ઘણું અઘરું છે મળવાનું,
બીજાના મનને કળવાનું.
જીવનભર એ કર્યું છે ને,
હવે અંતે ય બળવાનું ?
ચલો, કોશિશ તો કરીએ,
દૂધે સાકર શું ભળવાનું !
બધાંએ વૃક્ષના ભાગે,
નથી હોતું જ ફળવાનું !
જીવન માટે ઝઝૂમ્યા ને,
મરણ કાજે ટટળવાનું !
તને હું કામ સોંપું છું,
ઋષિના મનને ચળવાનું !
અમે છટકીને અહીં આવ્યા,
હવે અહીંથી છટકવાનું ?
જનેતાએ જ શીખવ્યું છે,
ઊંધે માથે લટકવાનું !
– વિનોદ ગાંધી
Filed under: ગઝલ, ગુજરાતી ગઝલ, ગુજરાતીકવિતા, વિનોદ ગાંધી | Tagged: ગઝલ, ગુજરાતી કવિતા અને ગઝલ, ગુજરાતી ગઝલ, ઘણું અઘરું છે મળવાનું, વિનોદ ગાંધી, gujaratigazal, gujaratigazal vishwa |
Leave a comment