ગલતફહેમી ન કરજે, ઐશ માટે મયકશી નહોતી;

ગલતફહેમી ન કરજે, ઐશ માટે મયકશી નહોતી; મને પણ શેખ! તારી જેમ આ દુનિયા ગમી નહોતી. ખબર શું કે ખુદા પણ જન્મ આપી છેતરી લેશે? જીવ્યો ત્યારે જ જાણ્યું કે એ સાચી જિંદગી નહોતી. નથી એ દોષ તારો કે મળ્યાં છે, ઝાંઝવા, સાકી! પીવા હું ત્યાં ગયો કે જ્યાં ઘટા કોઈ ચડી નહોતી. બહુ કપરા [...]

મારા તે ચિત્તનો ચોર રે – બરકત વિરાણી ‘બેફામ’

વેરણ થઇ ગઇ રાતડી રહેતી આંખ ઉદાસ સપનાં પણ પહોંચ્યા સખી મારા સાંવરિયાની પાસ. મારા તે ચિત્તનો ચોર રે મારો સાંવરીયો કે જેવો રાધા ને નંદનો કિશોર એવો મારો સાંવરીયો જમુના તીર જઇ ભરવા હું નીર ગઇ પ્રીતની વાદળી વરસી હૈયાની હેલ મારી છલકાવે પ્રેમ તોયે હું રહી ગઇ તરસી તનડું ભીંજાય તોયે રોમ રોમ [...]

અમે તારા પ્રણયનાં ફૂલ ખરવા પણ નથી દેતાં,

અમે તારા પ્રણયનાં ફૂલ ખરવા પણ નથી દેતાં, છૂપાં રાખ્યાં છે એવાં કે પમરવા પણ નથી દેતાં. ગરીબીને લીધે કરવી પડે છે કરકસર આવી, અમે રડીએ છીએ ને અશ્રુ સરવા પણ નથી દેતાં. હવેના રાહબર પોતે જ ખોટા રાહ જેવાં છે, સફર સાચી દિશામાં તો એ કરવા પણ નથી દેતાં. ભલે મળતાં નથી, પણ એજ [...]

જીવનને સ્વપ્ન માનું છું, મગર ત્યાગી નથી શકતો;

જીવનને સ્વપ્ન માનું છું, મગર ત્યાગી નથી શકતો; છું એવી જાગૃતિમાં કે વધુ જાગી નથી શકતો. ફૂલો વચ્ચે ઓ મારા પ્રાણ, વાયુ જેમ ફરજે તું; કે વાયુને કોઈ કાંટો કદી વાગી નથી શકતો. અલગ રાખી મને મુજ પર પ્રણયના સૂરના છેડો, વીણાનો તાર છૂટો હોય તો વાગી નથી શકતો. જગતના કેદખાનામાં ગુનાહો પણ થતા રહે [...]

કવિ છું હું, બધાને કાજ મારે જીવવાનું છે;

કવિ છું હું, બધાને કાજ મારે જીવવાનું છે; બધાના દર્દ મારાં છે,ને મારું દિલ બધાનું છે. તમારું દર્દ છે આ, કામ મારે શું દવાનું છે? કે એ જીવવાનું કારણ છે,એ મરવાનું બહાનું છે. નહીંતર આંખની સામે જ મશરૂનું બિછાનું છે, મગર મારા મુકદ્દરમાં હમેશાં જાગવાનું છે. નજૂમી, આવનારી કાલની ચર્ચા પછી કરજે; મને છે આજની [...]

તું નથી એથી લખ્યા મેં શેર તારે કારણે,

તું નથી એથી લખ્યા મેં શેર તારે કારણે, ખાનગી વાતો બની જાહેર તારે કારણે. દ્વાર ખુલ્લાં છે હવે ચોમેર તારે કારણે, ઘર હતું તે થઇ ગયું ખંડેર તારે કારણે. તું મને મળશે હવે તો ઓળખી શકશે નહિ, એટલો મુજમાં પડ્યો છે ફેર તારે કારણે. હું નહિ તો બહુ વ્યવસ્થિત જિંદગી જીવતો હતો, થઇ ગયું છે [...]

