સુવિચાર

સાચું બોલવાની પણ એક રીત હોય છે. તે એવી રીતે બોલાવું જોઈએ કે તે અપ્રિય ન બને.
–મોરારજીભાઈ દેસાઈ
મન પંચરંગી છે. ક્ષણે ક્ષણે તેના રંગ બદલાય છે. એક જ રંગના રંગાયેલા કોઈ વિરલા જ હોય છે.
–કબીર
બધે જ ગુણની પૂજા થાય છે, સંપત્તિની નહિ. પૂનમના ચંદ્ર કરતાં બીજનો ક્ષીણ ચંદ્ર જ વંદનીય ગણાય છે.
… –ચાણક્ય
પરાજય શું છે ? એ એક પ્રકારનું શિક્ષણ છે. કાંઈ પણ વધારે સારી વસ્તુ, સારી સ્થિતિ તરફ જવાનું તે પહેલું પગથિયું છે.
–વેન્ડેલ ફિલિપ્સ
હંમેશા હસતા રહેવાથી અને ખુશનુમા રહેવાથી, પ્રાર્થના કરતાં પણ વધારે જલદી ઈશ્વરની નજીક પહોંચાય છે.
–સ્વામી વિવેકાનંદ

વજન વગર ની વાત નકામી-unknown

વજન વગર ની વાત નકામી
ભજન વગર ની રાત નકામી
સંગઠન વગર ની નાત નકામી
માનવતા વગર ની જાત નકામી
કાપે નહીં તેવી ધાર નકામી
કહ્યું નો માને એ નાર નકામી
સુધારે નહીં તેવી માર નકામી
શુકન વગર ની હોડી નકામી
બેસી જાય તેવી ઘોડી નકામી
બ્રેક વગર ની કાર નકામી
પૂંજી સાવ અધૂરી નકામી
સમજણ સાવ થોડી નકામી
બોલ્યો ફરે એ બંદો નકામો
કઈ ઉપાડે નહીં તે કાંધો નકામો
છોલે નહીં તે રનધો નકામો
નફા વગર નો ધંધો નકામો

સુવિચાર-બરાબર સમજી રાખો :

બરાબર સમજી રાખો :

અનાયાસે પ્રાપ્ત થયેલી લક્ષ્મી,
પરિશ્રમ તથા પુરુષાર્થ વગરનું જીવન,
અને સાચી ભુખ વિનાનું ભોજન,
… આ ત્રણેય ભલે થોડો આનંદ આપે………………..

પણ સરવાળે તે હાનિકર્તા છે

તું અને હું

તું અને હું
આપણા દેહ બે પણ
પ્રાણ એક-
એ વાતને
સાચી ઠરાવવાના
લાખ પ્રયત્ન કરીએ છીએ
પણ
આપણી ભીતર
તો
સતત રણક્યા કરે છે
અસ્વીકારનું અસ્તિત્વ!
આપણે તો છીએ
પુસ્તકનાં
સામસામાં બે પૃષ્ઠો-
સંપૃક્ત પણ અલગ અલગ
માત્ર સિવાઈ
ગયેલાં
કોઈ
ઋણાનુબંધના દોરાથી !

-પન્ના નાયક

ઇનામ- જયકાંત જાની (અમેરીકા)

હુ પરણ્યો અને સાસુએ લાડી આપી ઇનામ મા

જાણે દુકાળમા કોઇએ લીલી વાડી આપી ઇનામ મા

 

છુટક દુધ મળતુ હોય તો ભેંસ બાંધવાની શુ જરુર

ભેંસ બાંધશો તો ભેંસ આપશે પાડી ઇનામ મા.

 

ક્ષણના આન્ંદ માટે આન્ંદ નો દરિયો ગુમાવ્યો

દરિયા દિલ ખારવાને જુઓ ખાડી મળી ઇનામ મા

 

મને દેખાય તે બધુ તેને દેખાય નહીં તેવી ટુકી નજર

ચતુર નર ને જુઓ કેવી બાડી મળી ઇનામમા.

 

સાથે ચાલવા કોઇ હમસફર હોય તો રસ્તો ઘટે

મને સાસરેથી છંલાગ ગાડી મળી ઇનામમા.

માગું હું તે આપ, પ્રભુજી !

માગું હું તે આપ, પ્રભુજી !
માગું હું તે આપ.

ના માંગુ ધન વૈભવ
જે મન દેખી મલકાય,
ભલે રહું હું દીન તોય લઉં ના ગરીબ કેરી હાય !
એવું હૈયાનું બળ આપ, પ્રભુજી ! … માગું

ઉંચા નીચા ભેદ ન જાણું, સૌને ચાહું સમાન
સૌને આવું હું ખપમાં મુજ કાયા વજ્ર સમાન
એવું શરીરનું બળ આપ, પ્રભુજી ! … માગું

કરતાં કાર્ય જગે સેવાનાં જો કદી થાકી જવાય
કાયા થાકે મન નવ થાકે જીવતર ઉજળું
એવું મનનું બળ તું આપ, પ્રભુજી !

“પ્રેમ” કાવ્ય સ્પર્ધા

પ્રિય સભ્યો,
આપ સૌનું ગુજરાતીઓ-સ્પર્ધા પર હાર્દિક સ્વાગત છે. સહર્ષ જણાવવાનું છે કે ગુરુપુર્ણીમા નાં શુભદિવસથી આપણી આ વેબસાઈટમાં માસિક સ્પર્ધા નું આયોજન કરવામા આવ્યું હતું તે માટે નો વાચકમિત્રો એ જે ઉત્સાહભર્યો અને અતિ સુંદર પ્રતિભાવ દાખવ્યો તે માટે આપ સૌ નો ખુબ ખુબ આભાર .
હવેથી આ સ્પર્ધા દર વખતે અલગ અલગ વિષય આધારિત રાખવાનું નક્કી કર્યું છે , તો આપ સૌ મિત્રો ને તેમાં ભાગ લેવા ભાવભર્યું આમંત્રણ છે. ખાસ કરીને આ સ્પર્ધાનો હેતુ નવોદિત સર્જકોને પ્રોત્સાહન પૂરું પાડવાનો છે .
ગુજરાતી ભાષાના પ્રચાર માટે હવેથી નિયમિત રીતે સ્પર્ધાનું આયોજન કરવામા આવશે આથી, જેઓ લેખન ક્ષેત્રે પ્રથમ પગલું ભરી રહ્યાં હોય તેમને માટે આ સ્પર્ધા સુવર્ણતક સમાન છે.આ સ્પર્ધા આજના તારીખ ૧ ૬ જાન્યુઆરી … પોષ સુદ અગિયારસ ના શુભદિવસથી શરુ થાય છે.
આ વખતની સ્પર્ધાનો વિષય છે પદ્ય અને “પ્રેમ” ….પ્રેમ કાવ્ય / ગઝલ / ગીત / સોનેટ …. કે પ્રેમ અંગેની આપ કોઈ પણ પદ્ય રચના મૂકી શકો છો.
પ્રેમ નો પ્રકાર કોઈ પણ હોઈ શકે …. માતૃ પ્રેમ, પિતૃ પ્રેમ, ભાઈ બહેનનો પ્રેમ, મિત્ર કે સખી નો પ્રેમ , દામ્પત્ય પ્રેમ , કે પ્રેમીજનો નો પ્રેમ !
પ્રેમની ના કોઈ પરિસીમા,
પ્રેમપંથમાં ના કાંઈ પારાવાર.
પ્રેમ પરસ્તીનો, પરવશ પરવરદિગાર,
પ્રેમપંથનો પ્રણેતા જ પ્રભુ પરમેશ્વર!
પારૂ કૃષ્ણકાંત “પિયુની”
આપ સૌ આપની પોતાની રચના આજના શુભ દિવસથી નીચેની લીંક ક્લિક કરીને બ્લોગ

પર મૂકી શકો છો અને ઇનામ જીતી શકો છો.

http://www.gujaratio.com/profiles/blog/new
પ્રથમ ઇનામ રૂ. ૫૦૧, દ્રીતિય ઇનામ રૂ. ૨૫૦,ત્રીજું ઇનામ રૂ.૧૦૧ આપવામાં આવશે
(આ ઇનામ”પરાર્થે સમર્પણ “ની રકમ માતૃશ્રી “સુરજબા” ના સ્મરણાર્થે …” સુરજબા મેમોરીયલ પબ્લિક ટ્રસ્ટ જેસરવા “મુ. જેસરવા. તા. પેટલાદ , જીલ્લો આણંદ – ૩૮૮૪૫૦ દ્વારા “સ્વપ્ન ” જેસરવાકર અને ચીમનભાઈ પટેલ તેમજ પરીવારનાસહયોગથી ………..)

આ સ્પર્ધાના નિયમોઃ
બધાજ સભ્યોને વિનતી છે કે નિયમ વાંચીને જ રચના બ્લોગ પર મુકે. તમારી રચનાનાં અંતમાં તમારૂ પુરુ નામ , સરનામું , કોન્ટેક્ટ નંબર અને રચના લખ્યાની તારીખ લખવી જરૂરી છે.

૧) રચના સ્વરચિત હોવી જોઇએ.અને સ્પર્ધામાં ભાગ લેવા તમે તમારી રચના સીધી બ્લોગ પર મૂકી શકશો જે આ સ્પર્ધાના નિયમ મુજબની હોવી જરૂરી છે (તમને બ્લોગ પોસ્ટ મુકતા તકલીફ પડે તો આ લીંક ક્લિક કરાવી
http://gujaratikavitaanegazal.ning.com/group/Help
૨) વધુ માં વધુ ૫ રચનાઓ બ્લોગ પર મૂકી તમે સ્પર્ધામાં ભાગ લઇ શકો છો.
૩) તમે તમારી રચનાનાં અંતમાં તમારૂ પુરુ નામ, સરનામું , કોન્ટેક્ટ નંબર અને અને રચના લખ્યાની તારીખ લખવી જરૂરી છે .
૪) રચના આ અગાઉ ક્યાંય પ્રસિધ્ધ થઇ હોવી ના જોઇએ.બીજે પ્રસિધ્ધ થયેલી રચના અહી મુકવી નહિ.
૫) અહી પોસ્ટ કરેલ બધી યોગ્ય રચના ગુજરાતી ગ્રુપની વેબસાઈટ પર મુકવામાં આવશે અને તેને પુસ્તક સ્વરૂપે પણ મુકવાનો વિચાર છે.
૬)આ સ્પર્ધાની આખરી તારીખ ૨૮.૨.૨૦૧૧
૭)સ્પર્ધાના નિર્ણાયકો ટુંક સમય માં જાહેર કરવામાં આવશે.
૮)સ્પર્ધામાં મુકેલ રચના ૩ મહિના સુધી બીજા બ્લોગો કે વેબસાઈટ કે બીજા કોઈ માંધ્યમમાં મુકવી (પબ્લીશ) કરવી નહિ
વિશેષમાં કોઇ સલાહ-સુચન કે સુધારા કરવા જેવુ લાગે તો જરુર કહેજો. તમારો અભિપ્રાય અમારે માટે બહુ કિમતી છે.

જય જય ગરવી ગુજરાતી

પારૂ કૃષ્ણકાંત “પિયુની”

સખી તારી વાતડીમાં પતંગો ઊડે,

સખી તારી વાતડીમાં પતંગો ઊડે,
પતંગો ઊડે આભ-ધરતીને સાંધે,
સખી તારી…
ખાલી મનમાં નવો ઉમંગ ભરવા,
મીઠી મીઠી વાતોથી મનને હરવા,
લાગણીથી લાગણીના તંતુને બાંધે,
સખી તારી…
તલસાંકળી, મમરાના લાડુ લીધા,
ખુશ રહીને ખુશીનાં અમૃત પીધાં,
બધે માનવતાનાં મિષ્ટાન્ન રાંધે,
સખી તારી…
સંપનો બાગ કેવો લાગે અનેરો,
સહકારના આયનામાં ખીલે ચહેરો,
પછી ઉકેલ મળી જાય વાંધે-વાંધે,
સખી તારી…

– ‘સાગર’ રામોલિયા

http://sagarramolia.wordpress.com/2011/01/14/%e0%aa%aa%e0%aa%a4%e0%aa%82%e0%aa%97%e0%ab%8b-%e0%aa%8a%e0%aa%a1%e0%ab%87-%e0%aa%b8%e0%aa%96%e0%ab%80%e0%aa%a8%e0%ab%80-%e0%aa%b5%e0%aa%be%e0%aa%a4%e0%aa%ae%e0%aa%be%e0%aa%82/

