પાયોજી મેં ને, રામ રતન ધન પાયો …

પાયોજી મેં ને, રામ રતન ધન પાયો .. (૨) પાયોજી મેં ને… વસ્તુ અમૌલિક, દી મેરે સત્ ગુરુ .. (૨) કિરપા કર, અપનાયો .. પાયોજી મેં ને .. કિરપા કર, અપનાયો .. પાયોજી મેં ને, રામ રતન ધન પાયો … (૨) જનમ જનમ કી, પુંજી પાઈ .. (૨) જગ મેં સભી ખોવાયો .. પાયોજી મેં [...]

કાનજી તારી મા કહેશે પણ અમે કાનુડો કહેશું રે…

કાનજી તારી મા કહેશે પણ અમે કાનુડો કહેશું રે… એટલું કહેતા નહી માને તો ગોકુળ મેલી દેશું રે…કાનજી તારી મા…. માખણ ખાતાં નહોતું આવડતું મુખ હતું તારૂં એંઠુ રે… ગોપીઓએ તારું ઘર કેરાણુ જઈ ખુણામાં પેઠું રે…કાનજી તારી મા…. ઝુલણ પહેરતાં નહોતું આવડતું અમે તે દી’ પહેરાવતાં રે… ભરવાડોની ગાળ્યું ખાતો અમે તે દિ’ છોડાવતાં [...]

સુખ દુઃખ મનમાં ન લાવીએ, ઘટ સાથે છે ઘડીયાં,

સુખ દુઃખ મનમાં ન લાવીએ, ઘટ સાથે છે ઘડીયાં, ટાળ્યાં તે કોઇનાં નવ ટળે, રઘુનાથનાં ઘડીયાં…. સુખ દુઃખ મનમાં… હરીચંદ્ર રાજા સતવાદી, જેની તારા લોચન રાણી, વિ૫ત્ત બહુ ૫ડી, ભરીયાં નીચ ઘેર પાણી…. સુખ દુઃખ મનમાં… નળ રે રાજા સરખો નર નહી, જેને દમંયત્તી નારી, અડધા વસ્‍ત્રે વન ભોગવ્‍યાં, ના મળે અન્ન કે પાણી….સુખ દુઃખ [...]

ભગવાને આપણને હંમેશ માટે…

ભગવાને આપણને હંમેશ માટે… કંટક વિનાનાં ફૂલ નથી આપ્યાં, વાદળ વિનાનું આકાશ નથી આપ્યું, ઝંઝાવાત વિનાનો સમુદ્ર નથી આપ્યો, ચક્રવાત વિનાની હવા નથી આપી, દુ:ખ વિનાનું સુખ નથી આપ્યું, યુદ્ધ વિનાની શાંતિ નથી આપી, રોગ વિનાનો દેહ નથી આપ્યો – પણ એણે આપણને આપી છે દિનભર મહેનત કરવાની શક્તિ થાકીને આરામ કરવા માટે ઊંઘ, માર્ગ [...]

તમે મન મુકીને વરસ્યાં અમે જનમજનમના તરસ્યાં

તમે મન મુકીને વરસ્યાં અમે જનમજનમના તરસ્યાં તમે મુશળધારે વરસ્યાં અમે જનમજનમના તરસ્યાં હજારે હાથે તમે દીધું પણ, ઝોળી અમારી ખાલી જ્ઞાન ખજાનો તમે લૂંટાવ્યો, તોયે અમે અજ્ઞાની. તમે અમૃતરૂપે વરસ્યાં અમે ઝેરના ઘૂંટડા સ્પર્શયાં. તમે… શબ્દે શબ્દે શાતા આપે એવી તમારી વાણી એ વાણીની પાવનતાને અમે કદી ના પીછાણી તમે મહેરામણ થઈ ઉમટયાં અમે [...]

પ્રભુ !નાનકડું ઘર મારું સદા તારું જ મંદિર હો !

પ્રભુ !નાનકડું ઘર મારું સદા તારું જ મંદિર હો ! પ્રભુ, આનંદરૂપે આપ મારા ઘર વિશે વસજો, બનો ઉત્સાહનું એ સ્થાન ને સૌનો વિસામો હો, સુખીને સાથ એમાં હો, દુઃખીને પણ દિલાસો હો, પ્રભુ ! નાનકડું ઘર મારું, સદા તારું જ મંદિર હો ,..પ્રભુ … થજો વેદોતણું ગર્જન અને ત્યાં પાઠ ગીતાનો, વળી તારા બનેલા [...]

