો છું,
નિરાકારીના કોઈ અવગણ્યા આકાર જેવો છું.
ભલે ભાંગી પડ્યો પણ પીઠ કોઈને ન દેખાડી,
પડ્યો છું તો ય છાતી પર પડેલા માર જેવો છું.
પરિચય શબ્દમાં પાંખી પરિસ્થિતિનો આપ્યો છે,
ને મોઢામોઢની હો વાત, તો લાચાર જેવો છું.
‘ગની’, તડકે મૂકી દીધા રૂડાં સંબંધના સ્વપ્નાં,
હવે હું પણ સળગતા સૂર્યના વ્યહવાર જેવો છું.
– ગની દહીંવાલા
Filed under: ગઝલ, ગની દહીંવાલા | Tagged: ગઝલ, ગની દહીંવાલા, ગુજરાત, ગુજરાતીકવિતા, પાંખી પરિસ્થિતિ, પ્રણય, પ્રેમ ગીત કાવ્યો, gujarat, gujarati net, gujarati poetry, gujarati website, gujaratigazal vishwa, gujaratikavita gujaratigazal gujaratishyari, gujaratishyari, kavita | 1 Comment »