માનો પોલીસને મિત્ર ભાગ- ર

વાહનચોરી અટકાવવા વાહનમાલિકોએ ઘ્યાન પર લેવાની તકેદારીરૂપ બાબતો
• વાહનના પાર્કિંગ માટેની નિયત જગ્યામાં જ પાર્ક કરો.
• ૯૦ ટકા વાહનચોરી લોક કર્યાં વિનાનાં વાહનોની જ થાય છે. વાહનચોરી અટકાવવા માટે વાહનનું લોક કરવું તે અતિઆવશ્યક છે. વાહનને પાર્ક કરતી વખતે હંમેશા તેને લોક કરો. તેમ જ લોક થયાની ખાતરી કર્યા બાદજ આગળ વધો.
• વાહન નો પાર્કિંગ ઝોન, રોડ પર અડચણરૂપ રીતે. કે છૂટુંછવાયું ક્યારેય પાર્ક ન કરો.
• રાત્રીના સમયે પોતાનું વાહન કમ્પાઉન્ડ વોલ કે પાર્કિંગમાં મૂકી વાહનને લોક કરવા ઉપરાંત કમ્પાઉન્ડ વોલનો દરવાજો પણ લોક કરવાનો આગ્રહ રાખો.
• ટુ વ્હિલરમાં સ્ટિયરિંગ અને ઇગ્નિશન લોક ઉપરાંત ચેઈન લોક પણ લગાવી શકાય છે. જે વધારાની તકેદારી લેવામાં સંકોચ ન અનુભવો.
• વાહનચોરો વાહનની ચોરી કરી તત્કાલ નંબર પ્લેટ બદલે છે અને કેટલાક કિસ્સામાં વાહન છૂટું પાડી વેચે છે અથવા બોગસ રજિસ્ટ્રેશનના કાગળો બનાવી વેચે છે. ચોરી કરેલ વાહનનો અહીં જણાવેલ રીતે સરળતાથી નિકાલ ન થાય તે માટે આપના વાહનનો રજિસ્ટ્રેશન નંબર તેના સ્ટિયરિંગ, વાહનની રિંગો, ચેસીસ, એન્જિન વગેરે પર એમ્બ્રોસ કરાવો.
• આપની કારમાં કે ટુ વ્હિલરની ડેકીમાં રોકડ નાણાં કે કીમતી દસ્તાવેજો, લાઇસન્સવાળું હથિયાર, ઇલેક્ટ્રોનિક ઉપકરણો વગેરે છોડીને ન જાઓ.
• હાલમાં ન.ચક (વાહનનું લોકેશન દર્શાવતા) ઉપકરણો અને રિમોટ કન્ટ્રોલ/કોકથી વાહનના ઇગ્નિશન બંધ કરી શકાય તેમ જ વાહનને ચાવી વિના ચાલુ કરવામાં આવે તો વાહનમાલિકને વાહન શરૂ થયાની જાણ થાય તે પ્રકારના અદ્યતન સિક્યોરિટી ડિવાઇસ બજારમાં ઉપલબ્ધ છે તેનો ઉપયોગ કરવો.
• વીમો ઉતરાવ્યા વિના વાહનનો ક્યારેય ઉપયોગ ન કરો. વીમાની મુદ્દત પૂરી થતાં પહેલાં બિનચૂક પ્રીમિયમ ભરો.
• જૂનું વાહન ખરીદતાં પહેલાં તેની માલિકીના દસ્તાવેજની સંપૂર્ણ ખરાઈ કરો
સ્ત્રીઓમાટેસલામતીનાંસૂચનો
જાગૃતિ
• સ્ત્રીઓએ આસપાસનું વાતાવરણ અને જ્યાં જવાનાં હોય ત્યાંની જગ્યા અને ત્યાં કોઈની મદદ મળશે કે નહીં તે જાણવું જોઈએ અને નીચેના ત્રણ મોટામાં મોટાં જોખમી પરિબળો ઘ્યાનમાં રાખવાં જોઈએ.
• એકલતાની જગ્યા કે અંધારાની અથવા બંને
• બહાર નીકળવાના રસ્તા
• અજાણી જગ્યા કે જ્યાં કોઈની મદદ ના મળી શકે ત્‍યાં સિસોટી કે સ્વબચાવ માટે એલાર્મ સાથે રાખો.
• તમે તમારી કીચેઇનમાં સિસોટી લગાવી રાખો જે તમને અણધારી એકલ જગ્યાએ કામ આવશે. આ વગાડવાથી લોકોનું ઘ્યાન ખેંચાશે
• એકલવાયી જગ્‍યાએ વધુ સમય રોકાવવુ નહી
ઘ્યાનરાખો
• ખુલ્લી ઠંડા પીણાની બોટલ કે વસ્તુ કોઈ પણ પાસેથી ક્યારેય ન સ્વીકારો. પોતે જ બોટલ ખોલવાનો આગ્રહ રાખો.
• પ્રસંગ કે પાર્ટીમાં તમને જો ખાતરી ના હોય તો તમે જાતે નવું પીણું લઈ લો.
• પ્રસંગ કે પાર્ટીમાં અજાણ્‍યા ઇસમ પાસેથી કોઇપણ ખાધ્‍ય વસ્‍તુ લેવી નહી કે પીણુ પીવુ નહી.
• અજાણી જગ્યાએ કાળજી લઇ વાહનમાં મુસાફરી કરવી
વ્યક્તિગત તકેદારીનાં પગલાં
• હંમેશા થોભો અને જોખમ વિશે વિચારો.
• દરવાજો ખોલતાં પહેલાં મુલાકાતીને ઓળખો.
• નાનાં બાળકોને મુલાકાતી માટે દરવાજો ખોલવાનું કદી ના કહો.
• સેલ્સમેન પાસે હંમેશા ઓળખપત્ર માગો.
• રાત્રે એકલા ચાલવા જવાનું ટાળો.
• નિર્જન જગ્યાએ ચાલવા જવાનું ટાળો.
ઘરની સુરક્ષા અને સાવધાની માટેનાં પગલાં (Home Safety)
• ઘરના મુખ્ય દરવાજા અને પાછળના દરવાજા તેમ જ બારી અને તેની ગ્રિલો અતિ મજબૂત બનાવવાનો અને અંદરથી ફિટ કરવાનો આગ્રહ રાખો. ગ્રિલ, બારીબારણામાં મજબૂત સ્ક્રૂનો ઉપયોગ કરો.
• મકાનમાં સરળતાથી પહેલા માળે કે ગેલેરીમાં ચઢી ન શકાય તે માટે જરૂરી ગ્રિલ કે અવરોધો બનાવો. મકાન નજીક વૃક્ષ કે ઇલેક્ટ્રિક તેમ જ ટેલિફોનના થાંભલા ઉપરથી ઘરમાં પ્રવેશ શક્ય હોય તો ધાબાના દરવાજા સહિત જ્યાં જરૂર જણાય ત્યાં ગ્રિલ બનાવી જરૂરી તકેદારી લો.
• ઘરના મુખ્ય દરવાજા ઉપરાંત જાળીવાળો દરવાજો પણ અચૂક બનાવો જેથી અજાણ્યા મુલાકાતીને ઘરમાં પ્રવેશ આપતાં પહેલાં ઓળખાણ કે ઓળખની ખરાઈ થઈ શકે.
• ઘરમાં મુખ્ય દરવાજામાં આઇગ્લાસ, ડોરચેઇન ઉપરાંત શક્ય હોય તો વીડિયોડોર ફોન અને બહુમાળી મકાનમાં સિક્યોરિટી વ્યવસ્થા સાથે ઇન્ટરકોમની વ્યવસ્થા પણ રાખો. તાળાં ઊંચી ગુણવત્તાનાં અને મજબૂત પ્રકારનાં જ પસંદ કરો.
• ઘરના મુખ્ય દરવાજા અને રસોડાના/પાછળના દરવાજામાં બહારથી તાળાં ઉપરાંત ઇન્ટર્નલ લોક પણ રાખો. અહીં બારીબારણાંના નકૂચા સ્ક્રૂથી નહીં પણ નટ-બોલ્ટથી ફિટ કરાવો.
• દરેક એપાર્ટમેન્ટ, સોસાયટી તેમ જ બંગલાના આયોજનના તબક્કેથી જ સિક્યોરિટી હેતુથી અદ્યતન આયોજન કરો. મકાનની સલામતી માટે ઉપલબ્ધ મેગ્નેટિક સેન્સર, સ્મોક સેન્સર, અપપ્રવેશની કોશિશ કે અપપ્રવેશ રોકતાં એલાર્મ બંધ ઘરમાં પ્રવેશતાં માલિક-પોલીસ સહિત અમુક વ્યક્તિને જાણ કરતી સર્કિટ/ડિવાઇઝ વગેરે આધુનિક ઉપકરણોનો ઉપયોગ કરો.
• દરેક સોસાયટી અને એપાર્ટમેન્ટ તેમ જ ઓફિસ કોમ્પ્લેક્સ અને ગોડાઉન વિસ્તારમાં શિફટમાં વોચમેન રાખો. બહારથી આવતા મુલાકાતી માટે વિઝિટર્સ બુક રાખો. તેઓના વાહનના નંબર લખવાની પ્રથા અપનાવો.
• ઘરમાં નોકર રાખતાં પહેલાં તેની સાચી ઓળખ નક્કી કરો. તેના ફોટા સાથેનો રેકર્ડ (સંપૂર્ણ વિગત) અને તેની ભલામણ કરનારનું નામ વગેરે નોંધી રાખવું. તેના સંપર્કની વિગત પણ નોંધી રાખો. જરૂર જણાયેથી તેનું પોલીસ સ્ટેશન મારફત ચારિત્ર વેરિફિકેશન કરાવવું.
• ઘરમાં રિપેરિંગ (લાઇટ ફિટિંગ,પ્લમ્બિંગ વગેરે) જાણીતા માણસો/એજન્સી પાસે જ કરાવો. ઘરમાં રિપેરિંગ ચાલુ હોય ત્યારે ઘરની એક વ્યક્તિ કે નોકર હાજર રહો. ચેનલ/કેબલ, ઇન્ટરનેટ પ્રોવાઇડર, મોબાઇલ ફોન સેવા પૂરી પાડનાર, સેલ્સમેન, ફેરિયા વગેરેને ઘરમાં પ્રવેશ ન આપો. તેની ઓળખની ખાતરી કર્યા બાદ જ તેની સાથે વ્યવહાર કરો.
• મકાનના કમ્પાઉન્ડ અને સ્ટેરકેસમાં રાત્રી દરમ્યાન લાઇટની વ્યવસ્થા કરો. રાત્રે દૈનિકક્રિયા માટે જ્યારે પણ જાગવાનું થાય ત્યારે મકાન આસપાસ નજર કરવાની ટેવ પાડો.
• ઘરફોડ ચોરી કે લૂંટફાટ કરનાર ઘરમાં પ્રવેશની પહેલા કે પ્રવેશની સાથે ટેલિફોન તાર કાપી નાખવાની ટેવ ધરાવતા હોય છે. આપનો મોબાઇલ ફોન સૂવાની જગ્યાએ સાથે રાખો અને પોલીસ હેલ્પલાઈન (સ્થાનિક પોલીસ સ્ટેશન તેમ જ જિલ્લા પોલીસ કન્ટ્રોલ રૂમના નંબર અવશ્ય રાખો. મુશ્કેલીના સમયે મદદ માટે સંકલન કરે તેવા મિત્રોની મદદ પણ લો. પરસ્પર મદદ માટે આપ પૂર્વ નિર્ધારિત સમયે મિત્ર સાથે રિહર્સલ પણ કરી શકો છો.
• ઘરના મહત્ત્વના કારોબાર તેમ જ કીમતી દાગીના વગેરે અંગે તેમ જ બહાર રહેતાં સગાં-સંબંધી અંગે અજાણ્યા માણસો સામે રૂબરૂમાં ચર્ચા ટાળો.
• મકાનની ચાવી મકાન બંધ કરતી વખતે મકાન આસપાસ છુપાવવાનું ટાળો. તેમ જ મકાનની ચાવી ભરોસાપાત્ર પાડોશી સિવાય અન્યને ક્યારેય ન આપો. ઘરના નોકરોના હાથમાં ચાવી આવે તે રીતે ચાવીઓ ન રાખો. જ્યારે ઘર બંધ કરીને બહાર જવાનું થાય ત્યારે પાડોશીને તકેદારી લેવા જાણ કરો.
• પાડોશી સાથેના સંબંધો સારા રાખો અને મિલકત સંબંધિત ગુના સંબંધે પરસ્પરની તકેદારી લેવાના સંબંધો રાખો.
• ઘરના સભ્યોને ઘર બહાર જવાનો સમય અલગ અલગ હોય અને વચ્ચે ઘર બંધ રહેતું હોય તો દરેક સભ્ય પાસે ચાવીનો અલગ સેટ રાખો. ચાવી અડોશપડોશમાં આપવાનું ટાળો. જો પ્રસંગોપાત્ત ચાવી આસપાસમાં આપવાનું થતું હોય કે નોકરોના હાથમાં ચાવી જતી હોય તો તાળાં અવારનવાર બદલતા રહો.
• કીમતી દાગીના-રોકડ વગેરે સુરક્ષિત રાખવા ઘરમાં મજબૂત કબાટ/સેફ રાખો, જેની ચાવી ક્યાંય આસપાસમાં કે ટીવી કેબિનેટ-ફોન નીચે છુપાવવાની ટેવ ન રાખો. શક્ય હોય ત્યાં સુધી દાગીના-રોકડ બેન્ક લોકર/બેન્કમાં જમા રાખો.
• સોસાયટીના આંતરિક રોડ પર સોસાયટી પ્રમુખ કે સિક્યોરિટીના માણસો મારફત ફેરિયાઓનો પ્રવેશ રોકી શકાય છે. આપની સોસાયટી અને એપાર્ટમેન્ટમાં જેના ચારિત્ર અંગે ખરાઈ કરેલ છે તેવા જ સ્વીપર, ધોબી, શાકભાજીવાળા, છાપાવાળા અને અન્ય ફેરિયાને પ્રવેશ આપો. ગેસ રિપેર કરનાર, પ્લમ્બર અને અન્ય રિપેરિંગ કરનાર પણ માન્ય અને જાણીતી વ્યક્તિઓ પાસે જ કામ કરાવો. આવા તમામનાં નામ-સરનામાં અને ફોનથી વાકેફ રહો.
• અનાથાશ્રમ, ઘરેણાં ધોઈ સાફ કરી આપનાર, સેલ્સમેન, બાળભિખારી વગેરે ઓળખ સાથે બપોરના કે એકાંતના સમયે આવનારથી ખાસ ચેતતા રહો. એકલી મહિલા કે વૃદ્વ સાથે તેઓ દ્વારા છેતરપિંડી કે ગુનો કરવાની શક્યતા હંમેશા ઘ્યાન પર લો.
• બાળકોના મિત્રો, શાળા/સ્કૂલનાં વાહનો તેમ જ અગત્યના અન્ય સંપર્કોની વિગત હાથવગી રાખો.
• આપનું મકાન વિકાસ પામી રહેલા વિસ્તારમાં આવેલું હોય, આપના મકાન પાસે કોઈ ખાલી પ્લોટ હોય કે મકાન છેવાડાના વિસ્તારમાં આવ્યું હોય તો તે જગ્યાએ મિલકત વિરુદ્ધના ગુના થવાની વિશેષ શક્યતા છે. આવા વિસ્તારમાં દિવસ દરમ્યાન મજૂરો, ભિખારી, સાધુબાવા વગેરેના સ્વાંગમાં ફરતા અજાણ્યા માણસો ઉપર ખાસ નજર રાખો. તેમ જ જ્યારે આપનું ઘર બંધ રહેનાર હોય તે વખતે ખાસ તકેદારી રાખો, જેમાં બિનજરૂરી રીતે કીમતી જણસ બંધ ઘરમાં ન રાખો અને પાડોશી તેમ જ સ્થાનિક પોલીસ સ્ટેશનને આપનું ઘર બંધ રહેવા અંગે ખાસ જાણ કરો.
• આપ ઘરમાં એકલા હોય ત્યારે આપને બેઘ્યાન બનાવવા અને ટેન્શનમાં મૂકી ચીલઝડપ કે ચોરી/ગુનો કરવાના આશયથી ગુનેગારો અકસ્માત અથવા તુરંત ઘર બહાર નીકળેલ સગાંસંબંધી તકલીફમાં છે તેવી માહિતી આપી બહાર બોલાવે છે, અકસ્માતમાં કોઈ સગાંવહાલાંને પૈસાની જરૂર છે વગેરે ખોટા સમાચાર આપે છે. જ્યારે પણ અજાણી વ્યક્તિ દ્વારા આવા સમાચાર મળે ત્યારે સ્વસ્થતાથી સાંભળી યોગ્ય પ્રતિભાવ આપો અને પાડોશી તેમ જ પોલીસની મદદ લો.
• આપના રહેઠાણ બહાર રોડ પર કે ગલ્લા વગેરે પર ટપોરી એકઠા થતા હોય તો પોલીસના ઘ્યાન પર મૂકો. તેઓની ત્રાસદાયક વર્તણૂકથી છુટકારો મેળવવા હંમેશા પોલીસની મદદ લો.
• આપે આપની મિલકતની ચોરી/લૂંટફાટ કરનાર સામે વાજબી પ્રતિકાર કરી તે ઘટના રોકવા વાજબી બળ વાપરવાનો આપને અધિકાર છે. આવા પ્રસંગે આમ કરતાં પહેલાં તક મળે તો પોલીસ અને અન્ય મિત્રોની મદદ લેવાનો પ્રયાસ કરો.
જ્યારે પણ મિલકત વિરુદ્ધના ગુના માટે ગુનેગાર નજરે પડે ત્યારે પ્રથમ પોતે અને આસપાસના રહીશો સતર્ક થઈ તત્કાલ પોલીસને જાણ કરો અને ગુનેગારને પડકારવાને બદલે તેની હરકત પર નજર રાખી પોલીસની મદદ માટે સ્થાનિક પોલીસ સ્ટેશન ઉપરાંત જિલ્લા પોલીસ કન્ટ્રોલ રૂમ પર જાણ કરો.