પૈસો…….પૈસો……………સહુને વ્હાલો પૈસો……

શંભુ ચરણે પડી, માગું ઘડી રે ઘડી કષ્ટ કાપો ।

શંભુ ચરણે પડી, માગું ઘડી રે ઘડી કષ્ટ કાપો । દયા કરી દર્શન શિવ આપો ॥૧॥ તમે ભક્તોના દુઃખ હરનારા, શુભ સૌનું સદા કરનારા । મારી મંદ મતિ, તારી અકળ ગતિ, કષ્ટ કાપો ॥૨॥ દયા કરી અંગે ભસ્મ સ્મશાનની ચોળી, સંગે રાખો સદા ભૂત ટોળી । ભાલે તિલક કર્યુ, કંઠે વિષ ધર્યુ, અમૃત આપો ॥૩॥ [...]

હરીનો મારગ છે શૂરાનો, નહિ કાયરનું કામ જોને,- પ્રિતમદાસ

હરીનો મારગ છે શૂરાનો, નહિ કાયરનું કામ જોને, પ્રથમ પહેલું મસ્તક મૂકી, વળતા લેવું નામ જોને. સુત વિત દારા શીશ સમરપે, તે પામે રસ પીવા જોને; સિંધુ મધ્યે મોતી લેવા, માંહી પડયા મરજીવા જોને.  મરણ આગમે તે ભરે મુઠ્ઠી, દિલની દુગ્ધા વામે જોને; તીરે ઊભા જુએ તમાશો, તે કોડી નવ પામે જોને. પ્રેમપંથ પાવકની જવાળા, [...]

પ્રભુજીને પડદામાં રાખ મા-ઇન્દુલાલ ગાંધી

પ્રભુજીને પડદામાં રાખ મા          પૂજારી, તારા –                   આતમને ઓઝલમાં રાખ મા. વાયુ વીંજાશે ને દીવડો હોલાશે એવી                   ભીતિ વંટોળિયાની ભાખ મા, આડે ઊભો તારો દેહ અડીખમ                   ભળી જાશે એ તો ખાખમાં          પૂજારી, તારા –                   આતમને ઓઝલમાં રાખ મા. ઊડી ઊડીને આવ્યાં પંખી હિમાળેથી,                   થાક ભરેલો એની પાંખમાં સાત [...]

મંગલ મંદિર ખોલો, દયામય !

મંગલ  મંદિર  ખોલો, દયામય ! મંગલ  મંદિર  ખોલો, જીવનવન અતિ વેગે વટાવ્યું દ્વાર  ઊભો  શિશુ  ભોળો ; તિમિર  ગયું  ને  જ્યોતિ  પ્રકાશ્યો, શિશુને  ઉરમાં  લો,  લો, દયામય ! નામ  મધુર  તમ  રટ્યો  નિરંતર શિશુસહ  પ્રેમે  બોલો ; દિવ્ય  તૃષાતુર  આવ્યો  બાલક, પ્રેમ – અમીરસ  ઢોળો, દયામય ! મંગલ મંદિર ખોલો !  – નરસિંહરાવ દિવેટિયા

જીવન અંજલિ થાજો, મારું જીવન અંજલિ થાજો !

જીવન અંજલિ થાજો, મારું જીવન અંજલિ થાજો ! ભૂખ્યા કાજે ભોજન બનજો, તરસ્યાનું જળ થાજો; દીન-દુ:ખિયાના આંસુ લો’તો અંતર કદી ન ધરાજો ! મારું જીવન … સતની કાંટાળી કેડી પર પુષ્પ બની પથરાજો; ઝેર જગતનાં જીરવી જીરવી અમ્રુઅત ઉરનાં પાજો ! મારું જીવન … વણથાક્યાં ચરણો મારાં નિત તારી સમીપે ધાજો: હૈયાના પ્રત્યેક સ્પન્દને તારું [...]

