ખારાશ આખ્ખા ગામની બાઝી પડી મને

ખારાશ આખ્ખા ગામની બાઝી પડી મને દરિયો થવાની ખેવના કેવી નડી મને તાજી જ ધાર કાઢેલા ચપ્પુની અણી જેમ માથા ફરેલ શ્હેરની સંધ્યા અડી મને વસ્ત્રો હતાં નહીં ને હું ટીંગાઈ ના શક્યો ખીંટી કોઈ જ રીતથી ના પરવડી મને કટ્ટરપણાની હદ સુધી જેણે હણ્યાં ફૂલો શીખવે છે એ જ પ્રેમની બારાખડી મને નારાજગીનો એટલે [...]

તું હૃદયમાં ધબધબે પ્રત્યેક પળ…

તું હૃદયમાં ધબધબે પ્રત્યેક પળ… એક સચ્ચાઈ છે જેને હું સહી શકતો નથી, ખૂબ સીધી વાત છે પણ હું કહી શકતો નથી; ને એમ પણ હું ભોગવું છું મૌન રહેવાની સજા, તો લે કહું, તારા વગર જા… હું રહી શક્તો નથી. જો તું નથી તો કેમ તારી કલ્પના પણ છે? હું અંધ છું આ દર્પણો [...]

કરતા જાળ કરોળિયો, ભોંય પડી પછડાય

કરતા જાળ કરોળિયો, ભોંય પડી પછડાય વણ તૂટેલે તાંતણે, ઉપર ચડવા જાય મે’નત તેણે શરૂ કરી, ઉપર ચડવા માટ, પણ પાછો હેઠો પડયો, ફાવ્યો નહિ કો ઘાટ. એ રીતે મંડી રહ્યો, ફરી ફરી બે-ત્રણ વાર પણ તેમાં નહિ ફાવતા, ફરી થયો તૈયાર હિંમત રાખી હોંશથી, ભીડયો છઠ્ઠી વાર, ધીરજથી જાળે જઈ, પોં’ચ્યો તે નિર્ધાર ફરી [...]

તારી હથેળીને દરિયો માનીને કોઇ ઝંખનાને સોંપે સુકાન;

તારી હથેળીને દરિયો માનીને કોઇ ઝંખનાને સોંપે સુકાન; એને રેતીની ડમરીનો ડૂમો મળે, એનો અલ્લાબેલી. ખજૂરીની છાયામાં વરસે છે ઝાંઝવા ને વેળુમાં તરસે છે વ્હાણ; કૂવાથંભેથી હવે સોણલાં રડે ને કોરી આંખોને અવસરની જાણ. તારી હથેળીને રેતી માનીને કોઇ ઊંટોના શોધે મુકામ; એને કોરીકટ માછલીની જાળો મળે, એનો અલ્લાબેલી. કોની હથેળીમાં કોનું છે સુખ, કોને [...]

ક્ષણ ક્ષણના સરવાળા કરતા શેષ વધે, એ ઘટના

ક્ષણ ક્ષણના સરવાળા કરતા શેષ વધે, એ ઘટના ઘટનાઓ જે જીવતરમાંથી બાદ થતી, એ સપના તૃષ્ણા નામે સરવર છલકે મૃગજળથી, એ ભ્રમણા દર્પણમાથી આખે આખી બહાર ઝરે તે છલના મયખાને વ્યવહારો ચાલે સુખદુ:ખના મૈકશના મસ્જિદમાં સૌ ખુદને કાજે આવે શું એ ખપના.? અમથો વાલમ આંટો દેજો, વ્હાલપની નગરીમાં રસ્તા મહેકે લાગણીઓના ગુલમહોરે રગરગના ડો. નાણાવટી

પગલું

પગલું મેં માંડ માંડ દીધુતું માંડવા ને તે તો લંબાવી દીધી કેડી ! આંખો માં અમથું મેં સ્મિત દીધું ત્યાં તો તે નજરુંની બાંધી દીધી બેડી ! હૈયાના દ્વાર હજી ખુલ્ય – અધખૂલ્યા ત્યાં અણબોલી વાણી તે જાણી , અંધારા આભે આ બીજ સ્હેજ દેખી ત્યાં પૂનમની ચાંદની માણી. પળની એકાદ કૂણી લાગણીની પ્યાલીમાં આયુષની [...]

