હવે કહુ છું જરા ભીંજાવને વરસાદ ના સમ છે
પછી હળવેથી સંકોચાવ ને વરસાદ ના સમ છે.
તમોને રાત આખી રહી જવાના કોડ જા જાગ્યા
તમે પણ કહી દીધુ હવે જાવ ને વરસાદ ના સમ છે.
તમે નખશીખ ભીંજાયા, અમે તો સાવ કોરાકટ
જરા ખોબો ભરી ને ન્હાવ ને વરસાદ ના સમ છે.
તમે આપ્યા છે સમ એ સમનુ થોડુ માન તો રાખો
ચલો સમ તમે પણ ખાવ ને વરસાદના સમ છે.
– દિલિપ રાવલ
Filed under: ગઝલ, ગીત, ગુજરાતી ગઝલ, દિલિપ રાવલ | Tagged: ગઝલ, ગુજરાતી કવિતા અને ગઝલ, ગુજરાતી ગઝલ, દિલિપ રાવલ, હવે કહુ છું જરા ભીંજાવને વરસાદ ના સમ છે, ghazal, gujarati gazal, gujaratigazal vishwa | Leave a comment »