શી એમની અદાઓ, શી એમની જવાની !
નયનોનું સ્વર્ગ જાણે, ઊર્મિની રાજધાની !
છે કોણ આંખ સામે નખશિખ જિંદગાની,
એક હાથમાં મહોબ્બ્ત, એક હાથમાં જવાની.
રસબસ છે એની વાતો, શી વાત છે સુરાની !
હર શબ્દ છે શરાબી, પૂરો નશો, જબાની.
ખામી વિનાનું સર્જન, તસ્વીર ક્લ્પનાની,
સર્વાંગ એક જાણે સુંદર ગઝલ ખુદાની !
તેઓની એક ‘હા’માં, તેઓની એક ‘ના’માં !
છે જીંદગી હકીકત, છે જીંદગી કહાની.
છે મૌનમાં કથાઓ, આની નથી અદાઓ,
ખામોશ પણ રહ્યા તો હર ચીજ બોલવાની !
એ પણ ‘અમીન’ જીવન જીવી તેમે બતાવ્યું,
કુરબાન થઈ શકે છે, શી રીતથી જવાની.
અમીન આઝાદ
Filed under: અમીન આઝાદ, ગઝલ, ગુજરાતી ગઝલ | Tagged: અમીન આઝાદ, ગઝલ, ગુજરાતી કવિતા અને ગઝલ, ગુજરાતી ગઝલ, શી એમની અદાઓ, શી એમની જવાની !, ghazal, gujarati gazal, gujaratigazal vishwa, gujaratikavitaanegazal | Leave a comment »
ગુજરાતી કવિતા અને ગઝલ 