અંબા માનાં ઊંચા મંદિર નીચા મો’લ,
ઝરૂખડે દીવા બળે રે લોલ…
અંબા માના ગોખ ગબ્બર અણમોલ કે,
શિખરે શોભા ઘણી રે લોલ … અંબા માના …
આવી આવી નવરાત્રીની રાત કે,
બાળકો રાસ રમે રે લોલ … અંબા માના …
અંબે મા ગરબે રમવા આવો કે,
બાળ તારાં વીનવે રે લોલ … અંબા માના …
અંબે માને શોભે છે શણગાર કે,
પગલે કંકુ ઝરે રે લોલ … અંબા માના …
રાંદલમા રાસે રમવા આવો કે,
મુખડે ફૂલડાં ઝરે રે લોલ … અંબા માના …
બહુચર ગરબે રમવા આવો કે,
આંખથી અમી ઝરે રે લોલ … અંબા માના …
મા તારું દીવ્ય અનુપમ તેજ તે
જોઈ મારી આંખ ઠરે રે લોલ … અંબા માના …
ગરબો તારો બાળ ગવરાવે કે,
‘મસ્તાન’ તારા પાયે પડે રે લોલ … અંબા માના …
-મસ્તાન
Filed under: આરતી, ગરબો, ગીત, ગુજરાતીકવિતા, મસ્તાન | Tagged: અંબા માનાં ઊંચા મંદિર નીચા મો’લ, ગરબો, ગુજરાત, ગુજરાતી કવિતા અને ગઝલ, ગુજરાતીકવિતા, ગુજરાતીકવિતા ગઝલ શાયરી, મસ્તાન, મારા ઘટમાં બિરાજતા શ્રીનાથજી, gujarati git, gujarati kavita, gujaratikavita, gujaratikavitaanegazal | Leave a comment »