સલામતી માટે જરૂરી
વાહનની યાંત્રિક ખામીઓ (બ્રેક ખરાબ હોવી, હેડ લાઇટ ખરાબ હોવી, તીવ્ર પ્રકાશવાળી લાઇટ હોવી, વાહનમાં એન્જિન કે અન્ય ભાગમાં ડ્રાઇવરના જજમેન્ટને થાપ આપે તેવી ખામી હોવી), રોડની ખામીઓ (સાંકડા અને ખરાબ રોડ, સાઇડ શોલ્ડરમાં ખામી હોવી, અવરોધરૂપ વૃક્ષો હોવાં, ખરાબ વળાંકવાળા રસ્તા હોવા, શેડ ડિઝાઇનમાં ખામી હોવી, શેડ સાઇન અને રિફલેક્ટર ન હોવા) અને વાહનચાલક કે રોડ વપરાશ કરનારની વ્યક્તિગત ભૂલો (નશો કરેલી સ્થિતિમાં વાહન ચલાવવું, દૃષ્ટિની ખામી હોવી, ટ્રાફિક નિયમો અને સૂચનાનું ઉલ્લંઘન કરવું, બેઘ્યાન કે બેફામ રીતે વાહન ચલાવવું, રાહદારીની ભૂલ) વગેરે એક કે વધુ પરિબળોના કારણે રોડ અકસ્માત બને છે. રોડ અકસ્માતમાં કોઈ એકની ભૂલના કારણે અનેક નિર્દોષ નાગરિકો પ્રત્યક્ષ અને પરોક્ષ રીતે ભોગ બને છે. દર વર્ષે વિશ્વમાં આશરે માણસો રોડ અકસ્માતમાં પ્રાણ ગુમાવે છે. અને મોટી સંખ્યામાં ગંભીર કે સામાન્ય ઈજા પામવા સાથે અબજો રૂપિયાનું નુકસાન થાય છે. માત્ર ભારતમાં જ દર વર્ષે એક લાખથી વધારે લોકોને રોડ અકસ્માત નડે છે, જેમાં મૃત્યુ, ઈજા, વાહન સહિત અન્ય મિલકતને નુકસાન, ઈજાના કારણે ભવિષ્યવર્તી અસર અને સારવારખર્ચ વગેરે સાથે નિષ્ણાતોના અભિપ્રાય મુજબ આશરે પપ,૦૦૦ કરોડ જેટલી સામાજિક કિંમત (સોશ્યિલ કોર્ટ) આપણે ચૂકવીએ છીએ. આ બાબત કોઈ મોટી માત્રામાં રાષ્ટ્રીય નુકસાન અને દુ:ખએ વાજબી છે ?
તમામ સ્તરે ઉપરોક્ત બાબતે ગંભીરતાથી વિચારણા સાથે થોડી જાગૃતિ દાખવી તકેદારી લેવામાં આવે તો રોડ અકસ્માતની માત્રામાં અસારધારણ ઘટાડા સાથે અનેકના પ્રાણ અને લાખોની વ્યથા/દુ:ખ ઘટાડી શકાય તેમ છે. આપ સૌને રોડ અકસ્માત ઘટાડવા નિષ્ઠાપૂર્વક પ્રયત્ન કરવા, વ્યક્તિગત અને સામૂહિક તકેદારી લેવા આ બાબતે જનજાગૃતિના પ્રયાસો કરવા અનુરોધ છે.
ટ્રાફિક સંબંધિત કાયદાઓ અને નિયમો આપની રોડ સલામતીને કેન્દ્રસ્થાને રાખી આ વિષયના ગહન અઘ્યયન બાદ ઘડવામાં આવ્યા છે. તેની મૂળભૂત જાણકારી રાખો, તેનો હેતુ સમજો અને તેનું સંપૂર્ણપણે પાલન કરો.
આ નિયમો વિરુદ્ધ અવિચારી, મૂર્ખતાપૂર્ણ અને ખોટું જનમાનસ ઊભું કરી સસ્તી લોકપ્રિયતાના પ્રયાસ કરનારના પ્રભાવમાં આવ્યા વિના હંમેશાં રોડ સલામતી અને જાહેર વ્યવસ્થાની બાબતે જ પ્રાધાન્ય આપી સ્વભાવગત રીતે ટ્રાફિકના નિયમોનું સંપૂર્ણપણે પાલન કરો. ટ્રાફિક નિયમો સંબંધિત જનજાગૃતિ લાવવાના પોલીસ અને સ્વૈચ્છિક સંસ્થાના પ્રયાસોની સરાહના કરી તેનો વ્યાપ વધારવા વ્યક્તિગત યોગદાન સાથે ઉત્સાહભેર ભાગ લેવા ભારપૂર્વક અનુરોધ છે.

જિંદગી”

આવતી કદી જો રીમઝીમ વર્ષા ની હેલી,
જાણે સોહામણા ભવિષ ની કરતી આગાહી,
તો ક્યારેક વળી ગમ ની શ્યામલ વાદળી.
રહેતું નથી કાંઈ પણ હંમેશા સમૂળ,
સર્વે કંઈ ક્ષણિક ને ક્ષણભંગુર,
શ્યામલ વાદળી માંહીજ વર્ષા,
ને વળી વર્ષા માંહીજ મેઘધનૂષ,
ઝટ સરી જતી પળો ખુશીની,
આનંદે તે ભોગવી રહેવું પ્રભુ નાં આભારી.
ક્યારેક જો વળી આવે આપત્તિ,
આસ્તિક કદી નવ થાજો આશાહીન,
એજ તો છે આપણી આસમાની સુલતાની.
ક્યારેક જો વળી સુખ થતું દુઃખ ને આધીન,
જાણજો જુક્તિ એ તો સર્જનહારની,
જાતક ને જે આપી જિજીવિષા પ્રબળ ઘણી,
તેજ થકી તો રહેતી અખંડિત અમર આશા ઘણી,
ઉદ્વિગ્ન ઉર માં તે ભરતી ઉત્સાહનો ઉછરંગ,
ખમીખમી ને પછડાટ વળી અડીખમ રહેતી જિંદગી,
પ્રસારી ને સોનેરી પાંખો વળી ઉડવાને તૈયાર જિંદગી !
વળી થઇ સાહસિક વહેવાને બોજ તૈયાર જિંદગી !
થતી કદીના આશાહીન જિંદગી !
ધૈર્ય અને શૌર્ય થી વિજયાંકિત જિંદગી.
પારૂ કૃષ્ણકાંત ‘પિયુની’

મને વહાલ કર..મને વહાલ કર,

હું સળગતા રણની તરસ સનમ ! મને વહાલ કર..મને વહાલ કર,
બની પ્રેમની તું પરબ સનમ ! મને વહાલ કર..મને વહાલ કર.

મારા રોમેરોમમાં આગ છે,તારા શ્વાસેશ્વાસમાં બાગ છે,
મને ભેટી ચૂમી વરસ સનમ ! મને વહાલ કર..મને વહાલ કર.

હું નશો છું તું જો શરાબ છે,છું સુગંધ તું જો ગુલાબ છે,
તું જીવન હું જીવ, સમઝ સનમ ! મને વહાલ કર..મને વહાલ કર.

તૂટેલાં સ્વપ્નના ઢગ તળે હજુ કઇક ઇચ્છાઓ સળવળે,
તું રહેમની નાખ નઝર સનમ ! મને વહાલ કર..મને વહાલ કર.

તને ઇન્તઝાર હતો કદી,તને મુજથી પ્યાર હતો કદી,
એ વીત્યા વખતની કસમ સનમ ! મને વહાલ કર..મને વહાલ કર.

તને ખ્યાલ છે મારા હાલનો,તું જવાબ સઘળા સવાલનો,
હવે મૂંઝવે બધા ગમ સનમ ! મને વહાલ કર..મને વહાલ કર.

તારી સો સજાઓ કબૂલ છે,તેં દીધેલું મૌત અમુલછે,
હું ફના થઊં તું અમર સનમ ! મને વહાલ કર..મને વહાલ કર.