વાદળા સાથે મોકલ્યો છે સંદેશો, મળી જાય ત્યારે કહેજો

વાદળા સાથે મોકલ્યો  છે સંદેશો,  મળી જાય ત્યારે કહેજો ચમકતી વિજળી જ્યારે મન તમારું કળી જાય ત્યારે કહેજો. આ ચાંદ-તારા જોઈ રહ્યાં છે રાહ આપણા મિલનની  બસ  આ  નઠારો  સૂરજ  ઢળી જાય  ત્યારે  કહેજો પાંપણ  પર  પડ્યો  છે   પથરાયેલો  સપનાનો  કાફલો  રખેને તણાઈ જાય એ બધું, આંખ ઝળહળી જાય ત્યારે કહેજો વસંતનું વાવેતર  મેં  કરી  [...]

રોજ કંઈક નવું શીખવી જાય છે જિંદગી,

રોજ કંઈક નવું શીખવી જાય છે જિંદગી, કેટલાં અધૂરાં આપણે સમજાવી જાય છે જિંદગી. શક્ય-અશક્યની સંભાવનામાં રમાડી જાય છે, હથેળીમાં રોજ ચાંદ રોજ બતાવી જાય છે જિંદગી. ગણત્રીપૂર્વકનાં સંબંધોની શતરંજ સમી બાજીમાં, કાળી ધોળી ચાલે આંટીઘૂંટીઓ શીખવી જાય છે જિંદગી. સમયનાં ત્રાજવે નફરત અને પ્રેમનાં લેખાં જોખાં કરતી, દોસ્તો અને દુશ્મનોનાં હિસાબો આપતી જાય છે [...]

ના તને ખબર પડી, ના મને ખબર પડી,

ના તને ખબર પડી, ના મને ખબર પડી, કે હું પ્રેમમાં પડ્યો કે તું પ્રેમમાં પડી; કારણમાં આમ કઇ નહીં, બે આંખ બસ લડી, ને હું પ્રેમમાં પડ્યો કે તું પ્રેમમાં પડી. બંનેના દિલ ઘડકતા હતા જે જુદા જુદા, આ પ્રેમ એટલે કે એને જોડતી કડી; શરમાઈ જતી તોય મને જાણ તો થતી; મારી તરફ [...]

કો’ક દિન ઇદ અને કો’ક દિન રોજા,

કો’ક દિન ઇદ અને કો’ક દિન રોજા, ઊછળે ને પડે નીચે જિંદગીનાં મોજાં. કાંઇ અફસોસ નહીં, કાંઇ નહીં ફિકર, કોઇ ચીજ તણી નહીં જિંદગીમાં જિકર. આવે ને જાય એના વેઠવા શા બોજા ? કો’ક દિન ઇદ અને કો’ક દિન રોજા. માન મળે, મળે ધન-ધાન, મળે સત્તા, પાન ચાવી બીજી પળે ખાવા પડે ખત્તા. વાહ ભાખે [...]

દેખતા દીકરાનો જવાબ-ઇન્દુલાલ ગાંધી

ફાટ્યાં-તૂટ્યાં જેને ગોદડી ગાભાં, આળોટવા ફૂટપાથ, આંધળી ડોશીનો દેખતો દીકરો, કરતો મનની વાત. વાંચી તારાં દુ:ખડાં માડી ! ભીની થઈ આંખડી મારી. પાંચ વરસમાં પાઈ મળી નથી, એમ તું નાખતી ધા, આવ્યો તે દિ’થી આ હોટલને ગણી, માડી વિનાના ‘મા’ બાંધી ફૂટપાયરી જેણે, રાખ્યો રંગ રાતનો એણે ! ભાણિયો તો માડી ! થાય ભેળો જે [...]

આંધળી માનો કાગળ

અમૃત ભરેલું અંતર જેનું, સાગર જેવડું સત્, પૂનમચંદના પાનિયા આગળ ડોશી લખાવતી ખત, ગગો એનો મુંબઈ ગામે; ગીગુભાઈ નાગજી નામે. લખ્ય કે માડી! પાંચ વરસમાં પ્હોંચી નથી એક પાઈ કાગળની એક ચબરખી પણ, મને મળી નથી ભાઈ ! સમાચાર સાંભળી તારા; રોવું મારે કેટલા દા’ડા ? ભાણાનો ભાણિયો લખે છે કે ગીગુ રોજ મને ભેળો [...]

