તમને ખબર છે? કેવી કવિતા અમારી છે,
જે જે કડી છે-ભાગ્યની રેખા અમારી છે.
ઘર બેઠા જે લખીએ છીએ-સંભળાય છે સૌને,
જે જે મુશાયરા છે,એ શાખા અમારી છે.
કડવા અનુભવોનું કથન હો મીઠાશથી,
એ બોલચાલ અમારી,એ ભાષા અમારી છે.
આ ઘરના એક ખૂણામાં બેસી જવું પડ્યું?
ને ચારે તરફ કેટલી દુનિયા અમારી છે.
એને તમે અમારી હતાશા નહીં કહો,
આશા વધારે પડતી-નિરાશા અમારી છે.
પાછળ ફરીને જોવું પડે છે કોઈ વખત,
કે ત્યાં બિચારી એકલી નિંદા અમારી છે.
દુનિયાને કરે મસ્ત અમે હો તામાશાબીન,
અમને ન ચઢે-એવી મદીરા અમારી છે.
-મરીઝ
Filed under: ગઝલ, ગીત, ગુજરાતી ગઝલ, મરીઝ | Tagged: ગઝલ, ગુજરાતી કવિતા અને ગઝલ, ગુજરાતી ગઝલ, ગુજરાતીકવિતા ગઝલ શાયરી, તમને ખબર છે? કેવી કવિતા અમારી છે, મરીઝ, gujarati gazal, gujaratigazal vishwa, gujaratikavitaanegazal | Leave a comment »
ગુજરાતી કવિતા અને ગઝલ 