જયસુખ પારેખ ‘સુમન’

દેશ આખા નુ બગડી ગયેલુ..આ લોકેશન સુધારીએ…સાંઈરામ દવે

દેશ આખા નુ બગડી ગયેલુ..આ લોકેશન સુધારીએ…
આવો..,યારો હાથ મીલાવો…ફાઉન્ડેશન સુધારીએ…

M.A.,B.ed. હાંકે રીક્ષા.,P.hd ને મળૅ ન ભીક્ષા..
ટ્યુશન ફી થી..કથળી ગયેલુ..એજ્યુકેશન સુધારીએ..
આવો..,યારો હાથ મીલાવો…ફાઉન્ડેશન સુધારીએ…

ફ્રેન્ડશીપ ના બહાના આગળ..થાય ઉઘાડા પડદા પાછળ..
આ પ્રેમ ને અભડાવે છે.. એવી ખોટી ફેશન સુધારીએ..
આવો..,યારો હાથ મીલાવો…ફાઉન્ડેશન સુધારીએ…

વેદ ને ગીતા કોઇ ન વાંચે..,વરવી વાતો મા સૌ રાચે…
સંસ્કારો ના ગળા દાબતા…પબ્લીકેશન સુધારીએ…
આવો..,યારો હાથ મીલાવો…ફાઉન્ડેશન સુધારીએ…

સચ્સાઈ નુ ગીત નથી આ..,સાચુ કઇ સંગીત નથી આ..
બેસુરૂ.. ને બેતાળુ.. છે…આ નોટેશન સુધારીએ…
આવો..,યારો હાથ મીલાવો…ફાઉન્ડેશન સુધારીએ…

ઉપર પ્રેમ ને અંદર નફરત..મીઠો માણસ ઝેર નુ સરબત..
માણસ ના ચહેરા પર નુ…… લેમીનેશન સુધારીએ….
આવો..,યારો હાથ મીલાવો…ફાઉન્ડેશન સુધારીએ…

વેરઝેર મા જીવે માણસ…,એક્બીજા થી બીવે માણસ…..
‘સાંઇ’..ચાલો આખેઆખુ..ઇન્શ્ટોલેશન સુધારીએ…
આવો..,યારો હાથ મીલાવો…ફાઉન્ડેશન સુધારીએ…

-સાંઈરામ દવે

કરામત છે ” ક” ની અમેરિકામાં

કરામત છે ” ક” ની અમેરિકામાં

(ગુજરાતી ભાષાનો પ્રથમ વ્યંજન મૂળાક્ષર “ક ” જે શ્રી કૃષ્ણ અને કૈલાસપતિના
નામનો પ્રથમ અક્ષર છે .તેનો વપરાશ જાણ્યે અજાણ્યે અમેરિકામાં રોજીંદો થાય છે )
…રાગ –==– મારી હુંડી સ્વીકારો મહારાજ રે ….. શામળા ગિરધારી
કોલમ્બસે શોધી કાઢ્યો આ દેશ રે …. અમેરિકાની બલિહારી
” ક” ની શરૂઆત ત્યાંથી થાય રે ………અમેરિકાની બલિહારી ——- (૧)
કામ મળે તો આ દેશમાં ને સુખેથી જીવાય
કાર વિના આ દેશમાં સહેજ પણ ના ચલાય
હે. કોલથી થાય હરે કામરે …………….અમેરિકાની બલિહારી ——–(૨)
કાચ તણા બારી- બારણા ને સર્વત્ર સોહાય
કિચન તો હર ઘરમાં અલાયદું જ રખાય
હે ….ક્લોઝેટ વિના ઘરમાંના ચાલે રે ……..અમેરિકાની બલિહારી ——-(૩)
કપડા-લતાના સેલ તો વારંવાર અહી થાય
કાગળ નો વપરાશ અહી વિષેસ પ્રમાણે થાય
હે ……કાર્પેટ તો ઘર- ઓફિસમાં નખાય રે …….અમેરિકાની બલિહારી ——(૪)
કોફીનો કપ તો સવારમાં હર હાથમાં દેખાય
કોટ- પેન્ટ અને ટાઈમાં બધા અપ્તુંડેત દેખાય
હે………કોલબેલ તો હર ઘરમાં નખાય રે ……..અમેરિકાની બલિહારી ——–(૫)
કચરાપેટી માટે અહી તો ગાર્બેચકેન રખાય
કોઈન લોન્ડ્રીમાં પૈસા નાખીને કપડા ધોવાય
હે………..કોકા કોલા ને ક્રશ બેહદ પીવાય રે……..અમેરિકાની બલિહારી ——–(૬)
ક્રેસીડા ને કોરોલા તો ટોયોટા ની વખણાય
કિંગ – કેબ ને ક્રેસલારની જોડ ના જણાય
હે…………કેડીલેક તો લકઝરીયસ ગણાય રે ……અમેરિકાની બલિહારી———-(૭)
કાર્ડ લખીને અહી કાગ્રેચુશન પણ અપાય
કેન્ડલ બુજાવીને પાર્ટીની શરૂઆત થાય
હે …… કેક કાપી ને અભિનંદન ગવાય રે …….અમેરિકાની બલિહારી ———(૮)
કોર્ન – કેક્ટસ ને કચુંબર ખુબ ખુબ ખવાય
કૉન ઓઈલ અને કૉન તોટિયા ખુબ વેચાય
હે…………..કોલગેટ ને ક્રેષ્ટ થી દંત મંજન થાય રે…….અમેરિકાની બલિહારી ——–(૯)
કેન્ડીબાર ને કુકી તો હરતે-ફરતે જ ખવાય
ક્રીમ પણ જાત-જાતની હરેક સ્ટોરમાં વેચાય
હે………….. કેબીનેટ તો ઘર ને ઓફિસમાં નખાય રે …..અમેરિકાની બલિહારી ——-(૧૦)
કોકટેલ પાર્ટીઓ તો વારે- તહેવારે યોજાય
કોકેઇન નો વેપાર પણ અહી અનહદ થાય
હે…………….કોલગર્લ ને કામિનીઓ રસ્તામાં ભટકાય રે …..અમેરિકની બલિહારી——–(૧૧)
કંપની દ્વારા પગારમાંથી ઇન્કમ ટેક્સ કપાય
કાર્યકરો પણ અનેક જાતના અહી દેખાય
હે……………..કોર્ટની-કચેરીની લફરાબાજી ગમેત્યારે થાય રે …..અમેરિકાની બલિહારી —–(૧૨)
કેરોલીના અને કેન્સાસ ના રાજ્યો અહી દેખાય
ક્લીપર -અને કિગ રમતની ટીમો વખણાય
હે……………..કેલીફોર્નીયા ને ગોલ્ડન સ્ટેટ કહેવાય રે …………..અમેરિકાની બલિહારી —–(૧૩)
કે- માર્ટના સ્ટોર તો આખા દેશમાં દેખાય
ક્લબો પણ અહી જાત-જાતની સ્થપાય
હે………………કેસીનોમાં કરોડોનો જુગાર ખેલાય રે ……………..અમેરિકાની બલિહારી ——-(૧૪)
કે- કેલ નાઈન અને કે ટીવી વખણાય
કેબલ નેટવર્કથી સમાચારો દેશમાં અપાય
હે………………..કોમ્પુટરનો ઉપયોગ સર્વત્ર થાય રે ……………………અમેરિકાની બલિહારી———-(૧૫)
કેનેડી તો થઇ ગયા વિશ્વશાંતિના દૂત
ક્લીન્ટન કેરા “સ્વપ્ન ” સાકાર થાય
હે ………………ક્રિસમસથી વરસના વધામણા થાય રે …………………અમેરિકાની બલિહારી ———(૧૬)
સ્વપ્ન જેસરવાકર (જાન્યુઆરી ૧૯૯૫ માં લખેલ છે)

ગોવિંદ પટેલ ( સ્વપ્ન જેસરવાકર )
લોસ એન્જલસ , અમેરિકા

છોડૉ પ્રેમમા- જયકાંત જાની

કરી શકાતું હોય તો બસ આટલું કરો પ્રેમ મા
પ્રેમ આપી પ્રેમ પામવાનુ વલણ છોડો પ્રેમમા

આખુ આકાશ મ્ંડળ્ પ્રેમ કરતા શિખવે છે
બધા સ્ંબ્ંધ મા,પૂર્વગ્રહનું ચલણ છોડો પ્રેમમા

ક્રુષ્ણ બની પ્રેમ વલોવવો પડશે પ્રેમમા
ક્રુષ્ણ મય બનો,અણગમા નુ શરણ છોડૉ પ્રેમમા

મીરા જેમ રાજપાટ છોડવા પડશે પ્રેમમા

રાગી નહી ત્યાગી બનો,મારાપણા નુ પણ છોડૉ પ્રેમમા

તુ સફળ પ્રેમી છો ખબર કેવી રીતે પડશે ભલા
સોનાની દ્વારકા સામે છે હવા મહેલ ચણવાનુ છોડ પ્રેમમા

સુંવાળા પ્રેમના અવશેષ ને આધાર લઈ જાશું,

સુંવાળા પ્રેમના અવશેષ ને આધાર લઈ જાશું,

જતી વખતે જગતથી એક મુઠ્ઠી પ્યાર લઈ જાશું.
નવા ભવમાં ફરીથી પ્રીતનાં પુષ્પો ખીલવવાને,

સનમનાં આંગણાંની ધૂળ ચપટીભાર લઈ જાશું.
સદેહે તો નહીં ચાલે પરંતુ એક યુક્તિ છે,

ભરીને શ્વાસમાં ખુશ્બૂ તણી ગુલનાર લઈ જાશું.
તમન્નાઓ ગલી ને ગામમાં શોધે થઈ પાગલ,

ગળામાં ઘંટ બાંધીને હ્રુદયને દ્વાર લઈ જાશું.
કર્યા’તા લાખ સજદા પણ કદિ એ દ્વાર ના ઉઘડ્યાં,

અમારી ઝંખનાના ઘર સમો પડથાર લઈ જાશું.
સનમથી આંખ મળતાંવેંત મારી આંખ મિંચાશે,

જીવનના અર્ક જેવો આખરી ધબકાર લઈ જાશું.
જીવનભર જે થઈને ભીંત નડતા’તા,બધા બોલ્યા,
‘સુમન’ની લાશ શણગારી,સનમને દ્વાર લઈજાશું!

જયસુખ પારેખ ‘સુમન’

તમે ડોકટરાણી છો ?- જયકાંત જાની (USA)

મારો હાથ લઇ તેના હાથમા
પ્રેમ નથી કરતા, પલ્સ ગણે છે.

ટેથોસ્કોપીક હાથ મુકી છાતીએ
કહે, આમા કેટલો કફ ખણ ખણે છે

મારી આખ મા આખ પરોવી કહે
આંખની ફીક્કાશ સ્વાસ્થને હણે છે.

આચર્યમા જીભ ભુલથી બહાર
નિકળી જાય તો કહે પીત્ત છે

ડોકટર ની પત્ની બની કંટાળી છુ
એ મને પત્ની નહી પેશન્ટ ગણે છે.

સવાર બપોર અને સાંજ સાહેબ
પ્રેમ પણ હવે ડોઝમા કરે છે .

ભુલે જમવા સાથે થ ઇ ગયા તો
કેટલોય કેલેરીનો કકળાટ કરે છે.

જો આ ન ખવાય આ ખવાય
ડોકટર અવો રોજ ઉકળાટ કરે છે

પાક-દામન મઝાર લાગે છે.

આંસુઓની કતાર લાગેછે,

પાક-દામન મઝાર લાગે છે.
જામ ખાલી છતાં છે હોઠો પર,

દોસ્તનો એતબાર લાગે છે.
મશરુફી હોય તારા આલમમાં,

બેકરારી કરાર લાગે છે.
આંખમાં આંસુ હાથમાં છે દવા,

આખરી સારવાર લાગે છે.
હોઠ ચૂપ રહેશે તોય કહી દેશે,

આંખ ઈમાનદાર લાગે છે.
બાગ આખો છે આંસુઓથી ભર્યો,

આજ જાતી બહાર લાગે છે.
હાથમાં હાથ હોય સુમનનો,

એ ઘડી યાદગાર લાગે છે.

પાક- પવિત્ર
જયસુખ પારેખ ‘સુમન’

લાલચ ની ચુંગાલ – જયકાંત જાની (USA)

બધી સુખ સાહેબી થી અમે દુરભાગી આવ્યા,
ઉકળતી એ જગાઓથી અમે દુરભાગી આવ્યા.

ઘનવાન ,કિર્તિવાન ના આશિર્વાદ વરસાવે છે એ,
માયાળુ માનો આંચલ છોડી અમે દુરભાગી આવ્યા.

તુ ફ્રી છો તો બેસવા આવુ એવા ફોન કરતા મિત્રો ના,
લાગણી સભર ઉમળકા છોડી અમે દુરભાગી આવ્યા.

નવરાત્રી,દીવાળી,ઉતરાણ,બળેવ જેવા ધબકતા
ઉત્સવો ના તોરણ ઉતારીને અમે દુરભાગી આવ્યા.

અમદાવાદ મારુ અમેરીકા કરતા સવાયુ બન્યુ ત્યારે,
અમદાવાદની અમીરાત મેલીઅમે દુરભાગી આવ્યા.

બહેન ,રાખડી બાંધવાની રાહ મા સ્વર્ગ વાસી થ ઇ ગ ઇ,
બહેનના ભાત્રુપ્રેમથી મોં ફેરવીઅમે દુરભાગી આવ્યા ‘

એક ડોલરની લાલચ મા ઢગલો દુખો ના સોદા કર્વા,
ભારત માતાની છત્ર છાયા છોડીઅમે દુરભાગી આવ્યા.

……તો સ્વર્ગ મળે છે જીવનમાં.

રમતાં રમતાં બે હાથ મળ્યા ને સ્પંદન જાગ્યાં તનમનમાં,
યૌવનનો થોડો ઝાઝેરો અહેસાસ કર્યો તો બચપનમાં.

કામ મળે જો પ્રિતમાં તો તડપાવે,દોઝખ-શું લાગે,
જો હોય પવિત્ર પ્રેમ અગર તો સ્વર્ગ મળે છે જીવનમાં.

હું દિવ્ય પ્રણયનો માલિક છું જ્યાં ઉમ્ર કરે ના કોઈ અસર,
ઘડપનમાં હસે,બચપનમાં હતી,મસ્તી જે રહી છે યૌવનમાં.

હો પ્રીતભરી એકાદ નઝર,તો યાદ રહે છે જીવનભર,
હું લાખ નઝરનો માલિક છું,જે રહેશે હરદમ અંજનમાં.