‘હું તો તમને પ્રેમ કરું છું’, કેટલી સરળ વાત,

‘હું તો તમને પ્રેમ કરું છું’, કેટલી સરળ વાત, એટલી વાતને કહેવા માટે કેટલો વલોપાત. ‘કહ્યા પછી શું ?’ ની પાછળ શંકા અને આશા, શબ્દો વરાળ થઈને ઊડે ભોંઠી પડે ભાષા. દિવસ સફેદ પૂણી જેવો : પીંજાઈ જતી રાત, ’હું તો તમને પ્રેમ કરું છું’, કેટલી સરળ વાત. પ્રેમમાં કોઈને પૂછવાનું શું : આપમેળે સમજાય, [...]

અલ્લા બેલી, અલ્લા બેલી,

અલ્લા બેલી, અલ્લા બેલી, જાવું જરૂર છે, બંદર છો દૂર છે! બેલી તારો બેલી તારો, બેલી તારો તું જ છે, બંદર છો દૂર છે! ફંગોળે તોફાની તીખાતા વાયરા, મૂંઝાયે અંતરના હોયે જે કાયરા; તારા હૈયામાં જો સાચી સબૂર છે. છોને એ દૂર છે! આકાશી નૌકાને વીજ દેતી કાટકા, તારી નૌકાનેય દેતી એ ઝાટકા; મધદરિયો મસ્તીમાં [...]

હું તો બસ ફરવા આવ્યો છું.

હું તો બસ ફરવા આવ્યો છું. હું ક્યાં એકે કામે તમારું કે મારું કરવા આવ્યો છું? અહીં પથ પર શી મધુર હવા ને ચહેરા ચમકે નવા નવા! — રે ચાહું ન પાછો ઘેર જવા! હું ડગ સાત સુખે ભરવા અહીં સ્વપ્રમહીં સરવા આવ્યો છું! જાદુ એવો જાય જડી કે ચાહી શકું ચાર ઘડી ને ગાઇ [...]

જ્યાં જ્યાં નજર મ્હારી ઠરે યાદી ભરી ત્યાં આપની;

જ્યાં જ્યાં નજર મ્હારી ઠરે યાદી ભરી ત્યાં આપની; આંસુ મહીં એ આંખથી યાદી ઝરે છે આપની! માશૂકોના ગાલની લાલી મહીં લાલી, અને જ્યાં જ્યાં ચમન જ્યાં જ્યાં ગુલો ત્યાં ત્યાં નિશાની આપની! જોઉં અહીં ત્યાં આવતી દરિયાવની મીઠી લહર, તેની ઉપર ચાલી રહી નાજુક સવારી આપની! તારા ઉપર તારા તણાં ઝૂમી રહ્યાં જે ઝૂમખાં, [...]

તારી યાદ આવે છે.

તારી યાદ આવે છે. સ્કોર્લ કરું મારી જુની યાદો ને, હાઇપરલિંક થઇ ને તું સામે આવે છે. એક એક મીનિટ તારી યાદ આવે છે, સ્ક્રીન સેવર ની જેમ તું સામે આવે છે. બેસુ છું કામ કરવા મિનિમાઇસ કરું છું મારી બધી વિનડોને, ડેસટોપ ની જેમ તું સામે આવે છે. ડીલીટ કરુ છું એ યાદોની ફાઇલ [...]

ભોમિયા વિના મારે ભમવા’તા ડુંગરા,

ભોમિયા વિના મારે ભમવા’તા ડુંગરા, જંગલની કુંજકુંજ જોવી હતી; જોવાં’તાં કોતરો ને જોવી’તી કંદરા, રોતાં ઝરણાંની આંખ લ્હોવી હતી. સૂના સરવરિયાની સોનેરી પાળે, હંસોની હાર મારે ગણવી હતી; ડાળે ઝૂલંત કોક કોકિલાને માળે, અંતરની વેદના વણવી હતી. એકલા આકાશ તળે ઊભીને એકલો, પડઘા ઉરબોલના ઝીલવા ગયો; વેરાયા બોલ મારા, ફેલાયા આભમાં, એકલો, અટૂલો ઝાંખો પડ્યો. [...]

હસતે મુખે રસ્તામાં વેર્યાં

હસતે મુખે રસ્તામાં વેર્યાં ફૂલ ગુલાબ કેરાં નસીબે નીચા નમી વીણીશું ક્યારે આજ આજ ભાઈ અત્યારે કોઈએ આપણું ભૂંડું કીધું આંગણે આવી દુઃખ દીધું માફ એને કરીશું ક્યારે આજ આજ ભાઈ અત્યારે ઉછીનું લઈ આબરુ રાખી વેળા આવ્યે વિપદ ભાંગી પાછું એ ધન દેવું ક્યારે આજ આજ ભાઈ અત્યારે સાચા સારા ઘણાં કરવા કામો પળોજણમાંથી [...]