ના સિન્ધુમાં, નદીમાં કે કોઇ તળાવમાં,

ના સિન્ધુમાં, નદીમાં કે કોઇ તળાવમાં, ડૂબી ગયો છું હું મારી જ નાવમાં. જીવનના આ જુગારમાં રાતો રહી ગઇ, દિવસો હતા એ હારી ગયો છું હું દાવમાં. તારી જ ખોટ કિંતુ સતત સાલતી રહી, જીવી રહ્યો છું નહિ તો ઘણાયે અભાવમાં. મારી પીડાની વાત વધારીને ના કહો, છાંટો નહીં ઓ દોસ્ત, નમક મારા ઘાવમાં. આ [...]

હવે રસ્તો બદલ ઓ દિલ, કે એનું ઘર નહીં મળશે;

હવે રસ્તો બદલ ઓ દિલ, કે એનું ઘર નહીં મળશે; અને મળશે તો પહેલાના સમો આદર નહીં મળશે. નહિ મળશે કોઈ પ્રેમાળ મારા જેટલો તમને, મને કોઈ તમારા જેટલાં સુંદર નહીં મળશે. ચૂંટી લીધા છે એણે એટલે તો ખાસ ભક્તોને; એ સૌનો છે ભલે, પણ સૌને કઈ ઈશ્વર નહીં મળશે. હજારો એમ તો ઠોકર રૂપે [...]

તમે જો સાથ દેશો તો સ્વપ્ન મારું ફળી જાશે,

તમે જો સાથ દેશો તો સ્વપ્ન મારું ફળી જાશે, નહીં જો સાથ દેશો તો ભરમ મારો ટળી જાશે. જીવનની આ સફર સીધી તમારા સાથ પૂરતી છે, તમે જાશો પછી એ કોઈ પણ રસ્તે વળી જાશે. ભલેને એના ઘરના બારણાં છે બંધ, એથી શું? હશે કિસ્મતમાં મળવાનું તો રસ્તામાં મળી જાશે. મને એ દુઃખ કે મારી [...]

નથી એ દોસ્ત પણ થાતા,કે દુશ્મન પણ નથી થાતાં,

નથી એ દોસ્ત પણ થાતા,કે દુશ્મન પણ નથી થાતાં, મને સમજાય એવા એના વર્તન પણ નથી થાતાં. અમારા ભાગ્ય જેમ જ થઇ ગયા છે ભાવ પણ નોખા, ઉભયના એક જીવન તો શું કે એક મન પણ નથી થાતાં. જુદાઈથી તો વધારે દુઃખ મને જાગરણનું છે, મિલન એનું ભલે ન થાય,દર્શન પણ નથી થાતાં. પ્રણયમાં છુટી [...]

લુંટી લીધી બધાએ એ રીતે કઈ જિંદગી મારી,

લુંટી લીધી બધાએ એ રીતે કઈ જિંદગી મારી, જીવું છું તોય લાગે છે મને જાણે કમી તારી. કરી ગઈ ભેદ સૌ ખુલ્લા ભલે દીવાનગી મારી, છતાં યે છે ઘણી વાતો હજી યે ખાનગી મારી. જુઓ તન્હાઈ કે ફૂટી ગઈ છે આરસી મારી, અને મળતી નથી ભૂતકાળની કોઈ છબી મારી. દિવસ ઊગવા છતાં અંધકારમાં રહેવું પડે [...]

જુઓ જાહેરમાં તો ખાય છે એ સૌ દયા મારી,

જુઓ જાહેરમાં તો ખાય છે એ સૌ દયા મારી, કરી છે ખાનગીમાં જેણે જેણે દુર્દશા મારી. કરી દીધી છે મેં કુરબાન એના પર મજા મારી, કે મારી વેદના છે આખરે તો વેદના મારી. વહાવે છે ગગન બસ ત્યારથી વરસાદના આંસુ, યુગો પહેલા મેં સંભળાવી હતી એને વ્યથા મારી. ગમે તેવા પ્રસંગો દઈ બગાડી નાંખી દુનિયાએ, [...]

કોઇ કંગાલ બેઘર માનવી ફૂટપાથનો વાસી,

કોઇ કંગાલ બેઘર માનવી ફૂટપાથનો વાસી, સુતો’તો ચેનથી નિશ્ચિંત પથ્થરની પથારીમાં, મજાનું એક સપનું એના અંતર-ઓરડામાં જઈ, વિહરતું’તું પ્રવેશીને નયનની બંધ બારીમાં. મજાનું સ્વપ્ન એ, એ માનવીની આંખમાં ઉઘડ્યું, સુશોભિત, ભવ્ય સુંદર ને મનોહર એક મહાલય થઈ; મહાલયના બગીચાનાં મહકતાં ફૂલની વચ્ચે, એ ફરતો’તો બધીયે મુશ્કિલોથી સાવ નિર્ભય થઈ. મહાલયનો હતો પોતે જ માલિક, એટલા [...]