અસત્યો માંહેથી પ્રભુ! પરમ સત્યે તું લઈ જા,-ન્હાનાલાલ કવિ

પ્રભો અંતર્યામી જીવન જીવના દીનશરણા, પિતા માતા બંધુ, અનુપમ સખા હિતકરણા; પ્રભા કીર્તિ કાંતિ, ધન વિભવ સર્વસ્વ જનના, નમું છું, વંદું છું, વિમળમુખ સ્વામી જગતના. સૌ અદભુતોમાં તુજ સ્વરૂપ અદભુત નીરખું, મહા જ્યોતિ જેવું નયન શશી ને સૂર્ય સરખું, દિશાઓ ગુફાઓ પૃથ્વી ઊંડું આકાશ ભરતો, પ્રભો એ સૌથીએ પર પરમ હું દૂર ઊડતો. પ્રભો તું [...]

આપને તારા અંતરનો એક તાર, બીજું હું કાંઇ ન માંગું,

આપને તારા અંતરનો એક તાર, બીજું હું કાંઇ ન માંગું, સુણજે આટલો આર્ત તણો પોકાર, બીજું હું કાંઇ ન માંગું… તુંબડું મારું પડ્યું નકામું, કોઇ જુએ નહીં એના સામું (2) બાંધીશ તારા અંતરનો ત્યાં તાર, પછી મારી ધૂન જગાવું સુણજે આટલો આર્ત તણો પોકાર, બીજું હું કાંઇ ન માંગું … એકતારો મારો ગૂંજશે મીઠું, દેખશે [...]

મારા ઘટમાં બિરાજતા શ્રીનાથજી, યમુનાજી, મહાપ્રભુજી

મારા ઘટમાં બિરાજતા શ્રીનાથજી, યમુનાજી, મહાપ્રભુજી મારુ મનડું છે ગોકુળ વનરાવન મારા તનના આંગણિયામાં તુલસીનાં વન મારા પ્રાણ જીવન….મારા ઘટમાં. મારા આતમના આંગણે શ્રીમહાકૃષ્ણજી મારી આંખો દીસે ગિરિધારી રે ધારી મારુ તન મન ગયું છે જેને વારી રે વારી હે મારા શ્યામ મુરારિ…..મારા ઘટમાં. હે મારા પ્રાણ થકી મને વૈષ્ણવ વ્હાલા નિત્ય કરતા શ્રીનાથજીને કાલા [...]

ભૂલો ભલે બીજું બધું, મા બાપને ભૂલશો નહિ-પુનિત

ભૂલો ભલે બીજું બધું, મા બાપને ભૂલશો નહિ અગણિત છે ઉપકાર એના, એહ વિસરશો નહિ પથ્થર પૂજ્યા પૃથ્વી તણા, ત્યારે દીઠું તમ મુખડું એ પુનિત જનનાં કાળજાં, પથ્થર બની છુંદશો નહિ કાઢી મુખેથી કોળીયા, મ્હોંમાં દઈ મોટા કર્યા અમૃત તણાં દેનાર સામે, ઝેર ઉગળશો નહિ લાખો લડાવ્યાં લાડ તમને, કોડ સૌ પુરા કર્યા એ કોડના [...]

ઓ ઇશ્વર ભજીએ તને, મોટું છે તુજ નામ

ઓ ઇશ્વર ભજીએ તને, મોટું છે તુજ નામ ગુણ તારાં નિત ગાઇએ, થાય અમારાં કામ… હેત લાવી હસાવ તું, સદા રાખ દિલ સાફ ભૂલ કદી કરીએ અમે, તો પ્રભુ કરજો માફ… પ્રભુ એટલું આપજો, કુટુંબ પોષણ થાય ભૂખ્યા કોઇ સૂએ નહીં, સાધુ સંત સમાય… અતિથિ ઝાંખો નવ પડે, આશ્રિત ના દુભાય જે આવે અમ આંગણે, [...]

આપને તારા અંતરનો એક તાર

આપને તારા અંતરનો એક તાર બીજું હું કાંઇ ન માગું સુણજે આટલો આર્ત તણો પોકાર બીજું હું કાંઇ ન માગું . તૂંબડું મારું પડ્યું નકામું કોઇ જુએ નહીં એના સામું; બાંધીશ તારા અંતરનો ત્યાં તાર પછી મારી ધૂન જગાવું. સુણજે આટલો આર્ત તણો પોકાર બીજું હું કાંઇ ન માગું . એકતારો મારો ગુંજશે મીઠું દેખાશે [...]