સ્વાર્થભરી દુનિયામાં ‘સુમન’સંબંધ બધાયે સુખના છે,
ખ્વાબોના યાદોના સાથી તો સાથ રહે છે હરપળમાં

જયસુખ પારેખ ‘સુમન’

તો સારુ – જયકાંત જાની (USA)

તો સારુ – જયકાંત જાની (USA)

હુ તેણે પહેરેલી મગ માળા પર આંગળી ફેરવતો તો કહેતી
હવે આ ઉમ્ંરે તુલસી માળા હાથ મા લ ઇ ફેરવો તો સારુ
હુ તેની ઉલઝાયેલી લટો સુલઝાવવા વાળ પર આંગળી ફેરવતો તો કહેતી
હવે આ ઉમ્ંરે કામમા ઉલઝાયેલા મન ને ભક્તિ રસથી સુલઝાવો તો સારુ
હુ કપડા પહેરી તૈયાર થૈ પરફ્યુમ છાટતો તો કહેતી
હવે આ ઉમ્ંરે અંતર આતમ ને પમરવા દો તો સારુ
હુ તીખા તમતમતા લસણ ડુગળી વાળા ભજિયા ખાવ તો કહેતી
હવે આ ઉમ્ંરે તામસી ભોજન ત્યજી ને સાત્વીક ભોજન લ્યો તો સારુ
હુ નવા બહાર પડેલા પિક્ચર જોવા જઇએ તેમ કહેતો તો કહેતી
હવે આ ઉમ્ંરે મ્ંદીર દેવ દર્શન કર્વા જૈએ તેમ કહો તો સારુ

પરદેશી લેપરદેશીજાના નહી ….જયકાંત જાની (USA)

મારા વતન પ્રેમ હાયે રે શિકાર કરીને
લઇ ગયા લુખ્ખુ ગ્રીન કાર્ડ ઘરી કરીને
એન આર આઇ કરીને, મારા વતન પ્રેમ નો…

મેં વિનવ્યું વારંવાર વતન મા વાસ કરી લ્યો
કંઇ ફુલ હો ડોલર નુ તો તેની સુવાસ ઘરી લ્યો
હાય કહી, વતન ને બાય કહી, વિસા હાથ ધરીને,

લઇ ગયા લુખ્ખુ ગ્રીન કાર્ડ ઘરી કરીને
એન આર આઇ કરીને, મારા વતન પ્રેમ નો …

એના ડોલર પર મેં મારી જિંદગી વારી
એ વિદેશી કયાંથી કદર હોય અમારી?
આ જોઈને, ને રોઈને દિલ મારું કહે છે,
શું પામ્યા જિંદગી ભર વાહ ! કરીને?
લઇ ગયા લુખ્ખુ ગ્રીન કાર્ડ ઘરી કરીને
એન આર આઇ કરીને, મારા વતન પ્રેમ નો …

છોને થયા પરદેશી હજુ દેશ બાકી છે
બન્ને દિલોમાં પ્રેમનો આવેશ બાકી છે,
સંસારનાં વહેવારનો સ્ંદેશ બાકી છે,
બન્ને દિલોનાં મળવા હજુ તાર બાકી છે,
ડોલર માં ફુલાઇ ગયાં, જોયું ના ફરીને,

લઇ ગયા લુખ્ખુ ગ્રીન કાર્ડ ઘરી કરીને
એન આર આઇ કરીને, મારા વતન પ્રેમ નો …

મોર્ડન મોમ નો ઇ-મેઇલ – જયકાંત જાની (USA )

મોર્ડન મોમ નો ઇ-મેઇલ – જયકાંત જાની (USA )
ઇન્દુલાલ ગાંધી નો આંધળી માના કાગળ પર થી પ્રેરણા

અમેરીકા ક્યા સ્ટેટ મા રહે તુ , નથી કોઇ ડીટેઇલ ,
સાઇબર કાફે જ ઇ ને દિકરા કરુ છુ ઇ-મેઇલ ,
નગીન મારો અમેરીકા ગામે;
હવે ત્યા ના ઇ ઝી ન નામે.

મેઇલ મા શુ લખુ દિકરા ! પાંચ વરસમાં પ્હોંચી નથી એક પેની
મેઇલ બોક્ષ મા એક મે ઇ લ પણ, તને લખવા ન દે જેની !
ન્યુઝ ત્યાના સાંભળી તારા,
આંખે મારી આવે અંઘારા

તારા ફ્રેન્ડ ઇ મેઇલ મા લખે છે કે, નાઇઝીન રોજ મને ભેળો થાય,
દિવસ આખો જાય જોબ મા રાતે ટાકો બર્ગર ખાય ,
નિત નવાં જીન્સ પ્હેરે
પાણી જેમ ડોલર વેરે.

ઝ્ંક ફુડ ઝાઝું ખાઇશ મા, રાખજે ચરબી-કેલેરીનું માપ,
મેડીકલ ઇન્સોરન્સ ના ડોલર આપણે કાઢશું ક્યાંથી, બાપ !
ફીટનેસ તારી રાખજે રૂડી,
અમેરીકાની ઇ જ છે મૂડી.

બ્ંગલા વેચ્યા ને સોનુ વેચ્યું, અમેરીકામાં કર્યો તે વાસ,
પિઝાનો રોટલો પચે નહિ તે દી પીવો પડે બિયર નો ગ્લાસ ,
તારે ફ્રોઝન નું ભાણું,
મારે નિત ગરમ ખાણું.

જુવાની હતી તે દી જોબમ અપડાઉ ન કરતી ગમોગામ,
ગટસ વિનાનાં ગઢીયા ને હવે કોઇ ન આપે કામ,
તારે અમેરીકા ડોલર દીવા,
મારે આંહીં અંધારાં પીવાં.

ઇ મેઇલ તારી પાંગળી માનો વાંચજે દૈ ધ્યાન
એકે રહી નથી હૈયા ધારણ, ઘર છે સુમસાન.
હવે નથી જીવવા મજા,
આવ હવે લૈ ને રજા

જો કદી હું વિધાતા થવાનો.

એક પરબ પ્રેમની ખોલવનો,જો કદી હું વિધાતા થવાનો.
કોઇ તરસ્યો ન પાછો જવાનો,જો કદી હું વિધાતા થવાનો.

વહાલું જે હોય તે સૌ ને મળશે,કોઇ ને જોઇ કોઇ ન જલશે,
ને નહીં હોય વચ્ચમાં જમાનો,જો કદી હું વિધાતા થવાનો.

સૌ મહોબ્બતની કરશે ઉજાણી,રહેશે નફરત બધાથી અજાણી,
હરઘડી પ્યાર પેદા થવાનો,જો કદી હું વિધાતા થવાનો.

રહેશે ખ્વાહિશ કોઇ ન અધુરી,આંખ મિંચે ને થાશે એ પુરી,
એવો ઈલમ બધાને મળવાનો,જો કદી હું વિધાતા થવાનો.

જાન લેશે ન કોઇ કોઇની,જાન દેશે બધા ત્યાં બધાને,
આદમી હર ખુદા ત્યાં થવાનો,જો કદી હું વિધાતા થવાનો.

-જયસુખ પારેખ ‘સુમન’

કારણ કે હુ મા છુ -જયકાંત જાની (USA)

જે દિકરાને નવ મહિના પેટમા રાખ્યો તે, લગ્ન પછી

નવ મહિનામા તેની વહુ ને લઇ જુદો થઇ ગયો,

હુ ચુપ રહીઃ કાઇ ન બોલીઃકારણ કે હુ મા છુ

તેનો નવમા દિવસે ફોન આવ્યો, પુત્રવઘુને સારી

જોબ મળી છે. મે પુછ્યુ તમારુ જમવાનુ ?

તેણે કહ્યુ ” ટિફીન મંગાવીએ છીએ, હુ સમસમી ગઇ

હુ ચુપ રહીઃ કાઇ ન બોલીઃકારણ કે હુ મા છુ

નવરાત્રી ના દિકરાનો ફોન આવ્યો પુત્ર વધુ

પ્રેગનન્ટ છે તમે સુવાવડ કરવા આવશો ને ?

મે હા કહી.

હુ ચુપ રહીઃ કાઇ ન બોલીઃકારણ કે હુ મા છુ

પુત્રવધુ એ પુત્રને જન્મ આપ્યો , પ્રપૌત્રનો

ચહેરો જોઇ હુ રડી પડી, પુત્રે પુછ્યુ

મમ્મી આ હર્શ ના આસુ છે ?

હુ ચુપ રહીઃ કાઇ ન બોલીઃકારણ કે હુ મા છુ

દિકરા એ પુછ્યુ , તમે તમારા ઘરે અમારા

દિકરા નુ બેબી સિટિંગ કર્શોને ?

હુ આ સાંભળી હસી.

હુ ચુપ રહીઃ કાઇ ન બોલીઃકારણ કે હુ મા છુ

પછી ………

પ્રપોત્રે એક દિવસ પુ્છ્યુ ” મોટીબા તમે

અમારાથી કેમ જુદા રહો છો ?

હુ ચુપ રહીઃ કાઇ ન બોલીઃકારણ કે હુ મોટી મા છુ.

પરાઇ…….

મા કહે તુ દિકરી મારી, પૂરજે ઇચ્છા મારી…….,

બાપ કહે તુ લાડલી મારી, વધારજે ઇજ્જત મારી,

ભાઇ કહે તુ બેનડી મારી, બનજે ખુબ ડાહી…!!

બહેન કહે તુ વ્હાલી મુજને, માનજે વાત મારી..!

સગા કહે તુ સગી અમારી, મર્યાદા મા સારી…..!!!!!

સમાજ કહે તુ સભ્ય અમારી, નિયમોમા બન્ધાણી..!!

પતિ કહે તુ પત્નિ મારી, મારી ઇચ્છા જ તારી……,

સાસરુ કહે તુ વહુ અમારી, ફરજે તુ બન્ધાણી…….!!

દિકરી કહે તુ મા મારી, કર મારી રખવાળી……..,

દિકરો કહે તુ જનની મારી, જીદ પૂરજે મારી….!!!!!!

જમાઇ કહે તુ સાસુ મારી, થોડી આઘી સારી….!!!!!!

વહુ કહે તુ સાસુ મારી, બહેરી-મુંગી સારી……….!!!!

સંભળાયો એક નાદ ઉઁડેથી,’ વાત સાંભળ મારી;…,

“પછી પછી કહી મને દબાવી ન થઇ શકી તુ તારી”…!!!!!!!!

મૌસમી મકવાણા-‘સખી’

મેરા ભારત મહાન -જયકાંત જાની (USA)

કોઇ એ મને પુછેલુ ; ઇન્ડીયા અને અમેરીકામા શુ ફર્ક છે ?

મારો જવાબ હતો ઇન્ડીયા સ્વર્ગ છે અને અમેરીકા નર્ક છે.

કોઇ એ મને પુછેલુ ; તમારો અમેરીકામા રહેવા નો શુ તર્ક છે ?

મારો જવાબ હતો અમેરીકામા વર્ક એડીકટ ડોલરીઑ અર્ક છે.

કોઇ એ મને પુછેલુ ; અમેરીકામા કેમ કાર્ય ક્ષમતા કરતા વધારે વર્ક છે ?

મારો જવાબ હતો અમેરીકા જોબ ચાલ્યા જવાના વઘારે જર્ક છે

ડોસી ડૉટ.કોમ-જયકાંત જાની (USA)

ડોશી ડોસા ને અમેરીકા લાવી : ડોસો રહે સુનમુન.
ડૉસી રોજ ગુન ગુને : અભી તો મૈ જવાન હુ ની ધુન.
ડોસી ડોસા ને ગીત મા કહે સુન સાહેબ્જી સુન
ડોશી ડોસા ને અમેરીકા લાવી : ડોસો રહે સુનમુન

ડોસી આખો દી લવલવે : ડોસો રહે ચુપ
ડોસી ગટગટાવે સ્લિમફાસ્ટ : ડોસો પીવે સુપ
ડોસી સેલની ડાઇ લાવે : કાળા વાળ મા લાગે સલુણી.
ડોસા નુ માથુ ધોળુ ધબ જાણે રૂ ની પુણી .

ડોશીના ભાવે પિઝા : ડોસો ને દાંત નુ કાચુ.
ડોસી ને ખાવાનો ભડભડીયો ડોસો બગાડે ડા્ચુ.
ડોસી લિપ્સ્ટીકથી હોઠ રંગે ગુલાબી.
ડોસો જાણે મૌની બાબા ડોસી હાજર જવાબી

બન્નેના સ્વભાવ જુદા : પણ બન્ને ને વિદેશ ની ઘુન
એક બીજા થી બારમે ચંદર : નથી હવે હની કે મુન

ડોશી ડોસા ને અમેરીકા લાવી : ડોસો રહે સુનમુન.
ડૉસી રોજ ગુન ગુને : અભી તો મૈ જવાન હુ ની

સૌથી મોટો રૂપિયો

સૌ કહે છે મારો મારો પણ કોઈનો નથી આ રૂપિયો
આજ મારો અને કાલે બીજાનો કોઈનો નથી રૂપિયો

ભાઈ ભાઈ થી વેર કરાવે સગો નથી કોઈનો રૂપિયો
દોસ્તી અને યારીમાં બસ સૌનો સગો છે આ રૂપિયો

લાચ રૂસ્વત અને ભ્રષ્ટાચાર ની ભાષા છે રૂપિયો
એનાથી સૌ કામ કરે છે સૌથી મોટો બન્યો રૂપિયો

કાલીયા ને પણ સુંદરી અપાવે રૂપાળો આ રૂપિયો
રૂપિયાનું તું રૂપ જોઇલે સૌથી રૂપાળો આ રૂપિયો

એના વગર સઘળું અધારુ ચળકાટ છે આ રૂપિયો
માન અને સાન અપાવે સ્વાભિમાની આ રૂપિયો

મદિરમાં ભગવાન પાસે પેટી માં પડ્યો છે રૂપિયો
ભગવાનની સાથે સાથે પૂજનીય બન્યો છે રૂપિયો

સબધ,લાગણી,પ્રેમ કઈ નથી જોતો આ રૂપિયો
ક્લયુગમાં સૌ બોલે છે કે સૌથી મોટો રૂપિયો

-ભરત સુચક

હળવાશ- જયકાંત જાની (USA)

 સ્કુલબેગ ઉપાડી મારા ખભા રહી જાતા

મારા દાદ્દા એ કહ્યુ ” પેંડા નુ પેકેટ હાથ મા હોય તો વજન લાગે

 પેટ્મા હોય તો ન લાગે “

 પછી સ્કુલ બેગની ચોપડીઓ ખોપડીમા ઉતારી

 મે સ્કુલ બેગ હળવી કરી નાખી.