પડ્યા જખમ સૌ સહ્યા, સહીશ હું હજુયે બહુ,-કલાપી

પડ્યા જખમ સૌ સહ્યા, સહીશ હું હજુયે બહુ, ગણ્યા નવ કદી, ગણું નવ કદી, પડે છો હજુ; અપાર પડશે અને જિગર હાય ! આળું થયું, કઠિન ન બનો છતાં હૃદય એ જ ઈચ્છું, પ્રભુ ! પડી વીજળી તે પડી સુખથી છો, બળું છું સુખે, અનન્ત ભભૂકા દહે, દહો, ગળું છું સુખે ! ન દાહ વસમો [...]

કાનજી તારી મા કહેશે પણ અમે કાનુડો કહેશું રે…

કાનજી તારી મા કહેશે પણ અમે કાનુડો કહેશું રે… એટલું કહેતા નહી માને તો ગોકુળ મેલી દેશું રે…કાનજી તારી મા…. માખણ ખાતાં નહોતું આવડતું મુખ હતું તારૂં એંઠુ રે… ગોપીઓએ તારું ઘર કેરાણુ જઈ ખુણામાં પેઠું રે…કાનજી તારી મા…. ઝુલણ પહેરતાં નહોતું આવડતું અમે તે દી’ પહેરાવતાં રે… ભરવાડોની ગાળ્યું ખાતો અમે તે દિ’ છોડાવતાં [...]

પાપ કરે તે પછતાય…..જયકાંત જાની (USA)

પાપ તારું પરમાણ પ્રેસીડન્ટ ! પાપ તારા સંભાળરે, તારા અમેરીકાને ડુબવા નહિ દઉં, પ્રેસીડન્ટ રે ! એમ લીબર્ટી કહે છે જી. વેચ્યા ગૌમાંસ , લીબર્ટી દેવી ! વેચ્યા ગૌમાંસરે નિર્દોષ માણસોને યુધ્ધ્મા મારિયાં, લિબર્ટી દે રે !-એમ પ્રેસીડન્ટ કહે છે જી.. ઇઝ્ઝત લૂંટી ઇઝરાઇલની, લીબર્ટીદેવી ! ઇઝ્ઝત લૂંટી ઇઝરાઇલની રે, મુગાં જનાવર મારિયા, લિબર્ટી દે [...]

મજેદાર કોઈ બહાનું મળે,

મજેદાર કોઈ બહાનું મળે, અને આંખમાં કાંક છાનું મળે ! કહું શું ? કદી તારે ચરણે નમી, ખરેલું મને મારું પાનું મળે. ખબર છે તને મારી ખાતાવહી, છતાં જો તો, લેણું કશાનું મળે. વધે છે તરસ તેમ રણ છો વધે, કહીં ભીનું છલ તો સુહાનું મળે. હવે થાય છે તારી પાંપણ મહીં, દરદ ઘેરા દિલને [...]

હું મને ગમતો નથી, તમને ગમું છું?

હું મને ગમતો નથી, તમને ગમું છું? જલ વિનાનો કૂપ છું, તમને ગમું છું? પથ્થરોના હાડથી ઊંચો થયો, સાવ સુક્કો પહાડ છું, તમને ગમું છું? જિંદગીભર ચાલતાંયે ના પૂંગુ, હું દિશાહીન માર્ગ છું, તમને ગમું છું? ભવ્યતા મારી વખાણે છે ઘણા, મૂળમાં વેરાન છું, તમને ગમું છું? કેટલા તારા ભીતરમાં તગેતગે! બદ્ધ હું અંધાર છું, [...]

બધે કાચની ભીંત પથ્થરનાં ઘર છે,

બધે કાચની ભીંત પથ્થરનાં ઘર છે, અહીં ભીડ ઝાઝી ને સૂનું નગર છે. તિરાડોમાં એનો ઘરોબો હશે કાં? કે બંધ બારણાંને ટકોરાનો ડર છે. હું વાંચ્યા વગર સાર પામી ગયો છું, ભલેને ઉપરથી બીડેલું કવર છે. કિનારામાં જડતા અકારણ વસી ગઈ, નહિતર નદીનું તો કોમળ જિગર છે. ન બાંધો લીલાં તોરણો બારણે મુજ, જીવનમાં અહીં [...]