સમજણ જીવન માથી જાઈ જો,

સમજણ જીવન માથી જાઈ જો, જીવન માથી જાઈ,તો તો જોયા જેવી થાઈ, સમજણ જીવન માથી જાઈ જો, જીવન માથી જાઈ,તો તો જોયા જેવી થાઈ, સમજણ જીવન માથી જાઈ જો, પિતાજીના વચન ખાતર, રામજી વનમા જાઈ,(૨) આજનો રામલો વૃધ્ધાશ્રમમા(૨),એના બાપને મેલવા જાઈ, સમજણ જીવન માથી જાઈ જો, જીવન માથી જાઈ,તો તો જોયા જેવી થાઈ, એ ચેલો [...]

હરિ વસે છે હરિના જનમાં,

હરિ વસે છે હરિના જનમાં, શું કરશો જઈ વનમાં… ટેક ભેખ ધરીને તમે શીદ ભટકો છો, પ્રભુ નથી વન કે અરણ્યમાં; કાશીએ જાઓ ભલે ગંગામાં ન્હાવો, પ્રભુ નથી પાણી કે પવનમાં… હરિ.. જોગ કરો ભલે જગન કરાવો, પ્રભુ નથી વ્યોમ કે હવનમાં; બાઈ મીરાં કહે પ્રભુ ગિરિધરનાગર, હરિ વસે છે હરિના જનમાં… હરિ.. મીરાંબાઈ      

હરિને ભજતાં

હરિને ભજતાં હજી કોઈની લાજ જતાં નથી જાણી રે; જેની સુરતા શામળિયા સાથ, વદે વેદ વાણી રે. વહાલે ઉગાર્યો પ્રહલાદ, હરણાકંસ માર્યો રે; વિભીષણને આપ્યું રાજ, રાવણ સંહાર્યો રે. હરિને… વહાલે નરસિંહ મહેતાને હાર, હાથોહાથ આપ્યો રે; ધ્રુવને આપ્યું અવિચળ રાજ, પોતાનો કરી થાપ્યો રે. હરિને… વહાલે મીરાં તે બાઈનાં વિખ હળાહળ પીધાં રે; પંચાળીનાં [...]

હો મહાકાળી, તું પાવાવાળી, તું વહેલી પધારજે,

હો મહાકાળી, તું પાવાવાળી, તું વહેલી પધારજે, મારા ભોજનીયા જમવાને વહેલી આવજે… મહાકાળી, તું પાવાવાળી… ખાજા કરીને જલેબી-પુરી છે, માતાજી ઓ માતાજી ! બરફી, પેંડા ને હલવો મેસુર છે, માતાજી ઓ માતાજી ! બાજઠ મુકી… બાજઠ મુકી થાળી કીધી જળ જમનાનાં લાવી… મહાકાળી, તું પાવાવાળી… કંસાર ઘીની વેઠમી બનાવી, માતાજી ઓ માતાજી ! દાળભાત શાક [...]

જૂનું તો થયું રે, દેવળ જૂનું તો થયું;

જૂનું તો થયું રે, દેવળ જૂનું તો થયું; મારો હંસલો નાનો ને, દેવળ જૂનું તો થયું. આ રે કાયા રે હંસા, ડોલવાને લાગી રે; પડી ગયા દાંત, માંયલી રેખું તો રહી. -મારો૦ તારે ને મારે હંસા, પ્રિત્યું બંધાણી રે; ઊડી ગયો હંસ, પિંજર પડી રે રહ્યું -મારો૦ બાઈ મીરાં કે પ્રભુ ગિરિધરના ગુણ; પ્રેમનો પ્યાલો [...]

જળકમળ છાંડી જાને બાળા, સ્વામી અમારો જાગશે

જળકમળ છાંડી જાને બાળા, સ્વામી અમારો જાગશે જાગશે તને મારશે મને બાળ હત્યા લાગશે … 1 કહે રે બાળક તું મારગ ભૂલ્યો, કે તારા વેરીએ વળાવીઓ નિશ્ચલ તારો કાળ ખૂટ્યો, અહીંયા તે શીદ આવીઓ … 2 નથી નાગણ હું મારગ ભૂલ્યો, નથી મારા વેરીએ વળાવીઓ, મથુરા નગરીમાં જુગટુ રમતાં નાગનું શીશ હું હારીઓ … 3 [...]

તેં પથ્થર પસંદ કેમ કર્યો?