સફળતા જિંદગીની, હસ્તરેખામાં નથી હોતી,

સફળતા જિંદગીની, હસ્તરેખામાં નથી હોતી, ચણાયેલી ઈમારત એના નકશામાં નથી હોતી. સુભાગી છે સિતારા કે ગણતરી થાય છે એની, પ્રણયમાં નહિ તો કોઈ ચીજ ગણનામાં નથી હોતી. મને દીવાનગી મંજૂર છે આ એક બાબત પર, મહોબ્બતની મજા તમને સમજવામાં નથી હોતી. તમે મારા થયાં નહિ તોય મારા માનવાનો છું, કમી સચ્ચાઈમાં હોય છે, ભ્રમણામાં નથી [...]

અસંખ્ય છે આરઝૂ જીવનમાં અને જગતમાં હું એકલો છું,

અસંખ્ય છે આરઝૂ જીવનમાં અને જગતમાં હું એકલો છું, બીજી નજરથી જુઓ તો સાથી કોઇ નથી ને હું કાફલો છું. જીવનની મારી જે સ્થિર દશા છે એ મારી તદબીરની પ્રભા છે, જરૂર તકદીરની નથી જ્યાં હું એ અચળ ધ્રુવતારલો છું. મુસીબતોમાં કવન છે મારું, મુસીબતોમાં કલા છે મારી, ઘટાનું ગર્જન સુણીને ગહેકે હું મસ્ત મનનો [...]

જિંદગીને મોતનો જો ભેદ ના રાખો તમે,

જિંદગીને મોતનો જો ભેદ ના રાખો તમે, જેના ખાલી હાથ છે એ સૌ સિકંદર લાગશે ! ફક્ત જીતવી નથી મારે તો રચવી છે નવી દુનિયા, કવિ મુફલિસ છું પણ છું એક કદમ આગળ સિકંદરથી ! અનુભવથી ના જીવન ઘડ, અનુભવમાં તો લાંછન છે, તમાચાની નિશાની કાંઈ લાલી થઈ નથી શકતી ! પથ્થરોને જે ઘડે એ [...]

કદાચ એ રીતે મંઝિલ મળે પ્રયાસ વિના,

કદાચ એ રીતે મંઝિલ મળે પ્રયાસ વિના, બધા જ રસ્તે રખડીએ અને પ્રવાસ વિના. રહી ગયો છું હું અંધકારમાં ફક્ત એથી, કે મારા જીવવું હતું પારકા ઉજાસ વિના. કોઇ પૂછો તો ખરા મારાં આંસુનું કારણ, એ પાણી વહેતું નથી કંઇ અમસ્તું પ્યાસ વિના. જશો નજીક પછી એને ઓળખી શકશો, ઘણાંય ફૂલ ખીલે છે અહીં સુવાસ [...]

ખોટ તારે ત્યાં ખુદા શી છે ? મને આબાદ કર,

ખોટ તારે ત્યાં ખુદા શી છે ? મને આબાદ કર, છે ધરા પર ઝાંઝવાં તો આભથી વરસાદ કર. આટલી મારી મદદ ઓ પ્રેમનો ઉન્માદ કર, રોજ એના ઘર તરફ જા, રોજ એને સાદ કર. પ્રેમમાં સાંભરવા જેવું હવે શું છે બીજું ? એ તને ભૂલી ગયાં છે એટલું બસ યાદ કર. દુઃખની વચ્ચે જીવવાની એ [...]

સમજો નહીં કે જુલમ સહું છું ને રોઉં છું,

સમજો નહીં કે જુલમ સહું છું ને રોઉં છું, આમ તો તમે જે પાપ કરો છો એ ધોઉં છું. નિષ્ફળ પ્રણયનો પંથ છે પણ સાથ તો જુઓ, પહેલાં ગુમાવ્યાં તમને, હવે ખુદને ખોઉં છું. તારા વિરહમાં નીંદ તો ક્યાં છે નસીબમાં ? તારાં સ્વપ્ન તો જાગી રહ્યો છું ને જોઉં છું. ખુદ હું જ મારો [...]