સહવાસના પડઘામાં અબોલો રહી જાઉં

સહવાસના પડઘામાં અબોલો રહી જાઉં ઘરમાં જ વસું તોય  ભટકતો રહી જાઉં જો પ્રેમ મળે છે  તો  પ્રતિબિંબની જેમ પાણીમાં પડું  તોય  હું સુક્કો રહી જાઉં  ભવભાવથી   ચણેલ   શબ્દના  બંધ  તૂટે તોપણ  શી  મજાલ  છે કે  કશે  છંદ તૂટે? જીવનમાં એ સિધ્ધ હસ્તતા ક્યાં છે દોસ્ત? જાળવવા  છતાં   પણ  અહીં  સંબંધ  તૂટે  જવાહર બક્ષી 

ઊંટ કહે: આ સભામાં, વાંકાં અંગવાળાં ભૂંડા;

ઊંટ કહે: આ સભામાં, વાંકાં અંગવાળાં ભૂંડા; ભૂતળમાં પક્ષીઓ ને પશુઓ અપાર છે; બગલાની ડોક વાંકી, પોપટની ચાંચ વાંકી; કૂતરાની પૂછ્ડીનો, વાંકો વિસ્તાર છે. વારણની સૂંઢ વાંકી, વાઘના છે નખ વાંકા; ભેંસને તો શિર વાંકાં, શિંગડાનો ભાર છે. સાંભળી શિયાળ બોલ્યું, દાખે દલપતરામ; “અન્યનું તો એક વાંકું, આપનાં અઢાર છે ” – દલપતરામ

દાદાના આંગણામાં કોળેલા આંબાનું કૂણેરું તોડ્યું રે પાન,

દાદાના આંગણામાં કોળેલા આંબાનું કૂણેરું તોડ્યું રે પાન, પરદેશી પંખીનાં ઊડ્યા મુકામ પછી માળામાં ફરક્યું વેરાન ! ખોળો વાળીને હજી રમતાં’તા કાલ અહીં, સૈયરના દાવ ન’તા ઊતર્યા; સૈયરનાપકડીને હાથ ફર્યા ફેર-ફેર -ફેર હજી એય ન’તા ઊતર્યા; આમ પાનેતર પહેર્યુને ઘૂંઘટમાં ડોકાયું જોબનનું થનગનતું ગાન ! દાદાના આંગણામાં કોળેલા આંબાનું કૂણેરું તોડ્યું રે પાન, આંગળીએ વળગેલાં [...]

શેર

1] હશે કારણ કોઈ બીજું કે હું લથડી ગયો હોઈશ, હકીકતમાં તો હું પીતો નથી પણ પી ગયો હોઈશ ! – જલન માતરી [2] અમને તો મહોબ્બત છે પછી તારી જે મરજી ટપલી કે તમાચો હો અમે ગાલ ધર્યો, લે ! – મરીઝ [3] શોકનો માર્યો તો મરશે ન તમારો ‘ઘાયલ’ હર્ષનો માર્યો મરી જાય [...]

શબ્દ નૈ, સંકેત નૈ, જે પૂછવું તે પૂછવું કઈ રીતથી?

શબ્દ નૈ, સંકેત નૈ, જે પૂછવું તે પૂછવું કઈ રીતથી? આંસુ જે ક્યારેય પણ આવ્યું જ નૈ તે લૂછવું કઈ રીતથી? તું પ્રથમ અમને હવામાં નામ લખવાનું કહે એ શક્ય છે? … ને ઉપરથી ઘૂટવાનું પણ કહે તો ઘૂંટવું કઈ રીતથી? તું કહે છે સાવ ભૂલી જા મને ને હું ય કોશિશ તો કરું, પણ [...]

આ છોકરીઓ ગજબની ચીજ છે !

આ છોકરીઓ ગજબની ચીજ છે ! છંછેડો એને તો સૂરજ છે કાળઝાળ આઘેથી જુઓ તો ઇદ છે ! આંખો જાણે કે એની હેલોજન લાઇટ, અને નજરો જાણે કે એની ચાકુ, બુક્કાની બાંધીને સ્કૂટર ચલાવે જાણે ઘોડા પર ચંબલનો ડાકુ ! એક રીતે જુઓ તો સેલ્ફસ્ટાર્ટ આઇટમ ને એક રીતે જુઓ તો કીક છે ! ચહેરા [...]

તારા વાળ સફેદ થાય તો

તારા વાળ સફેદ થાય તો ભલે થાય સફેદી એ તો પવિત્રતાનું પ્રતીક છે. તારા ચહેરા પર કરચલીઓ આવી પડે …તો આવવા દેજે કદાચ તેમાં તને તારા સુખદ પ્રસંગોનો ખોવાયેલો હિસાબ મળી આવે. તારું શરીર ધ્રૂજે તો ગભરાઇશ નહી કારણકે એ ધ્રૂજારી ન ભોગવાયેલાં સ્પંદનોનો સામટો વરસાદ હોઇ શકે. તારું ઘડપણ આવે તો એને શાનથી આવવા [...]

