ક્યાં મદિરા ઉધાર પીધા છે ?
સાકીને કૈં દુઆઓ દીધી છે.
બોલતી કૈં છબીઓ કીધી છે,
મૌનને મેં જબાન દીધી છે.
ઈશ્ર્વરે મારી ઓથ લીધી છે,
જિન્દગાની મને શું દીધી છે !
આપ સમજો નહીં તો છે વસમી,
આપ સમજો તો વાત સીધી છે.
કાળ મુજને મહાત શું કરશે ?
કાળને મેં મહાત દીધી છે.
ઝૂમી ઝૂમી શરાબ પીધો છે,
ઝૂકી ઝૂકી સલામ લીધી છે.
અજનવી આંખની કસમ રુસ્વા !
મેં પ્યાલા વિનાએ પીધી છે
‘રુસ્વા’ મઝલૂમી
Advertisements
Filed under: ગઝલ, ગીત, ગુજરાતી ગઝલ | Tagged: ‘રુસ્વા’ મઝલૂમી, ક્યાં મદિરા ઉધાર પીધા છે ? |
`Ajnavi aankhni kasam rusva ! may pyala vinae pidhi che`- wah !….
-“ aankhose pineme kharabi nahi, may sharabi nahi……………………. may sharabi………………………“.