 ટેક્ષ્સચોરી કરુ તો ઇન્કમટેક્ષ્સ નો ભય રહેતો

મારા દાદ્દા એ કહ્યુ ” ટેક્સચોરી એ દેશ દ્રોહ છે “

 પછી બે નંબરના ચોપડા વૈતરી નદીમા પધરાવી

મે ચિંતા હળવી કરી નાખી.

-જયકાંત જાની (USA)

 

પ્રારબ્ધને અહીંયાં ગાંઠે કોણ?

પ્રારબ્ધને અહીંયાં ગાંઠે કોણ?
હું પડકાર ઝીલનારો માણસ છું
હું તેજ ઉછીનું લઉં નહીં
હું જાતે બળતું ફાનસ છું.
ઝળાહળાનો મોહતાજ નથી
મને મારું અજવાળું પૂરતું છે
અંધારાના વમળને કાપે
કમળ તેજતો સ્ફુરતું છે
ધુમ્મસમાં મને રસ નથી
હું ખુલ્લો અને નિખાલસ છું
પ્રારબ્ધને અહીંયાં ગાઠે કોણ?
હું પડકાર ઝીલનારો માણસ છું
કુંડળીને વળગવું ગમે નહીં
ને ગ્રહો કને શિર નમે નહીં
કાયરોની શતરંજ પર જીવ
સોગઠાબાજી રમે નહીં
હું પોતે જ મારો વંશજ છું
હું પોતે મારો વારસ છું
પ્રારબ્ધને અહીંયાં ગાંઠે કોણ?
હું પડકાર ઝીલનારો માણસ છું

-નરેન્દ્ર મોદી

http://blogotsav.wordpress.com/2010/03/31/%e0%aa%aa%e0%ab%8d%e0%aa%b0%e0%aa%be%e0%aa%b0%e0%aa%ac%e0%ab%8d%e0%aa%a7%e0%aa%a8%e0%ab%87-%e0%aa%85%e0%aa%b9%e0%ab%80%e0%aa%82%e0%aa%af%e0%aa%be%e0%aa%82-%e0%aa%97%e0%aa%be%e0%aa%82%e0%aa%a0%e0%ab%87/

ગુજરાતીમાં શેફાલીબેને મૂકી છે

મતભેદ

સહુ કહે છે: ‘મંદિરે ઈશ્વર નથી’,
હું કહું છું: ‘ત્યાં ફ્ક્ત પથ્થર નથી’.

સહુ કહે છે: ‘ઝાંઝવાં છે રણ મહીં’,
હું કહું છું: ‘ત્યાં નર્યા મૃગજળ નથી’.

સહુ કહે છે: ‘પાનખર છે ઉપવને’,
હું કહું છું: ‘ત્યાં ધરા ઊષર નથી.’

સહુ કહે છે: ‘શૂન્ય છે આકાશ આ’,
હું કહું છું: ‘સૂર્ય આ જર્જર નથી.’

સહુ કહે છે: ‘ક્ષણ સમી છે જિન્દગી’,
હું કહું છું: ‘પ્રાણ મુજ નશ્વર નથી.’

‘શિલ્પીન’ થાનકી

gujarati mathi

ચાલ ને જીવ જીવી લઇએ

લ ને જીવ જીવી લઇએ ”

” ચાલ ને જીવ
જીવી લઇએ…
આપણી મરજીથી ક્યાં જીંદગી જીવાય છે ?
હવાઓ ની સાથે વહિ
જઇએ,
” ચાલ ને જીવ….

રુણાનુ બંધને મળી જવાય છે…
જુદા
થવાનુ બોજ નવ ઢોઇએ,
જે મલ્યુ એ તકદિર સમજીએ…
તકદીર ની સાથે નવ
લડિએ,
” ચાલ ને જીવ….

જિંદગી નો દાખલો માંડયો,
આખરે સરવાળે
બાદબાકી…
એવા દાખલા નવ ગણીએ…
” ચાલ ને જીવ….

જીંદગી ”
તારા ” વગર બદ્દદુઆ થી કમ નથી,
ચા બદ્દદુઆ ને દુઆ માં ફેરવીએ…
કેમ
વિસરીએ મળ્યા હતા કદિક ?
પણ છોડ જિંદગી ની આ સચાઇ ને સમજીએ…
” ચાલ
ને જીવ….

— તારા ગણત્રા —

મગરનાં આંસુ!!

” સારી રીત નથી નો પ્રતિભાવ મગરનાં આંસુ!!

જે દેશનો રોટલો ખાવો ,તેને ગાળો ભાંડવી ઠીક નથી.
વતનને તરછોડી આવ્યા,હવે રોદડાં રડવા ઠીક નથી.
લો કટના બ્લાઉઝ અને ખુલ્લા પેટ ગુજરાતમાં જોયા પછી,
અમેરિકાની સંસ્કૃતિની વાતો કરવી ઠીક નથી.
સરસ્વતી મંદીરોમા,જયાં વિદ્યાર્થીનીઓ સેઇફ નથી,
ત્યાં રોજે સંસ્કૃતિના બણગાં ફૂંકવા ઠીક નથી.
બોલિવુડના બિભત્સ ન્રુ ત્યોને રોજ ટીવી પર જોયા પછી,
મનમાં ગમતી-અમેરિકાની ફેશન વખોડવી ઠીક નથી.
જયાં ઘરડાંઘર નીત નવા બંધાતા હોય ત્યાં,
ભારતિય માબાપોની સેવા કરતાં શ્રવણોની વાતો ઠીક નથી.
મહારાજો ,બાબાઓ,લાલુઓ, ઠાકરેઓ-અને “ભાઇ”ઓ નો.
દેશ છોડી આવ્યા પછી હવે ઓબામાને ગાળો દેવી ઠીક નથી.
જે માને તમે તરછોડીનેઆવ્યા છો તે હજુ ત્યાં જ છે.
પાછા પહોંચી જાવ,કોઇ રોકે નહી, મગરના આ આંસુ ઠીક નથી.

-હરનિશ જાની-યુ.એસ.એ.

મમતા માફક – આસિમ રાંદેરી (મેહમૂદ મિયાં મોહમ્મદ ઇમામ સૂબેદાર)

નામ તારું જપું છું, સદા ‘મીરા’ માફક,
મારા ગીતોમાં વસી જા, ફરી રાધા માફક.

એવી નદીઓનો પછી કેમ થતે ત્યાં સંગમ?
ન તો એ ગંગાસમી છે, ન હું જમના માફક!

એ જ છે એ જ આ ‘તાપી’ કે જેના તીરે,
કદિ ફરતાં’તાં અમે રાધા- કનૈયા માફક!

એની યાદોની રમત પણ છે કૈં એના જેવી,
ઉષા થઇ આવે છે, જાય છે સંધ્યા માફક!

રાત અંધારી ને છે ચારે તરફ સન્નાટો,
યાદ ચમકે છે છતાં, તારી તો ‘તારા’ માફક!

મને બોલાવ હવે મારા વતનની ધરતી,
બહેનની લાગણી, માતાઓની મમતા માફક!

કાફલામાં હું કવિલોકની શામિલ છું છતાં –
ચાલ મારી છે જૂદી, ચાલું છું મારા માફક.

જિંદગીને કદી સ્થિર ન રાખો ‘ આસિમ’,
એ તો નિત વ્હેતી રહે, એક સરિતા માફક.

પ્રેમને રૂપનું વર્ણન ન હો જેમાં ‘આસિમ’,
એવી ગઝલો તો મને લાગે છે વિધવા માફક

GUJARATI MATHI

પ્રતિકાવ્ય -જયકાંત જાની (USA)

પરદેશની પારાવાર પરેશાની પ્રેથી તે સ્હેજે,
મળ્યુ જે વાસી ઠ્ંડુ ભાણામા ગરમ્ ગણી લેજે.

સ્પોન્સરર્ની કડવી વાણી વિષે જો દુઃખ લાગે તો,
જરાયે અંતરે ડોલરીયો આનંદ ના ઓછો થવા દેજે.

પરદેશ માંહી દુખોનો નથી હિસાબ કોઇને,
દુખીશ્યામબા બાપુ બનીને તું વહોરી ના પીડા લેજે.

વિદેશી વાયરા ના વ્ંટોળે ખરો પ્રેમ નહીં ભાસે,
ન કાળી કે રૂપાળી મેનકાઓ ની જરાયે સંગતે રહેજે.

રહેજે આઘાત આચકા સદાય ઉભડક ચિત્તે,
દિલ ના જે દુઃખ દર્દ કે પીડા કોઈને નહીં કહેજે.

છુપાયો છે છુપો અજ્ંપો હ્રદય માં તેને તજી દેજે,
વરસી જાયે ડોલરની વાદળી મહાલક્ષ્મી ગણી લેજે.

રહે શરીર નરવુ ખરું એ સુખ માની લે,
પિયે તો ગુરૂજીની ઠ્ંડાઇ નો પ્યાલો ભરી પીજે.

મીઠીવાણી સુણે જો કોઈની, સુગર કોટેડ ગણજે,
પરાઈ સેવા કાજે હોશે ના કાર તું લેજે.

અરે ભાગ્ય તો ઘેલું, ભોગવે એ ભાગ્ય શાળી છે,
નિરાતે પછી ભોગવ શુ એવા વિશ્ર્વાસે કદી રહેજે.

સ્ંતોષી નર સદા સુખી એ વિઘાન અહી ખોટુ છે,
પરદેશની બાજીગરીનાં તું બધાં છળ કપટ શીખી લેજે.

વર્ક ઇઝ વર્શિપ મ્ંત્ર ગોખી, ડોલરની ક્ંઠી તું,
તારા ગળેલા ગળામા બાંઘી લેજે.
ઓબામા પ્રેસીડન્ટ થયો શી છે પછી પીડા તને કાંઈ?
નત મસ્તકે હંમેશા આર્થિક આંચકા હસતા સહી લેજે

-જયકાંત જાની (USA)

gujarati mathi

ગ્રીન કાર્ડ નમો નમઃ જયકાંત જાની (USA)

મારી પાસે સોનુ કરી શકુ એવો
લોઢા પર ઘસી શકુ તેવો પારસમણી નથી
નથી કપુર હિરો જેવુ રૂપ કે મનમોહનસિહ જેવી બુધ્ધિ
કેવળ છે એક ગ્રીન કાર્ડ
મહેંદી ના પાન જેવુ લીલુ છમ
છતા ર્ંગ લાવે મધ્માતો…..
મારુ ગ્રીનકાર્ડ મારી નાડીના ધબકારા
એક પ્રકાર ના સુપીરીયાટી કોમ્પલેક્ષથી
હુ મારા કુરુપ અને મ્ંદબુધ્ધિ નુ રક્ષણ કરુ છુ
મિત્રો
મને આશાછે કે જ્યા સુધી મારા હાથ મા
ગ્રીન કાર્ડ છે ત્યા સુધી
કાળજા વીનાની છોકરીઓ
મને
ઇન્ડીયાથી પરણવા આવશે

– જયકાંત જાની (USA)

gujarati

હેપી વેલન્ટાઇન ડૅ- જયકાંત જાની (USA)

શરમાતા શરમાતા રાઘાએ ક્રુષ્ણને કહેલુ
હેપી વેલન્ટાઇન ડૅ
હસતા હસતા ક્રુષ્ણએ કહેલુ
ઓલ ડે ઇસ વેલન્ટાઇન ડૅ ફોર મી

શરમાતા શરમાતા રાઘાએ ક્રુષ્ણને કહેલુ
કે.વી આઈ લવ યુ
હસતા હસતા ક્રુષ્ણએ કહેલુ
ઓલ ઇસ લવેલેબલ ફોર મી

gujarati

નરેન્દ્ર મોદી ચાલીસા – જયકાંત જાની (USA)

નરેન્દ્ર મોદી ચાલીસા – જયકાંત જાની (USA)

નમો નમો ન.મો ગુજરાત નાથા,
તુમ્હારી મહીમા ગુજરાત વિકાસ સ્ંગાથા… || 1 ||

સબને સમજા તુમ અફલ નેતા હો,
પર તુમ તો સબસે સફલ વિજેતા હો… || 2 ||

જીસ દીન હાથમે દિલ્હી આવે,
ઉસ દીન ભારત સુપર હો જાવે. || 3 ||

સારે ભસ્ટાચારી ન ચેન સે સોવે,
ગુજરાત કે નેતા ભુખા રોવે…. || 4 ||

તુમસે અમદાવાદ અમેરિકા સે ઉપર,
ઔર તુમસે હી ગુજરાત બને ગા સુપર્… . || 5 ||

મોદી ચલીસા જો ગુજરાતી ગાવે,
સબ દુખ છોડ પરમ સુખ પાવે… || 6 ||

યુહ મોદી ચલીસા પઢકર , જો ગુજરાતી સુખ સે સોવે,
ઉસકો મીલેગા સબ સુખ શાંતિ, ઔર ઉસકા બેડા પાર હોવે !!

gujarati

પત્ની ચાલીસા- UNKNOWN-અતુલ શાહ ઇ મેઇલ

નમો નમો પત્ની મહારાણી,
તુમ્હારી મહીમા કોઇ ના જાણી… || 1 ||

સબને સમજા તુમ અબલા હો,
પર તુમ તો સબસે બડી બલા હો… || 2 ||

જીસ દીન હાથમે વેલણ આવે,
ઉસ દીન પતિ ખુબ ચીલ્લાવે.. || 3 ||

સારે બેડ પે પત્ની સોવે,
પતિ બેઠ સોફા પર રોવે…. || 4 ||

તુમસે ઘર મથુરા કાશી,
ઔર તુમસે હી ઘર સત્યાનાસી… . || 5 ||

પત્ની ચલીસા જો નર ગાવે,
સબ સુખ છોડ પરમ દુખ પાવે… || 6 ||

યુહ પત્ની ચલીસા પઢકર , જો નર હસકે રોવે,
ઉસકો મીલેગા સબ સુખ શાંતિ, ઔર ઉસકા બેડા પાર હોવે !!