નયનને બંધ રાખીને મે જયારે તમને જોયા છે

નયનને બંધ રાખીને મે જયારે તમને જોયા છે તમે છો એના કરતાં પણ વધારે તમને જોયા છે ઋતુ એક જ હતી પણ રંગ નહોતો આપણો એક જ મને સહરાએ જોયો છે, બહારે તમને જોયા છે પરંતુ અર્થ એનો એ નથી કે રાત વીતી ગઇ નહિંતર મેં ઘણી વેળા સવારે તમને જોયા છે હકીકતમાં જુઓ તો [...]

ઓ હૃદય, તેં પણ ભલા! કેવો ફસાવ્યો છે મને?

ઓ હૃદય, તેં પણ ભલા! કેવો ફસાવ્યો છે મને? જે નથી મારા બન્યાં, એનો બનાવ્યો છે મને! સાથ આપો કે ના આપો એ ખુશી છે આપની, આપનો ઉપકાર, મારગ તો બતાવ્યો છે મને. સાવ સહેલું છે, તમે પણ એ રીતે ભૂલી શકો, કે તમારા પ્રેમમાં મેં તો ભુલાવ્યો છે મને. મારા દુઃખના કાળમાં એને કરું [...]

રાખું મુઠ્ઠી બંધ તો રુંધાઈ પણ જાઉં કદાચ,

રાખું મુઠ્ઠી બંધ તો રુંધાઈ પણ જાઉં કદાચ, હાથ લંબાવું તો હડેસેલાઈ પણ જાઉં કદાચ… હું સમય છું, છે ગતિ ભાવિ તરફ મારી છતાં, કોઈના ભૂતકાળમાં રોકાઈ પણ જાઉં કદાચ… મંઝિલે પહોંચું નહીં, તો દોષ ના દેશો મને, હું તો કેવળ માર્ગ છુ, ફંટાઈ પણ જાઉં કદાચ… કોઈ ના મારે ભરોસે ખેડજો જીવનસફર, હું તો [...]

લથડવાની ને પડવાની દશાને મસ્તી માની લે,

લથડવાની ને પડવાની દશાને મસ્તી માની લે, કોઇને એમ જીવનની સફરની ઠેશ ના વાગે. ગમે તે દુઃખ મળે કિન્તુ મળે તારો સહારો પણ, ભલે વાગે મગર તારા વગરની ઠેશ ના વાગે. ઘણા યે પંથ એવા છે કે જે પંગુ બનાવે છે, કદમ ત્યાં રાખજો જ્યાં ઉમ્રભરની ઠેશ ના વાગે. નહીં તો મારા જેવા અંધની શ્રધ્ધા [...]

હજી પણ એમને ખાનાખરાબીની ખબર ક્યાં છે ?

હજી પણ એમને ખાનાખરાબીની ખબર ક્યાં છે ? હજી પણ એ મને પૂછી રહ્યાં છેઃ તારું ઘર ક્યાં છે ? મને પણ કોઇ શક પહેલી નજરના પ્રેમ પર ક્યાં છે ? મગર મારા તરફ એની હવે પહેલી નજર ક્યાં છે ? હતો એ પણ વખત, કહેતો હું સૌને એનું ઘર ક્યાં છે ? હવે એ [...]

આશાનું, ઇન્તેઝારનું, સપનાનું શું થશે ?

આશાનું, ઇન્તેઝારનું, સપનાનું શું થશે ? તું આવશે તો મારી આ દુનિયાનું શું થશે ? આ ઝાંઝવાથી એક ગતીશીલતા તો છે, મળશે ઝરણ જો માર્ગમાં પ્યાસનું શું થશે ? દુઃખ પર હસીતો દઉં છું મગર પ્રશ્ર થાય છે, જે દોસ્ત દઇ ગયા એ દિલાસાનું શું થશે ? હું એ ફિકર કરીને ભટકતો રહ્યો સદા, મંઝીલ [...]

તમારું સ્વપ્ન એ રીતે નયનનો ભાર લાગે છે,

તમારું સ્વપ્ન એ રીતે નયનનો ભાર લાગે છે, વિરહમાં જાણે કે છૂપા મિલનનો ભાર લાગે છે. સુકોમળ આપ કેવાં છો – જઓ એ મારી દૃષ્ટીએ, મને આ આપનો પરદો વદનનો ભાર લાગે છે. હું જાણું છું – મહોબ્બતમાં નથી એનું વજન કંઇએ, છતાંયે કાં મને તારા વચનનો ભાર લાગે છે. આમારી જાતને ધરતી ઉપરનો બોજ [...]

