વાત છે આ સાવ અંગત, કોઈને કે’તા નહીં.
લ્યો, પડી છે આપની લત કોઈને કે’તા નહીં.
આયના હારી ગયાં છે, એકસો ને આઠ વાર,
સાદગીનું એટલું સત, કોઈને કે’તા નહીં.
આપની બસ યાદમાં, ટીપુંયે લોહી ક્યાં બચ્યું?
આજ શાહીથી લખ્યો ખત, કોઈને કે’તા નહીં.
શ્વાસથી નખશિખ નવડાવી, પ્રથમ ને એ પછી,
આંખથી એંઠી કરે, ધત્ત, કોઈને કે’તા નહીં.
આપની આંખે રહેવાનું, થયું છે આજકાલ,
જોઈ લીધી મેં ય જન્નત, કોઈને કે’તા નહીં.
– હરદ્વાર ગોસ્વામી
Filed under: ગઝલ, ગુજરાતી ગઝલ, હરદ્વાર ગોસ્વામી | Tagged: કોઈને કે’તા નહીં., ગઝલ, ગુજરાતી કવિતા અને ગઝલ, ગુજરાતી ગઝલ, વાત છે આ સાવ અંગત, હરદ્વાર ગોસ્વામી, gujarati gazal, gujaratikavitaanegazal | Leave a comment »
ગુજરાતી કવિતા અને ગઝલ 