તને કહી દઉં છું હું સાચે સાચું

તને કહી દઉં છું હું સાચે સાચું મારી આંખોએ બેઠું ચોમાસું..! …ઘેરાતા હોય આકાશે વાદળા મારી અંદર તું એમ જ ઘેરાતો, વરસે તું ધોધમાર ને કદી સાવ ધીરો છાતીમાં ડૂમો થઇ જતો. આગાહી વિના સાવ ઓચિંતો કોઈ વરસાદ જેમ આવે તો માનું..!! આમ સામટી પ્રતીક્ષા મને ફાવતી નથી હું શબરી નથી કે નથી મીરાં, હું [...]

હોઠ મલકે તો મોટી મહેરબાની

હોઠ મલકે તો મોટી મહેરબાની સાજન, થોડો મીઠો લાગે; તારી સંગાથે પ્રેમનો અજાણ્યો મુલક કયાંક દીઠો લાગે! સંગાથે હોય ત્યારે અટવાતા ચાલીએ કે એકલાનો રાહ એકધારો, મઝધારે મ્હાલવાનો મોકો મળ્યો, તો ભલે આઘો ઠેલાય આ કિનારો! મધમીઠો નેહ તારો માણું સંસાર આ અજીઠો લાગે. રાત આખી સૂતો કયાં સૂરજ, સવારે એની આંખમાં ઉજાગરાની લાલી. લથડીને [...]

રાત દિવસનો રસ્તો વ્હાલમ, નહીંતો ખૂટે કેમ?

રાત દિવસનો રસ્તો વ્હાલમ, નહીંતો ખૂટે કેમ? તમે પ્રેમની વાતો કરજો, અમે કરીશું પ્રેમ. તમે રેતી કે હથેળી ઉપર લખો તમારું નામ, અમે એટલાં ઘેલાં ઘાયલ નહીં નામ કે ઠામ. તમને તો કોઈ કારણ અમને નહીં બ્હાના નહીં વ્હેમ,અમે કરીશું પ્રેમ.. તમને વાદળ ધુમ્મસ વ્હાલાં, અમને ઉજળી રાત; અમે તમારાં ચરણ ચૂમશું થઈને પારીજાત. કહો [...]

હું તો માનું છું કે હું છું શાયર-અદમ ટંકારવી

હું તો  માનું છું  કે હું છું  શાયર કિન્તુ  ડાર્લિંગ  કહે  છે  લાયર સ્હેજ અડતાં જ  શૉક લાગે  છે લાગણી હોય છે  લાઈવવાયર અર્થનો  રોડ  છે  ખાબડખૂબડ ને વળી  ફ્લૅટ  શબ્દનું  ટાયર દૂર સહેજે નહિ તો દાઝી જઈશ ધૅટ  ગર્લ ઈઝ  સ્પિટિંગ  ફાયર ફાસ્ટ ફૂડ  જેવી  ગઝલ  વેચું છું કિન્તુ ક્યાં કોઈ છે અહીંયા બાયર? [...]

અમુક વાતો હ્રુદયની બા’ર હું લાવી નથી શકતો,

અમુક વાતો હ્રુદયની બા’ર હું લાવી નથી શકતો, કઈં અશ્રુઓ એવા છે કે ટપકાવી નથી શકતો. કોઇને રાવ કે ફરિયાદ સંભળાવી નથી શકતો, પડી છે બેડીયો એવી કે ખખડાવી નથી શકતો. કળી ઉરની હું વિકસાવી કે કરમાવી નથી શકતો, જીવન પામી નથી શકતો, મરણ લાવી નથી શકતો. કોઈપણ દ્રુશ્યથી દિલને હું બેહલાવી નથી શકતો, હજારો [...]

આંખોમાં આવી રીતે તું દૃશ્યો ન મોકલાવ,

આંખોમાં આવી રીતે તું દૃશ્યો ન મોકલાવ, ખાલી થયેલ ગામમાં જાસો ન મોકલાવ. ફૂલો ય પૂરબહારમાં હિંસક છે આજકાલ, રહેવા દે, રોજ તું મને ગજરો ન મોકલાવ. તું આવ કે પાડી રહ્યો છું સાદ હું તને, પહાડોની જેમ ખોખરો પડઘો ન મોકલાવ. ખાબોચિયું જ આમ તો પર્યાપ્ત હોય છે, હોડી ડૂબાડવાને તું દરિયો ન મોકલાવ. [...]