તેં પથ્થર પસંદ કેમ કર્યો? અરે કે’ને ઓ કરુણાના સાગર, અને કોણે જઇ પાષાણ ભર્યો? તેં પથ્થર પસંદ કેમ કર્યો? વાયુ વાદળ સૂરજ ચંદર વ્યોમ ભોમ પાતાળની અંદર હોય ભલે મસ્જિદ મંદર સત્વ તત્વમાં તું જ નિરંતર તો યે નિરાકાર આકાર ધરી અરે ઠરી ઠરી પાષાણ ધર્યો ભાવે સ્વભાવે નોખો ન્યારા ફૂલને પથ્થર વચ્ચે તો [...]

રંગાઇ જાને રંગમાં…..

રંગાઇ જાને રંગમાં….. સીતારામ તણા સતસંગમાં રાધેશ્યામ તણા તુ રંગમાં…..રંગાઇ….. આજે ભજશું, કાલે ભજશું, ભજશું સીતારામ, ક્યારે ભજશું રાધેશ્યામ, શ્વાસ તૂટશે, નાડી તૂટશે, પ્રાણ નહીં રે તારા અંગમાં…..રંગાઇ….. જીવ જાણતો ઝાઝું જીવશું, મારું છે આ તમામ, પહેલાં અમર કરી લઉં નામ, તેડું આવશે, યમનું જાણજે, જાવું પડશે સંગમાં…..રંગાઇ….. સૌ જન કહેતા પછી જપીશું, પહેલાં મેળવી [...]

એક જ દે ચિનગારી, મહાનલ !

એક જ દે ચિનગારી, મહાનલ ! એક જ દે ચિનગારી. ચકમક લોઢું ઘસતાં ઘસતાં ખરચી જિંદગી સારી જામગરીમાં તણખો ન પડ્યો, ન ફળી મહેનત મારી મહાનલ… એક દે ચિનગારી… ચાંદો સળગ્યો, સૂરજ સળગ્યો, સળગી આભઅટારી ના સળગી એક સગડી મારી, વાત વિપતની ભારી મહાનલ… એક દે ચિનગારી… ઠંડીમાં મુજ કાયા થથરે, ખૂટી ધીરજ મારી વિશ્વાનલ [...]

રાખનાં રમકડાં મારા રામે રમતાં રાખ્યાં રે

રાખનાં રમકડાં મારા રામે રમતાં રાખ્યાં રે મૃત્યુલોકની માટીમાંથી માનવ કહીને ભાખ્યાં રે રાખનાં રમકડાં, રમકડાં … બોલે ડોલે રોજ રમકડાં, નિત નિત રમત્યું માંડે આ મારું આ તારું કહીને એકબીજાને ભાંડે રે, રાખનાં રમકડાં, રમકડાં … એઇ કાચી માટીને કાયામાંથી માયા કેરા રંગ લગાયા એજી ઢીંગલા ઢીંગલીએ ઘર માંડ્યાં ત્યાં તો વિંઝણલા વિંઝાયા રે [...]

આજ સુધી હુ રાધા હતી પણ શામ વીનાની રાધા

આજ સુધી હુ રાધા હતી પણ શામ વીનાની રાધા આજ સુધી તુ શામ હતો પણ રાધા વીનાનો શામ.. હવે હો… હો…. તુ… હુ… (થઈ ગયા રાધે શામ…)-(2) હે…. સાચુ પડ્યુ જાણે સમણુ મારુ થઈ ગયુ મારુ કામ (થઈ ગયા રાધે શામ…)-(2) હો….ઓ….. મીરા થઈ ને નાચુ, પુર્તિ થઈને વાંચુ, શમણામાં તુજને ભાળીને શમણામાં હુ રાચુ.. [...]

માતા વિના સૂનો સંસાર

કેમ કરી લજ્જા રહેશે, તાત? હું શેં ન મૂઈ મરતાં માત? માતા વિના સૂનો સંસાર, નમાયાંનો શો અવતાર? જે બાળકની માતા ગઈ મરી, બાપ-સગાઈ સાથે ઊતરી, જેમ આથમતા રવિનું તેજ, મા વિના તેવું પિતાનું હેજ. સુરભિ મરતાં જેવું વચ્છ, જળ વિના જેમ તરફડે મચ્છ, ટોળા-વછોહી જેમ મૃગલી, મા વિના તેમ પુત્રી એકલી. લવણ વિના જેમ [...]