મને જોવા પ્રણય દૃષ્ટી મળે એક વાર બસ તમને,

મને જોવા પ્રણય દૃષ્ટી મળે એક વાર બસ તમને, પછી જો જો મારમાં પડે છે કેવા રસ તમને. તમે આ એના બદલામાં વિરહની રાત આપી છે, કે મેં જે દઇ દીધા છે મારા જીવનના દિવસ તમને. કર્યો છે મે નિખાલસ પ્રેમ તમને એમ સમજીને, કે આ સ્વાર્થ જગતમાં લાગે ના જીવન નીરસ તમને. મિલનમાં હોય [...]

પ્રણયની સર્વથી પહેલી કહાણી થઇ ગઇ આંખો,

પ્રણયની સર્વથી પહેલી કહાણી થઇ ગઇ આંખો, કે ભાષા થઇ ગઇ દૃષ્ટી ને વાણી થઇ ગઇ આંખો. બહુ રસપૂર્ણ છે ઇતિહાસ મારાં અશ્રુ પાછળનો, કે જોયાં આપને તો પાણી પાણી થઇ ગઇ આંખો. હવે તો તું અને તારા પ્રતિબિંબો છે કીકીમાં, તને જોયા પછી દર્પણ સમાણી થઇ ગઇ આંખો. ખુદાનો શુક્ર છે આંસુ ખરચતા પણ [...]

મને જોયા કરે છે સૌ,એ કોઇને નથી જોતી,

મને જોયા કરે છે સૌ,એ કોઇને નથી જોતી, કે હું જો થઇ ગયો પાગલ તો શાણી થઇ ગઇ આંખો. એ મારી ભૂલ કે એને તમે ઠે બે ચડાવી છે, બિછાવી માર્ગમાં તો ધૂળધાણી થઇ ગઇ આંખો. મજા એની હવે તો પહેલાં કરતાં પણ વધારે છે, ભલે જૂની સૂરા જેવી પુરાણી થઇ ગઇ આંખો. જુએ છે [...]

કહે છે સ્વાર્થરહિત મારો પ્રેમ એવો છે,

કહે છે સ્વાર્થરહિત મારો પ્રેમ એવો છે, કે સાથ લેવો નથી કિન્તુ સાથ દેવો છે. છે એક રીતે હકીકતને ભૂલવાની એ, પ્રણયપ્રસંગ કહાનીની જેમ કહેવો છે. મને ભીતરમાં વસાવી ને થઇ ગયો છે પર, આ આયનો ય બિચારો તમારા જેવો છે. બધી ય હોય જ્યાં મંઝિલ કદમ નીચે મારા, હવેથી એવી બુલંદીનો માર્ગ લેવો છે. [...]

થાય સરખામણી તો ઊતરતા છીએ તે છતાં આબરૂ અમે દીપાવી દીધી.

થાય સરખામણી તો ઊતરતા છીએ તે છતાં આબરૂ અમે દીપાવી દીધી. એમના મહેલ ને રોશની આપવા ઝુંપડી પણ અમારી જલાવી દીધી. ઘોર અંધાર છે આખી અવની ઉપર તો જરા દોષ એમાં અમારો’ય છે એક તો કંઇ સીતારા જ નહોતા ઉગ્યા ને અમે પણ શમાઓ બુઝાવી દીધી કોઇ અમને નડ્યા તો ઊભા રહી ગયા પણ ઊભા [...]

છે એક જ દુઃખ કે હું સુખના દિવસ માગી નથી શકતો ,

છે એક જ દુઃખ કે હું સુખના દિવસ માગી નથી શકતો , અલગ રાખી મને મુજ પર પ્રણયના સૂર ના છેડો, વીણાનો તાર છૂટો હોય તો વાગી નથી શકતો, બૂરાઓને અસર કરતી નથી સોબત ભલાઓની, ફૂલોનો રંગ કાંટાને કદી લાગી નથી શકતો, ગુમાવેલા જીવનનાં હાસ્ય તો પાછાં મળે ક્યાંથી ? જમાનાએ લૂંટેલા અશ્રુ પણ માગી [...]