UNKNOWN

GUJARATI MA JAYKANTBHAI JANI AE MUKAL CHE

વાવો તેવું લણો

ઢળતી સાંજે
એક કાશ્મીરી બાળક
ગયું દોડતું મા પાસે…
લઈ હાથમાં લીલી ગ્રેનેડ
હરખે પૂછ્યું:
મા… મા…
આ ફળ વાવું તો શું ઊગશે ?
અશ્રુભીની આંખે
બાળકના માથે ફેરવતા હાથે
ચીંધી આંગળી
પતિની કબર તરફ.. !

– નીલેશ રાણા

પતંગ

ઉત્તરાયણ એય ગુજરાતની અને કાઈટ ફેસ્ટીવલની ધમાધમ, સાબરમતી રિવર ફ્રન્ટની

શોભા અને દેશ અને વિદેશી પતંગબાજોના આકાશી ખેલ..તો આવો પતંગની મસ્તીથી

ગીત ગાતા વ્યોમે વિહરીએ.

પતંગ

મસ્ત થઈ ઝૂમતી હું રે પતંગ

વહોને વાયરા ધીરે,મારે ઊડવું ગગન

મકર સંક્રાંતિનો પાવન છે પર્વ

પ્રકૃતિ પ્રેમ દોરે , મારે બાંધવું બંધન

હું ને પતંગ

પતંગ તને ઊડવું ગમે

ને મને ઊડાડવું ગમે

નખરાળો પવન તને સતાવે ભલે

મોજથી મનગમતા પેચ લપટાવીએ હવે

નીરખે ગોગલ્સમાં કોઈ તને

દૂરથી જુએ કોઈ છાનું મને

એક આંખવાળો પાવલો સતાવે ભલે

હાલને મજીયારો આનંદ લૂંટીએ જગે

ઓલો વિદેશી ઢાલ કેવો હંફાવી હસે

ને તારી જબરી શ્રીમતી લોટાવે મને

ખાઈ માલપૂડા ખખડાવ હવે થાળી ખાલી

લે હું પણ મારું અમદાવાદી ખેંચ છાનીછાની

દાદા દાદી જરા કાઢજો ને ગૂંચ

સૂરતી દોરીની મોટી છે લૂમ

લાગે ઉત્તરાયણ આજ વહાલી વહાલી

ઊંધીયા જલેબીથી ભરીએ મોટી થાળી

આકાશે ચગી અમારે દેવા સંદેશ

દાદા સૂરજ હાલ્યા મકરને દેશ

ઘરઘરનો દુલારો મારો ઉત્તરાયણ તહેવાર

રૂપલે મઢી પતંગથી છાયો કલશોર

રમેશ પટેલ(આકાશદીપ)

સ્ંકલીત જ્ઞાન બોઘ – જેકસન બ્રાઉન

જીવન અંગે ગાંઠે બાંધી રાખવા જેવી જેકસન બ્રાઉનની કલમે લખાયેલી વાતો –

* ’કેમ છો ” કહેવાની પહેલ દર વખતે આપણે જ કરવી જોઇએ.

* શ્રેષ્ઠ પુસ્ષકો ખરીદવાની ટેવ રાખો પછી ભલે તે વંચાય કે ન વંચાય.

* કોઇએ લંબાવેલો (દોસ્તીનો) હાથ ક્યારેય તરછોડવો નહીં.

* બહાદુર બનો અથવા તેવો દેખાવ કરો.

*આનંદમાં આવો ત્યારે વ્હીસલ વગાડતાં શીખો.

* કોઇને પણ આપણી વાત કહેતા પહેલાં બે વખત વિચાર કરો.

* મહેણું ક્યારેય ન મારો.

* એક વિદેશી ભાષા શીખી લેવી સારી.

* કોઇપણ આશાવાદીની વાતને તોડી પાડશો નહીં,શક્ય છે કે એની પાસે માત્ર એક જ આશા હોય.

* ક્રેડિટ કાર્ડ સગવડ સાચવવા માટે,ઉધારી કરવા માટે નહીં.

* રાત્રે જમતી વખતે ટી.વી બંધ રાખવો.

* નકારાત્મક પ્રક્રૃતિના માણસોને મળવાનું ટાળો.

* દરેક રાજકારણીને શંકાની નજરે જુઓ.

*દરેક વ્યકિતને બીજી તક આપો,ત્રીજી નહીં.

* ટુથપેસ્ટ વાપર્યા પછી ઢાંકણુ અવશ્ય બંધ કરો.

* સંતાનો નાના હોય ત્યારેથી જ તેમને પૈસાની કિંમત અને બચતનું મહત્વ સમજાવી દેવું.

* જે ગાંઠ છોડી શકાય એવી હોય તેને કાપશો નહીં.

* જેને તેમે ચાહતા હોય તેની સતત કાળજી લેતા રહો.

* તમને ન પોષાય તો પણ વારંવાર કુટુંબના સભ્યો સાથે પિકનિક પર જવાનું ગોઠવો.

* કોઇપણ કોર્ટ કેસથી હજારો જોજન દૂર રહો.

* ગોસિપ,નિંદા,જુગાર અને કોઇના પગારની ચર્ચાથી દૂર રહો.

* જિંદગીમાં તમોને હંમેશા ન્યાય મળશે જ એવું માનીને ચાલવું નહીં.

* રવિવારે બપોરે સૂઇ જવાનું રાખો.

* પત્તા રમીને સમય વેડફો નહીં.

* રસોડામાં ધોયા વિનાના વાસણો મૂકીને રાત્રે ઊંધી જવું નહીં.

* લોકોને તમારી સમસ્યાઓમાં રસ નથી હોતો એટલું યાદ રાખો.

* અફસોસ કર્યા વિનાનું જીવન જીવો.

* ક્યારેક હારવાની પણ તૈયારી રાખો.

* મા-બાપ,પતિ-પત્ની કે સંતાનોની ટીકા કરવાનું મન થાય ત્યારે જીભ પર કાબૂ રાખો.

* ફોનની ધંટડી વાગે ત્યારે રિસિવર ઉપાડીને સ્ફૂર્તિભર્યા અવાજે વાત કરો.

* શબ્દો વાપરાતી વખતે કાળજી રાખો.

* બાળકોના સ્કૂલના કાર્યક્ર્મમા અવશ્ય હાજરી આપો.

* બીજાની સુધ્ધિનો યશ તમે લઇ લેશો નહીં.

* દિવસની શરુઆત તમારા મગમતાં સંગીતથી કરશો.

* ધરડાં માણસો સાથે ખૂબ સૌર્જન્યતાથી અને ધીરજથી વર્તન કરો.

* તમારી ઓફિસે કે ધરે કોઇ આવે તો એને ઊભા થઇ આવકારો.

* મોટી સમસ્યાઓથી દૂર ભાગો નહીં, મોટી તક એમાં જ હોઇ શકે છે.

*ગંભીર બિમારીમાં ઓછામાં ઓછા ત્રણ મોટા ડોકટરોનો અભિપ્રાય લો.

* શારીરિક ચુસ્તી કોઇપણ હિસાબે જાળવો.

* બચત કરવાની શિસ્ત પાળો.

* સ્કૂલે જતાં અજાણ્યા છોકરઓ સામે હાથ હલાવીને સ્મિત કરવું.

* રેસ્ટોરાંમાં ખરાબ સર્વિસ મળે ત્યારે ટીપ આપવાની ભૂલ કરવી નહીં.

* જે માણસ પગાર ચૂકવે છે તેની ક્યારેય ટીકા નકરો.

* ઉત્સાહી અને વિધેયાત્મક વિચારો ધરાવતી વ્યકિત બનાવાનો પ્રયત્ન કરો.યાદ રાખો કે દરેક વ્યકિતને તેની સારી બાજુ સાંભળવી ગમે છે.

* સંતાનોને કડક શિસ્ત પાઠ ભણાવ્યા પછી તેમેને ઉષ્માપૂણ ભેટવાનું ભૂલશો નહીં.

* અઠવાડિયે એક વખત ઉપવાસ કરો.

* કોઇને બોલાવવા ચપટી વગાડવી નહીં.

* ઊંચી કિંમતવાળી વસ્તુઓની ગુણવત્તા પણ ઊંચી જ હશે એમ માની લેવું નહીં.

* ધરમાં એક સારો જોડનીકોશ વસાવો.

* વરસાદ પડતો હોય ત્યારે ગાડીની હેડલાઇટ ચાલુ રાખો.

* ધર પોષાય એટલી કિંમતનું જ લેવું.

* બૂટ હંમેશા પોલિશ્ડ રાખવા.

* મારામારી થાય તો પહેલો મુક્કો આપણે જ મારવાનો અને જોરદાર મારવાનો.

* ગાડી સસ્તી જ વાપરવી.

* ભાષણ આપતાં પહેલાં ભોજન કરવું નહીં.

* મત તો આપવો જ.

* સંગીતનું એકાદ વાજિંત્ર વગાડતા આવડવું જ જોઇએ.(વાજિંત્રમા વ્હીસલનો સમાવેશ થતો નથી).

*જમ્યા પછી ઇશ્વરનો આભાર અવશ્ય માનવો Tags:

–ગુજરાતી સ્ંકલન- jaykant jani

ખાલી ખાલી જનમવાનુ ને ખાલી ખાલી મરવાનુ

ખાલી ખાલી જનમવાનુ
ને ખાલી ખાલી મરવાનુ
સારા ન્રરસા કરમ કરીને
ભવનુ ભાતુ ભરવાનુ
ખાલી ખાલી ભણવાનુ
ને ખાલી ખાલી રળવાનુ
જીવતર જેવુ જીવતર ભુલી
ને પૈસા પાછળ દોડવાનુ

ખાલી ખાલી પૈણવાનુ
ને ખાલી ખાલી જણવાનુ
કુવારાપણા ની સ્વતત્રા ગુમાવીને
પરતત્ર થૈ ને જીવવાનુ

ખાલી ખાલી હસવાનુ
ને ખાલી ખાલી રડવાનુ
વગર વાંકે વગર ગુનાએ
આપણે શુળીએ ચડવાનુ

ખાલી ખાલી જીવવાનુ
ને ખાલી ખાલી મરવાનુ
લખચોરાસી ફેરે પાછુ
જીવ ને ખોળીયુ ઘરવાનુ

ખાલી ખાલી હરિ ને ભજવાનુ
ને ખાલી ખાલી કગરવાનુ
એના શ્વાસે જીવવાનુ
શ્વાસ ખુટે ત્યારે મરવાનુ

-જયકાંત જાની (USA)

..વેસ્ટન વિચાર શ્રેણી

અદેખાઇથી તમારી ઊર્જા શક્તિ મા દેખીતો વઘારો થાય છે અને અપેક્ષા અને આંકાક્ષા
જન્મે છે. તમારી જે સ્થિતિ છે એને વઘારે બહેતર કરવાનુ ઝનુન પ્રક્ટે છે.
અદેખાઇ થી માણસ કર્મશીલ બને છે.
@@ વાસના એ મુલાયમ પાપ છે જે સામાન્યત હાનીકારક નથી.
વાસનાનુ મિકેનિઝમ સમજીએતો વાસના ક્ષેત્ર વિચાર છે. આચાર નહી.
આમા ફેન્ટ્સી હોય છે આમા સ્મ્રુતિની જાહોજલાલી હોય છે.
.લ્પનાને અનુભવમા ઉતારવાની વાત છે ,
@@@ ક્રોધ એ શોર્ટ ટર્મ મેડ્નેસ છે ઇન્દ્રિયો છે એટલે ઇચ્છાઓ જ્ન્મે છે
અને ઇચ્છાઓ સ્ંતોષાતી નથી એટલે ક્રોધ જન્મે છે.
@@@@ એન્ગર એ શરીરનો એક્ઝોસ્ટ વાલ છે એ બાળક ને આવતા ઓડકાર (બર્પિગ)
જેવો છે જે અંદર ન રહેવો જોઇએ બહાર નીકળવો જોઇએ.