છુપાવી વેદના

છુપાવી વેદના અનેક તેથી હ્રદયનો ભાર વધી જાય છે નથી કહેવાતુ નથી સહેવાતુ મન લાચાર બની જાય છે ખોલુ છુ દિલ જો લોકો પાસે તો વાત હાંસી બની જાય છે પણ પ્રભુ તને કહેવાથી હ્રદય હળવુ બની જાય છે અજ્ઞાત.

ક્યા હંસ તૂ પાગલ ભયા, ચુનચુન કે કંકરી ખાત હૈ?

ક્યા હંસ તૂ પાગલ ભયા, ચુનચુન કે કંકરી ખાત હૈ? યહ સરોવર તો સૂખ ગયા, અબ ક્યોં ન તૂ ઊડ જાત હૈ? ભૂખા રહા પિંજર ભયા, અબ ક્યોં ન માનતા હૈ કહા? સંગી તિહારે ચલ ગયે, કિસ સ્વાદસે ઈસ ઠાં રહા અબ. ૧ ચલ તૂ હમારે સંગમેં, લાખોં મરાલ સુ જહ વસે; દિલદાર્ સરકા યાર [...]

હરિ, કેટલી વાર ?

હરિ, કેટલી વાર ? ઝટ્ટ પધારો, કદાચ હું નીકળી જાવાનો જીવનમાંથી બહાર… પ્રભાતિયાની ચિઠ્ઠી તમને મળી હતી કે નહીં ? પંખીએ એમાં જ કરી’તી ટહુકા સાથે સહી ગઈ રાતના નામજાપનો કીધો’તો મેં તાર… હરિ o ઝાંખી બારી, કમાડ ઝાંખાં, ઝાંખું છે અજવાળું સાઠ વરસથી ખુલ્લા ઘરને હવે મારવું તાળું તમને સોંપી ચાવી, મારે જાવું પેલે [...]

આટલું તો આપજે ભગવન મને છેલ્લી ઘડી.

આટલું તો આપજે ભગવન મને છેલ્લી ઘડી. ના રહે માયા તણા બંધન મને છેલ્લી ઘડી. જિંદગી આ તેં દીધી એ જીવનમાં સમજ્યો નહીં, અંત સમયે એ રહે સમજણ મને છેલ્લી ઘડી. જીવનભર સળગી રહ્યો સંસારના સંતાપમાં, આપજે તું શાંતિમય નિધન મને છેલ્લી ઘડી. મરણશૈયા પર પડી મીંચાય છેલ્લી આંખ જ્યાં, આપજે ત્યારે પ્રભુમય મન મને [...]

ખમ્મા, મારા નંદજીના લાલ,-નરસિંહ મહેતા

ખમ્મા, મારા નંદજીના લાલ, મોરલી ક્યાંરે વગાડી? હું રે સૂતી’તી મારા શયનભવનમાં, સાંભળ્યો મોરલીનો નાદ … મોરલી … ખમ્મા … ભર રે નીંદરમાંથી ઝબકીને જાગી, ભૂલ ઈ ગૈઅ સુધ ભાન સાન … મોરલી … ખમ્મા … પાણીડાંની મસે જીવન જોવાને હાલી, દીઠાં મેં નંદજીના લાલ … મોરલી … ખમ્મા … દોણું લૈઅને ગૌ દો’વાને બેઠી, [...]

પાયોજી મેને રામ-રતન ધન પાયો

પાયોજી મેને રામ-રતન ધન પાયો વસ્તુ અમોલીક દી મેરે સતગુરૂ, કિરપા કર અપનાયો … પાયોજી મેને જનમ જનમકી પુંજી પાઇ, જગમેં સભી ખોવાયો … પાયોજી મેને ખરચૈ ન ખુટે, વાકો ન લૂટે, દિન દિન બઢત સવાયો … પાયોજી મેને સતકી નાવ, ખેવટિયા સતગુરૂ, ભવ-સાગર તર આયો … પાયોજી મેને મીરાં કે પ્રભુ ગિરિધર નાગર, હરખ [...]

હો…. મારે આજની ઘડી રે રળિયામણી,

હો…. મારે આજની ઘડી રે રળિયામણી, હાં રે ! મારો વાલો આવ્યાની વધામણી હોજી રે…..મારે. હા જી રે તરિયા તોરણ તે બંધાવિયા, મારા વાલાજીને મોતીડે વધાવિયા રે…. મારે. હા જી રે લીલા, પીળા તે વાંસ વઢાવિયા, મારા વાલાજીનો મંડપ રચાવિયો રે…. મારે. હા જી રે ગંગા-જમનાના નીર મંગાવીએ, મારા વાલાજીના ચરણ પખાળિયે રે… મારે. હા [...]