દર્દ આપ મુજને એવું કે ત્યાગી શકાય ના,

દર્દ આપ મુજને એવું કે ત્યાગી શકાય ના, ઊંઘી શકાય ના અને જાગી શકાય ના. એ બેવફાનો પ્રેમ મળે એ રીતે મને, ઈચ્છા તો હોય ખૂબ ને માંગી શકાય ના. આપે તો આપ સ્વર્ગ મને એ પ્રકારનું, હું પાપ પણ કરું અને ભાગી શકાય ના. એવું મિલન ન ભાગ્યમાં ‘આદમ’ કદી મળે, એને મળું અને [...]

ઊગી ગયું છે હાથમાં તે ઘાસ છે,

ઊગી ગયું છે હાથમાં તે ઘાસ છે, ઝાંખી થયેલી મેંદીનો ઇતિહાસ છે. સૂના પડ્યાં છે ટેરવે વસતાં નગર, લકવો પડેલાં સ્પર્શ તો ચોપાસ છે. ભગવી  ધજાને ફરફરાવે એ  રીતે, જાણે પવન પણ લઇ રહ્યો સંન્યાસ છે. ઈશ્વર, તને જોયા પછી સમજાયું છે, બન્ને તરફ સરખો વિરોધાભાસ છે. પાંખો મળી પણ જાત માણસની મળી, ‘આકાશ’માં પણ [...]

રસ્તો નહીં જડે તો રસ્તો કરી જવાના,

રસ્તો નહીં જડે તો રસ્તો કરી જવાના, થોડા અમે મુંઝાઇ મનમાં, મરી જવાના ! નિજ મસ્ત થઈ જીવન આ પૂરું કરી જવાના, બિન્દુ મહિં ડૂબીને સિન્ધુ તરી જવાના. કોણે કહ્યું કે ખાલી હાથે મરી જવાના ? દુનિયાથી દિલના ચારે છેડા ભરી જવાના. છો ને ફર્યા, નથી કંઈ દીથી ડરી જવાના, એ શું કરી શક્યા છે, [...]

હમણાં કશું લખાતું નથી એવું કેમ છે ?

હમણાં કશું લખાતું નથી એવું કેમ છે ? ખુદને મળી શકાતું નથી એવું કેમ છે ? ઝાકળની જેમ ક્ષણમાં ઊડી જઈશ હું છતાં એ ફૂલને અડાતું નથી એવું કેમ છે ? રાખી શકું છું સૂર્યમુખી જેવી દૂરતા ને તો ય ત્યાં ટકાતું નથી એવું કેમ છે ? એની નજીક વર્ષો લગોલગ રહીને પણ અંતર હજુ [...]

ઓઢણીનું મહાભિનિષ્ક્રમણ

ખીંટીએ ઓઢણીને પૂછ્યું કે; ક્યાં હાલ્યા ? ઓઢણીએ કીધું કે : ઊડવા… ખીંટી બોલી કે તને અધવચ્ચે ઝાલશું તો ઓઢણી ક્યે: હવે ઝાલ્યો, ઝાલ્યો ! ઓરડાએ કીધું : અલી, મારી મરજાદ રાખ હું તને કઇ પા-થી સાલ્યો ? ના, નહીં જાવા દઉં… ના, નહીં – એમ કહી હીંચકાએ માંડ્યું કિચૂડવા ઊંબર બોલ્યો કે : હું [...]

કાળ! તું શું આવીને લૂંટી ગયો?

કાળ! તું શું આવીને લૂંટી ગયો? પ્રાણ, એ તો કેદ થી છૂટી ગયો. જાળ પાથરનારા મૂરખ પારધી, તું ફસાયો પ્રાણ તો છૂટી ગયો. જિંદગીનો સાર જો પાણી મહીં, એક પરપોટો થયો ફૂટી ગયો. હું, કહો ફરિયાદ કયાં જઈને કરું? રક્ષનારો ખૂદ મને લૂંટી ગયો છે કિનારા પર હવે એ રૂદન, સાથ મોજાનો હતો છૂટી ગયો. [...]