@@@@@ જીભ ના ૯૦૦૦ સ્વાદ અંકુરોનો સ્વાદ ભોગવીને ૭૦ વષે મરવુ
અને કેલેરી ગણીગણી ને ભુખે મરી મરીને સો વરસ જીવવા કરતા બહેતર છે.

@@@@@@ વેસ્ટ્ન ઘર્મ નીતિ મા સાત પાપો નીચે પ્રમાણે ગણાવ્યા છે.
૧ સ્લોથ એટલે આળસ અને એદી પણુ
૨ એન્વી ઍટલે ઇર્ષા
૩ પ્રાઇડ એટલે અભિમાન
૪ લસ્ટ એટલે લોલુપતા
૫ ગ્રીડ અટલે લોભ
૬ ગ્લટની એટલે અંકરાતિયાપણુ ખા ખા કરવાની વ્રુતિ
૭ એન્ગર

-જયકાંત જાની (USA)

ગુજરાતીમાં -જયકાંત જાની (USA) બ્લોગ પોસ્ટંમાંથી

પંચ તત્વની જેલ

તાપણી કરીને બાળ્યા મેઁ તો ધરમ કરમના મેલ
જીવનના એકેએક દિવસે મેઁ જોયા જુદા ખેલ
જતન કરી ખુબ લાડ લડાવી માલીસ કરાવી તેલ
પઁચ તત્વની કાયા મારી જાળવી રાખી મેઁ જેલ
આતમ કેદી ઉડી જાશે એક’દિ ખાલી પડશે જેલ
માટીના મોર માટીમાં જાશે રડશે કોઈ નાની ઢેલ
વિદાય દેશે એક દિન સૌએ શણગારીને વેલ
જીવન પળમાં સરકી જાશે જેમ નદીની રેત
આશા તૃષ્ણા મહેચ્છા કેરા કંઈક ચણાવ્યા મહેલ
હૈયે હિઁમત રદયે રામ મારી સો જોજનની સહેલ

-ડો દિનેશ ઓ. શાહ

ગુજરાતીમાં પ્રશાતભાઇ શાહના બ્લોગ પોસ્ટંમાંથી

કુર્યાત સદા મ્ંગલમ

સફળ લગ્ન જીવનના નીચોડમાંથી ઉમદા લગ્ન જીવનના પથદર્શક ઉપાયો તેના પુત્રના માર્ગદર્શન માટે સૂચવેલા, તેમના કેટલાંક મુદ્દાઓ સૌને વાંચવા-વિચારવા અને સમજવા ગમશે.

૦૧. સપ્તપદી ના સોગ્ંદ નામામા પત્નીને વચન આપ્યા પ્રમાણે , તુ પત્ની ને મીત્ર ગણજે .
૦૨. જીવનના ર્ંગમ્ંચ્ પર તુ સુપરસ્ટાર બની ફુલાઇ નહિં રહેતો, તુ પત્નીને બઘા પ્રકાર ની તાલીમ આપીને તેને સ્ટાર પ્લસ બનાવજે.
૦૩. લગ્નજીવન નુ મિકેનિઝમ સમજવુ.પુરુષ પ્રેમનો સ્ંમુદર છે અને સ્ત્રી એ કામાતુર નદી છે
ક્રમશ કામાતુર નદી પ્રેમ સાગરમા ભળીને પ્રેમાતુર બનતી જાય છે.
૦૪. રૂપાળી ગર્લફ્રેન્ડોને મન આંગણ ના મેદાનમા રમાડતો રહેજે પણ દિલના દરવાજા સુઘી પહોચવા દઇશ નહી.
૦૫. કઠોર પરીશ્રમ અને સાહસથી લક્ષ્મી મળે છે સુખ અને સમ્રુઘ્ઘ બનવા માટે મથજે.
૦૬. ઉત્તતમ લગ્ન જીવવાનો આદર્શ રાખજે અને તે માટે ઉત્તતમ શરુઆત કરજે.
૦૭. જીવન મા સારા થવાની , સારુ કરવાની અને સારુ જીવવાની ભાવના રાખવી.
૦૮. જો તુ વહાલાપુત્ર, ભાવુકભાઇ,પ્રેમાળ પતિ , પીઢ પિતા તરીકે નો ધર્મ નિભાવીશ તો તે બઘા ધર્મ નિભાવ્યા છે
૦૯.લગ્ન જીવનમા શ્રીરામ જેવા મર્યાદા પુરુશોતમ બનવા પયત્નશીલ રહેવુ.
૧૦. તમારે પતિ – પત્ની એ ઓછા પણ સારા મિત્રો રાખવા, સ્ંગદોષ થી દુર રહેવુ.
૧૧. તમારે પતિ – પત્ની એ સતત આત્મ સુઘારણ કરતા રહેવુ અને સ્ંતાનો ને પણ સ્વાઘ્યાય પ્રવ્રુતિમા જોડવા.
૧૨પત્ની ના ઉમદા ગુણો ના વખાણ કરવા અને તેને સતત પ્રોત્સાહિત કરતી રહેવી.
૧૩ જીવન પરિવર્તનશીલ છે.આપણા જીવનમા બદલાવ લાવવા સતત પ્રયત્ન કરવો
બીજામા બદલાવ લાવવા બહુ ચિંતા કરવી નહી.
૧૪ વાણી વિવેક લ્ગ્નજીવન મા અગત્ય નો ભાગ ભજવે છે.
ક્યારે મીઠા થવુ અને ક્યારે સખ્તશબ્દો નો ઉપયોગ કરવો
તેનો વિવેક શીખજે.
૧૫ લ્ગ્ન જીવન મા પરસ્પર્ પ્રમાણિકતા , નિસ્ઠા અને ઇમાનદારી થી લગ્નજીવનની
દિર્ઘ સુત્રતા વઘે છે.
૧૫ લગ્નજીવનમા TAL જરૂરી છે.
T IS FOR TRUST
A IS FOR ADJUSTMENT
L IS FOR LOVE

૧૬ કોણ સાચુ છે તેની વકિલાત કરવા કરતા શુ સાચુ છે તેના જજ બનવુ.
૧૭ સ્ંબઘ-સમય-અને સ્વાસ્થય આ ત્રણે માટે તમે બન્ને સતત જાગ્રુત રહેજો.
૧૮ ઇશ્વરે જે પરિસ્થિતિ મા મુકે તે સ્થિતિમા સુઘાર કરીને વઘારે સુખી થવા પ્રયત્ન કર્વો.
૧૯ આપણા સુખનો આઘાર બીજાપર નહી પણ આપણી સમજણ અને આપણી ચાહત પર
પર છે.
૨૦ ખરેખર હુ આ બાબત થી અજાણ છુ.
આ મારી ભુલ થઇ છે.
આ માટે હુ દિલગિરિ છુ
આ ત્રણે બાબત નો ઉપયોગ છુટ્થી કરવો.

– જયકાંત જાની (USA)

ગુજરાતી માંથી

તુ રંગાઇ જાને રંગમાં

રંગાઇ જાને રંગમાં…..
અમેરીકન તણા કલ્ચરમાં
વિદેશ તણા તુ રંગમાં…..રંગાઇ…..

આજે રળશુ શુ , કાલે રળશુ,
રળશુ લાખો દામ, ક્યારે બનશુ બિરલા ઘનશ્યામ,
સગા લુટશે, કોઇ કુટશે, કોઇ નહીં રે તારા સ્ંગમાં…..રંગાઇ…..

દારૂડીયો જાણતો ઝાઝું ઢીંચશું, પિવુ છે આ તમામ,
દેવદાસ નુ અમર કરી લઉં નામ,
રોગ આવશે, અલ્સર જાણજે, ખોવુ પડશે લાલ ર્ંગમાં…..રંગાઇ…..

એન આર આઇ કહેતા વતન જઇશું, પહેલાં મેળવી લોને દામ,
રહેવા ના કરી લો ઠામ,
ડોલર પડ્યો છે એમ, ક્યાં રસ્તામાં, એન આર આઇ કહેતા વ્યંગમાં…..રંગાઇ….

તેજી આવશે ત્યારે લઇશુ, સોના ચાંદી તમામ,
પછી ફરીશું દીકરી ના લગન ઘુમ ધામ,
દિકરી એક દિન ભાગી જાશે, તુ ઘોરતો રહેજે પલંગમાં…..રંગાઇ…..
ફાસ્ટ ફુડીયા ભોજન જમતાં, બિયર ના ભર્યા છે જામ,
એમાં ક્યાંથી સાંભરે ગામ,
માદરે -વતન થી દૂર રહ્યો તું, ફોગટ ફરે છે ઘમંડમાં…..રંગાઇ…..

સિટિજનશિપ ક્યારે મળશે, રહી જશે આમ ને આમ,
માટે ઓળખ આતમરામ,
મા ભોમકા આનંદે જીવતર અખંડ છે, આવ તું વતનના સંગમાં…..રંગાઇ…..

-જયકાંત જાની (USA)

મહા માટલુ

સાસુની વાત કાંઇ સોસાયટીમા કરાય નહી
લોકો ખોટી કાન ભ્ંભેરણી કરી રજ નુ ગજ કરી મુકે

સસરાની વાત વાત કાઇ સાસુ ને કહેવાય નહી
સાસુ ઉઠીને સસરાને ઉઘડા લઇ નાખે

ન્ંણદી ની નબળાઇઓ કાંઇ દિઅરને કહેવાય નહી
દિઅર કાલે ઉઠીને મોટો હોબાળો મચાવે

દિઅર ના દખ કાંઇ પરણ્યાને કહેવાય નહી
પરણ્યો દિઅર ને પુછે તો આબરૂ ના ઘજાગરા થાય

સાસરીયા ના દુખો કાંઇ પિયરમા ગવાય નહી
પિયરીયા ખોટી ચિંતા કરી અડ્ઘા થ ઇ જાય

મહામાટલા જેવા પેટ્મા બઘી વાતો સ્ંઘરવી
આ નાની વાત સમજતા મને વીસ વર્ષ થયા

જયકાંત જાની (USA)

વસંતના વ્હાલ…..

આ મ્હેંક્યા વસંતના વ્હાલ
કે સહિયર શું કરીએ
આ મ્હેંદી મૂકી હાથ
કે સહિયર શું કરીએ

આ નીકળ્યાં ઝરણાં તોડી પહાડ
ને વાગી વાંસલડી રે વાટ
કે સહિયર શું કરીએ

આ ફૂલે મઢ્યા ગાલ
કે સહિયર શું કરીએ
આ આભે ખીલ્યો ચાંદ
ને ફાગણ ખેલે ફાગ
કે સહિયર શું રમીએ

આ કોટે વળગ્યા વહાલ
કે સહિયર શું કરીએ
આ યૌવનનો ઉભરાટ
ને કોયલ બોલે ઊંચે ડાળ
કે સહિયર શું કરીએ

આ મ્હેંદી મૂકી હાથ
ને ખૂલ્યાં પ્રેમનાં દ્વાર
કે સહિયર સાથ રમીએ(૨)

રમેશ પટેલ(આકાશદીપ)

જ્યોર્જ વોશિંગટ્ન ના અઢાર જીવન સુત્રો

(૧)પ્રત્યેક કાર્ય હાજર વ્યક્તિઓ પ્રત્યે આદર દર્શાવી ને કરવુ.
(૨)ખુશમત ખોર કદી બનવુ નહી.
(૩)બઘાની સાથે સમુહમા બેઠા હોઇએ ત્યારે છાપુ કે પુસ્તક વાંચવુ નહી.
(૪)કોઇ લખવાબેઠુ હોય તો તેના કાગળ કે પુસ્તક પાસે જવુ નહી.
(૫)ચહેરો હ્ંમેશા હસમુખો રાખવો પર્ંતુ કોઇ ગ્ંભીર પ્રસ્ંગે ગ્ંભીરતા ઘારણ કરવી.
(૬)બીજાની સાથે કામની વાતો ટુંકામા પતાવવી , નિર્થક લ્ંબાણ ન કર્વુ.
(૭)બીજાને પહેલા બોલવા દેવુ એ સારી રીતભાત છે.
(૮)કોઇ વ્યક્તિ પોતાનાથી બનતુ કરી છુટી હોય અને તેને સફળતા ન મળે તો ઠપકો ન આપવો.
(૯)કોઇના સલાહ સુચનો નો આભાર પુર્વક સ્વીકાર કરવો.
(૧૦)કોઇના વિષે નુકશાન કારક ગપાટા સાંભળીએ તો એકદમ માની લેવા નહી.
(૧૧) કપડા હ્ંમેશા સાદા તથા પોતાની સ્થિતિને છાજે તેવા પહેરવા.
(૧૨) મોર ની પેઠે પોતાની જાતને (જોઇ) નિહાળી ફુલાવુ નહી.
(૧૩) ખરાબ સોબતમા રહેવા કરતા એકલા ર હે વુ સારૂ.
(૧૪)કોઇની સાથે વાત ચીત કરીએ તો ઇર્ષા અને દ્વેષ થી મુક્ત રાખવી.
(૧૫)આપણા કોઇ મિત્રને બીજાની કોઇ છુપી વાત શોઘી કાઢવા માટે કદી દબાણ કરવુ નહિ.
(૧૬)કોઇને ગમ્મતમા મજા ન પડતી હોયતો તે ઠેકાણે ગમ્મત કરવી નહી.
(૧૭)બીજાના દોષ જોવા નહી.
(૧૮)કોઇ બોલતુ હોયતો તેની વાત ધ્યાન પુર્વક સાંભળવી

સ્ંકલિત -જયકાંત જાની (USA)