કેવી રીતે વીતે છે વખત શું ખબર તને ?

કેવી રીતે વીતે છે વખત શું ખબર તને ? તેં તો કદી કોઈની પ્રતીક્ષા નથી કરી. એ શું કે રોજ તું જ કરે મારું પારખું, મેં તો કદીયે તારી પરીક્ષા નથી કરી. “બેફામ”

એ જ એનો એ રહ્યો હું બાળપણ ચાલ્યું ગયું,

એ જ એનો એ રહ્યો હું    બાળપણ  ચાલ્યું  ગયું, પ્રેમનું-વિશ્વાસનું     વાતાવરણ    ચાલ્યું  ગયું. થઈ  ગઈ   કેવી   યુવાની એક તોફાની   નદી, સાવ નિર્મળ  જળભરેલું  જ્યા ઝરણ ચાલ્યું ગયું. પ્રૌઢ  માણસ  ઠાવકો   કેવો   ઠરેલો  થઈ ગયો, ખૂબ  ઊંડો થૈ   ગયો  તો ભોળપણ  ચાલ્યું ગયું. આવડ્યું   ના વૃદ્ધ  થાતા  પણ  ચાલ્યા સતત, ગાંડપણ  ગુપચુપ  પ્રવેશ્યું શાણપણ ચાલ્યું ગયું. [...]

કોઈ આગળ નડ્યા એવા કે રસ્તાઓ રૂંધી નાખ્યાં,

કોઈ  આગળ નડ્યા  એવા  કે  રસ્તાઓ  રૂંધી નાખ્યાં, કોઈ પાછળ  પડ્યા  એવા  કે પગલાંઓ ભૂંસી નાખ્યાં. દુ:ખો  છે આ, દુ:ખોના  તે   વળી દેખાવ શા કરવા? નયનમાં આંસુ  આવ્યાં કે  તરત  એને  લૂછી નાખ્યાં. હતાં  એ  ઝેર  કે અમૃત, સવારે  જાણ  થઈ    જશે; અમે  તો  રાતનાં  જે   મળ્યાં પીણાં એ પી  નાખ્યાં. હતી  એવી  અછત   જીવન   [...]

અહીં મસ્તક ફૂટ્યું ને રકતધારા લાલ આવી ગઈ,

અહીં મસ્તક ફૂટ્યું  ને  રકતધારા  લાલ  આવી  ગઈ, પછી  જોયું  તો  એક બિન્દી તમારે ભાલ આવી ગઈ. હતાં  જે  આવનારાં  કાલ  એ  એક જ  નહીં આવ્યાં, નહીંતર   જિંદગીમાં   તો  ઘણીએ  કાલ આવી ગઈ. મહોબ્બતની  ગલી  સીધી હતી તો પણ વળ્યો પાછો, કરૂં  પણ શું બીજું ? વચ્ચે જ એક દિવાલ આવી ગઈ. કદમ  લથડી રહ્યો  [...]

પ્રીતિમાં એવી રીતે ડુ બાવી ગયાં તમે,

પ્રીતિમાં  એવી  રીતે ડુ બાવી  ગયાં   તમે, માયા ને   મોહમાંથી તરાવી    ગયાં  તમે. એની અસરથી  આખું જગત ઝળહળે તો છે, ઉરમાં  ભલેને   આગ લગાવી  ગયાં  તમે. જો કે અરસપરસ  હતી દિલની જ  આપલે, હું ખોટમાં રહ્યો અને ફાવી ગયાં તમે. ડાહ્યા જનોને  મારી   અદેખાઈ    થાય છે, કઈ જાતનો   દીવાનો બનાવી  ગયાં તમે. બેફામે  તમને જીવતાં [...]

વ્યર્થ દુનિયામાં પ્રણયને આંધળો કહેવાય છે;

વ્યર્થ દુનિયામાં પ્રણયને આંધળો કહેવાય છે; તુ નયન સામે નથી તોપણ મને દેખાય છે. જ્યાં જુઓ ત્યાં બધે એક જ વદન દેખાય છે; કોઈને એક વાર જોયા બાદ આવું થાય છે. એમ તો એનું અચાનક પણ મિલન થઈ જાય છે; શોધમાં નીકળું છું ત્યારે જ એ સંતાય છે. આવ મારાં આંસુની થોડી ચમક આપું તને, [...]

