જાણે દુશ્મન પર રાખી છે,
એમ નજર ભીતર રાખી છે.
નિષ્ફળતાનો પ્રશ્ન જ ક્યાં છે,
શ્રધ્ધા જાત ઉપર રાખી છે.
છાતી પર ખંજર ક્યાં મારો ?
જાન હથેળી પર રાખી છે.
હું તો ચલ, ધીમું ચાલું છું,
તેંય ગતિ મંથર રાખી છે.
માણસ દોડ્યે રાખે માટે,
ઈચ્છાઓ ઘર ઘર રાખી છે.
– મકરંદ મુસળે
Filed under: ગઝલ, ગીત, ગુજરાતી ગઝલ, મકરંદ મૂસળે | Tagged: ગઝલ, ગુજરાતી કવિતા અને ગઝલ, ગુજરાતી ગઝલ, જાણે દુશ્મન પર રાખી છે, મકરંદ મુસળે, ghazal, gujarati gazal, gujarati git, gujaratikavitaanegazal |
Leave a comment