ઘડપણ કેણે મોકલ્યું, જાણ્યું જોબન રહે સૌ કાળ. ઘડપણ ટેક.

ઘડપણ કેણે મોકલ્યું, જાણ્યું જોબન રહે સૌ કાળ.                     ઘડપણ  ટેક. ઊમરા તો ડુંગરા થયા રે, પાદર થયાં પરદેશ, ગોળી તો ગંગા થઇ રે, અંગે ઊજળા થયા છે કેશ.                    ઘડપણ. નહોતું જોઇતું ને શીદ આવિયું રે, નહોતી જોઇ તારી વાટ, ઘરમાંથી હળવા થયા રે, એની ખૂણે ઢળાવોને ખાટ.                 ઘડપણ. નાનપણે ભાવે લાડવા રે, ઘડપને ભાવે શેવ, [...]

સુવિચાર-બરાબર સમજી રાખો :

બરાબર સમજી રાખો : અનાયાસે પ્રાપ્ત થયેલી લક્ષ્મી, પરિશ્રમ તથા પુરુષાર્થ વગરનું જીવન, અને સાચી ભુખ વિનાનું ભોજન, … આ ત્રણેય ભલે થોડો આનંદ આપે……………….. પણ સરવાળે તે હાનિકર્તા છે

પછી શામળિયો બોલિયા, તને સાંભરે રે ?

પછી શામળિયો બોલિયા, તને સાંભરે રે ? હાજી નાનપણાની પેર, મને કેમ વીસરે રે ? આપણે બે મહિના પાસે રહ્યા, તને સાંભરે રે ? હાજી સાંદીપનિ ઋષિને ઘેર, મને કેમ વીસરે રે ? અન્ન ભિક્ષા માગી લાવતા, તને સાંભરે રે ? હાજી જમતા ત્રણે ભ્રાત, મને કેમ વીસરે રે ? આપણે સૂતા એક સાથ રે, [...]

સૌ તો ખાલી હાથે જાય છે તમે શું લઇ જશો,

સૌ તો ખાલી હાથે જાય છે તમે શું લઇ જશો, હાયહાયનો પૈસો શું તમે, કબર માં લઇ જશો?  રૂપિયા તો બહુ કમાય છે પણ તે ક્યા વપરાય છે,  ઘરનાં પ્રસંગો  માટે પણ હવે રજા ક્યા લેવાય છે, વ્યવહારમાં ક્યાં રહેવાય છે?તહેવાર ક્યાં ઉજવાય છે? તહેવાર અને વ્યવહારમાં હવે તો બસ રૂપિયાજ દેખાય છે રવિવાર પણ હવે તો  દોસ્ત ધંધામાં જ જાય [...]

માગું હું તે આપ, પ્રભુજી !

માગું હું તે આપ, પ્રભુજી ! માગું હું તે આપ. ના માંગુ ધન વૈભવ જે મન દેખી મલકાય, ભલે રહું હું દીન તોય લઉં ના ગરીબ કેરી હાય ! એવું હૈયાનું બળ આપ, પ્રભુજી ! … માગું ઉંચા નીચા ભેદ ન જાણું, સૌને ચાહું સમાન સૌને આવું હું ખપમાં મુજ કાયા વજ્ર સમાન એવું શરીરનું [...]

મન રે તું ધીરજ ધર તું કોઈ નો મોહ ન કર

મન રે તું ધીરજ ધર તું કોઈ નો મોહ ન કર મન છે ચચલ પણ તું ખુશી કે તું ગમ ન કર મનને જે મોહે તેનો પણ તું કોઈ મોહ ન કર મન સાથે જેનું મન મળે બીજાનો મોહ ન કર મન રે તું મોન ધર આટલો બધો સોર ન કર તકદીરમાં હસે તે મલસે,તું [...]

