હું જેમ જેમ તારો દીવાનો થતો ગયો
બસ એમ એમ મારો જમાનો થતો ગયો.
એનો થતો ગયો અને આનો થતો ગયો.
કોને ખબર હું કેમ બધાનો થતો ગયો !
આપી છે તારી પ્રીતે નજરને વિશાળતા,
તારો થયા પછી હું ઘણાનો થતો ગયો.
વ્યક્તિત્વ ઓગળી ગયું તારા વિચારમાં,
મોટા થવાની સાથ હું નાનો થતો ગયો.
કેવી અસર થઇ છે મને તારા સંગની
જાણે કે હું જ મારા વિનાનો થતો ગયો
રાહી ઓધારીયા
Filed under: ગઝલ, ગીત, ગુજરાતી ગઝલ, રાહી ઓધારીયા | Tagged: ગઝલ, ગુજરાતી કવિતા અને ગઝલ, ગુજરાતી ગઝલ, રાહી ઓધારીયા, હું જેમ જેમ તારો દીવાનો થતો ગયો, ghazal, gujarati gazal, gujaratigazal vishwa, gujaratikavitaanegazal |
પ્રતિસાદ આપો