જેટલો જ્યાં જ્યાં ફસાતો જાઉં છું;

જેટલો  જ્યાં જ્યાં ફસાતો  જાઉં  છું; એટલો ત્યાં ત્યાં ફસાતો જાઉં છું. રાહ    જોતું   કોક   બેઠું   આંગણે; બારણા  માફક  વસાતો    જાઉં છું. ચીતરેલા   મોર  ભીંતે      જોઈને; ભીતરે    હુંયે    કળાતો  જાઉં   છું. પાક   લણતી    કોઈ કન્યા  ખેતરે; હાથથી   એના   લણાતો  જાઉં  છું. આભને    જોવા   જરા  દ્રષ્ટિ  કરી, સૂર્ય    કિરણમાં  વણાતો   જાઉં છું. એમને    છે   જીદ વ્હાલી  [...]

તમારી યાદમાં મુજને જીવન ભાસ્યું જીવન જેવું,

તમારી  યાદમાં   મુજને   જીવન  ભાસ્યું     જીવન  જેવું, વૃથા  ઉત્પાત  પરવારી   અમન  પામ્યો      અમન જેવું. મળી નજરોથી નજરો ત્યાં જ દુનિયા દિલની પલટી ગઈ. ભરેલું   છે    તમારી   આંખમાં     શું      સંવનન   જેવું. યદિ    મારી નજર  સામે   તમે  છો     તો    બધુંયે  છે, તમારી   વિણ   મને   આ  વિશ્વ લાગે છે   વિજન   જેવું. ફકત એક   દિલ   હતું   તે પણ તમારું [...]

અશબ્દવાવ છું-પડઘાથી ગૂંગળાઈ જઈશ,

અશબ્દ વાવ છું-પડઘાથી  ગૂંગળાઈ  જઈશ, ખમો  હે વર્તુળો, પથ્થરથી હું ઘવાઈ જઈશ. કરો   મને   તમે   આજ    સિન્દૂરી   થાપા, હું પાળિયો છું- પછી  ધૂળથી છવાઈ જઈશ. નથી   હું  રાતનો   ઓથાર  કે    બહું  પીડું, પ્રભાતકાળનું  સ્વપ્ન છું   હુ ભુલાઈ જઈશ. હું ચૈત્ર  છું, મને  ઝંખો  નહીં     અષાઢરૂપે, ગગનથી નીચે વરસતામાં  હું સુકાઈ જઈશ. લખું  છું   નામ  તમારું    [...]

ઘણું છોડી પછી થોડાની સાથે જીવવાનું છે,

ઘણું  છોડી  પછી થોડાની  સાથે   જીવવાનું   છે, ફગાવી દે વજન નૌકાની   સાથે   જીવવાનું   છે. વિકટ જ્યાં એક પળ પોતાની સાથે જીવવાનું  છે, જીવનભર ત્યાં સતત બીજાની સાથે જીવવાનું છે. દિવસનો  બોજો  લઈ રાતે સૂવાનો ડોળ કરવાનો, ઊઠી, આખો દિવસ, શમણાંની સાથે જીવવાનુંછે. બધાએ    પોતપોતાની  જ  બારીમાંથી  દેખાતા, ભૂરા આકાશના    ટૂકડાની    સાથે જીવવાનું  છે. જીવનના ચક્રને   [...]

તને પ્રેમ કોઈ નિરંતર કરે એ જરૂરી નથી,

તને  પ્રેમ   કોઈ   નિરંતર કરે   એ જરૂરી નથી, સદા શ્વાસ ખુશ્બુ જ  ભીતર ભરે  એ જરૂરી નથી. તને  યાદ  આવે બધા ને બધુંયે કરે યાદ    તું, તને પણ બધા યાદ એમ જ કરે એ જરૂરી નથી. ઘણાં  રોજ ડુબી મરે છે છતાં કયાંય પત્તો નથી, હંમેશાં  અહીં   લાશ   અંતે તરે એ જરૂરી નથી. હસીને   મળે [...]

કોઈ આગળ નડ્યા એવા કે રસ્તાઓ રૂંધી નાખ્યાં,

કોઈ  આગળ નડ્યા  એવા  કે  રસ્તાઓ  રૂંધી નાખ્યાં, કોઈ પાછળ  પડ્યા  એવા  કે પગલાંઓ ભૂંસી નાખ્યાં. દુ:ખો  છે આ, દુ:ખોના  તે   વળી દેખાવ શા કરવા? નયનમાં આંસુ  આવ્યાં કે  તરત  એને  લૂછી નાખ્યાં. હતાં  એ  ઝેર  કે અમૃત, સવારે  જાણ  થઈ    જશે; અમે  તો  રાતનાં  જે   મળ્યાં પીણાં એ પી  નાખ્યાં. હતી  એવી  અછત   જીવન   [...]