માનવી અને ઈશ્વર

નાદયા નાપ્રેમ નાંવિશ્વાસ નાંમાણસાઈ માનવી પથ્થર બન્યો ને પથ્થરમાં કરી પ્રાણપ્રતિષ્ઠા ઈશ્વર તનેય પથ્થરનો બનાવ્યો દયા છે ,કરુણા છે ,પ્રેમ છે;તુંજમાં હે ઈશ્વર તને કોણ કહે પથ્થર અમૃતમંથન વખતે અમૃત દેવોને આપી તે જેર પીધું ભોલે શકર ભરત સુચક

”ઈશ્વર ખોવાયો”

(‘સાગર’ભાઈ રામોલિયા અને ભરત મકવાણા ‘મીત્ર’ ના એક કાવ્ય ની પ્રેરણા લઈ ને) ખુન ખરાબી અને કત્લેઆમ ઈશ્વર ખોવાયો, અસત્ય અને બધે ભ્રષ્ટાચાર ઈશ્વર ખોવાયો મુક્પ્રેશક બનીને કા જો ? ,હવે તો ન્યાય કર નહીતો હશે જાહેરાત તારી અખબાર માં!!!! ”ઈશ્વર ખોવાયો” -ભરત સુચક

કોણ કે’છે કે નમાલી છે પ્રજા ગુજરાતની ?

કોણ કે’છે કે નમાલી છે પ્રજા ગુજરાતની ? શૌર્યની ઈતિહાસમાં વાંચો કથા ગુજરાતની. ગર્વ લેવા જેવી છે કૈં કૈં કથા ગુજરાતની કઈ કહું ? કઈ ના કહું ? મોંઘી મતા ગુજરાતની. આ અમારું ભોળું ઉર ને એ જ ભોળા ઉર મહીં ભોળી ભોળી ભાવનાઓ છે અહા ! ગુજરાતની. મશ્કરી મારી તમે કરશો તો હું સાંખી [...]

જીવન

જીવન છે ટ્રેનનો ડબ્બો,સાથી મળે રસ્તે રસ્તે, કોઈ લાંબો સાથ દે,કોઈ છોડી અધવચ્ચે, જે મળ્યું હતું મને ,તે તકદીર માં હતું મારા , જે ના મળ્યું મને ,તેને ભૂલીને જીવતો રહ્યો હું, જીવનમાં મહોબત છે અને વફાદારી પણ છે , નથી તકદીરમાં મારા,આમાંની ક્યાં કોઈ વાત છે, જીવન છે સુખ દુખનો ઓટલો.સુખ કે દુખ મળે [...]

મતભેદ

સહુ કહે છે: ‘મંદિરે ઈશ્વર નથી’, હું કહું છું: ‘ત્યાં ફ્ક્ત પથ્થર નથી’. સહુ કહે છે: ‘ઝાંઝવાં છે રણ મહીં’, હું કહું છું: ‘ત્યાં નર્યા મૃગજળ નથી’. સહુ કહે છે: ‘પાનખર છે ઉપવને’, હું કહું છું: ‘ત્યાં ધરા ઊષર નથી.’ સહુ કહે છે: ‘શૂન્ય છે આકાશ આ’, હું કહું છું: ‘સૂર્ય આ જર્જર નથી.’ સહુ [...]

પ્રતિકાવ્ય -જયકાંત જાની (USA)

પરદેશની પારાવાર પરેશાની પ્રેથી તે સ્હેજે, મળ્યુ જે વાસી ઠ્ંડુ ભાણામા ગરમ્ ગણી લેજે. સ્પોન્સરર્ની કડવી વાણી વિષે જો દુઃખ લાગે તો, જરાયે અંતરે ડોલરીયો આનંદ ના ઓછો થવા દેજે. પરદેશ માંહી દુખોનો નથી હિસાબ કોઇને, દુખીશ્યામબા બાપુ બનીને તું વહોરી ના પીડા લેજે. વિદેશી વાયરા ના વ્ંટોળે ખરો પ્રેમ નહીં ભાસે, ન કાળી કે [...]

ના જડ્યું

ના જડ્યું આભ જેવું ઊંચેરું કોઈ ના મળ્યું મન જેવું ઊંડેરું કોઈ ના જડ્યું પુષ્પ જેવું રુપાળું કોઈ ના મળ્યું હાસ્ય જેવું મધુરું કોઈ ના જડ્યું વૃક્ષ જેવા દાતા કોઈ ના મળ્યા પંચેન્દ્રીય જેવું રત્ન કોઈ ના જડ્યું જળ જેવું ઝીલનારું કોઈ ના મળ્યું માત જેવું મોંઘેરું કોઈ ના જડ્યું પવન જેવું પાતળું કોઈ ના [...]