ખોલ સપનું લગાર તો માનુ
નીકળી આવ બહાર તો માનુ
ફેણ ને ડંખ ને ફુંફાડા ને
કાંચળી ની જેમ ઉતાર તો માનુ
તુ જ તારી ઉપર ઝિંકાયો છે
ચુકવે આ પ્રહાર તો માનુ
ભાત નથી ઉઠતી વણાયો પણ
થા ફરી તાર તાર તો માનુ
ચાલ વરસાદ જેવું બહાનુ દઉં
તું છલક બેય પાર તો માનુ
સાવ તિતાલિયા “અભિ” ઉપર
રાખ દારોમદાર તો માનુ
-અભિજીત શુકલ
Filed under: અભિજીત શુકલ, ગઝલ, ગુજરાતી ગઝલ | Tagged: અભિજીત શુકલ, ખોલ સપનું લગાર તો માનુ, ગઝલ, ગુજરાતી કવિતા અને ગઝલ, ગુજરાતી ગઝલ, gujarati gazal, gujaratigazal vishwa, gujaratikavita gujaratigazal gujaratishyari, gujaratikavitaanegazal | Leave a comment »
ગુજરાતી કવિતા અને ગઝલ 