ફૂલ સૌ જ્યારે બાળ લાગે છે,-બરકત વીરાણી ‘બેફામ’

ફૂલ સૌ જ્યારે બાળ લાગે છે, કોઈ મા જેવી ડાળ લાગે છે. આહ નીકળે છે હોઠ પરથી જે, આંસુઓની વરાળ લાગે છે. રાત એથી જ તો નથી ખૂટતી, કે દિવસનો દુકાળ લાગે છે. દોટ મૂકી છે રણ તરફ સૌએ, ઝાંઝવામાં જુવાળ લાગે છે. ઠંડી ઠંડી ઉપેક્ષા કરનારા ! તમને જોઈ ઝાળ લાગે છે. ભટકે છે [...]

તમારું સ્મિત બની લહેરાઇ જાવાનું મને ગમશે,-બરકત વિરાણી ‘બેફામ’

તમારું સ્મિત બની લહેરાઇ જાવાનું મને ગમશે, તમારાં આંસુ થઇ લૂંછાઇ જવાનું મને ગમશે. તમારી શેરીમાં આવીને પહેલા જોઇ લઉં તમને, ગમે ત્યાં એ પછી ફંટાઇ જાવાનું મને ગમશે. જગતમાં એમ તો હું ક્યાંય રોકાતો નથી કિન્તુ, તમે જો રોકશો, રોકાઇ જાવાનું મને ગમશે. પ્રતિબિંબો તમારાં જો ન દેખાડી શકું તમને, તો દર્પણ છું છતાં [...]

દશા સારી નથી હોતી – બરકત વીરાણી ‘બેફામ’

ખુદા, તારી કસોટીની પ્રથા સારી નથી હોતી; કે સારા હોય છે એની દશા સારી નથી હોતી. ખૂબી તો એ કે ડૂબી જાય તો લઈ જાય છે કાંઠે, તરો ત્યારે જ સાગરની હવા સારી નથી હોતી. સિતારા શું કે આવે છે દિવસ રાતોય ગણવાના, હંમેશાંની જુદાઈની દશા સારી નથી હોતી. જગતમાં સર્વને કહેતા ફરો નહિ કે [...]

જિંદગી આખી રડાવ્યો છે મને – બેફામ

ઓ હ્રદય, તેં પણ ભલા! કેવો ફસાવ્યો છે મને, જે નથી મારા બન્યા, એનો બનાવ્યો છે મને, સાથ આપો કે ના આપો, એ ખુશી છે આપની, આપનો ઉપકાર, મારગ તો બતાવ્યો છે મને, આ દુઃખ ના કાળમાં એને કરું છું યાદ હું, મારા સુખના કાળમાં જેણે હસાવ્યો છે મને, કૈં નહોતુ એ છતાં, સૌ એ [...]

હજી પણ એમને ખાના ખરાબી ની ખબર ક્યા છે,

હજી પણ એમને ખાના ખરાબી ની ખબર ક્યા છે, હજી પણ અમને પુછી રહ્યા છે કે તારુ ઘર ક્યા છે. મને પણ કોઇ શક પહેલી નજર ના પ્રેમ પર ક્યા છે, મગર મારા તરફ એની હવે પહેલા જેવી નજર ક્યા છે. મળી લઈએ હવે આવે સુખદ અંજામ ઉલ્ફત નો, તને મારી ફીકર ક્યા છે, મને [...]

મહોબ્બતમાં હવે મારો પરિચય આ પ્રમાણે છે,

મહોબ્બતમાં હવે મારો પરિચય આ પ્રમાણે છે, અજાણ્યાં થઈ ગયાં છે એ મને જે ખાસ જાણે છે. દીધો’ તો સાથ જેણે, એ જ ખુદ લૂંટી ગયા અમને, જરા સાવધ-વધુ જોખમ અહીં તો ઓળખાણે છે. મળ્યો છે નાબુદા એના પછી થઈ છે દશા આવી, હતાં તોફાન જે દરિયે, હવે મારાં વહાણે છે. સુણું છું મારી વાતો [...]

મને કંઈ એ રીતે નિદ્રામાં જીવન સ્થિર લાગે છે,

મને કંઈ એ રીતે નિદ્રામાં જીવન સ્થિર લાગે છે, કે જાણે રાત દિનના ખ્વાબની તાબીર લાગે છે. નહીં તો આપ દિલને આમ પથ્થરનું બનાવો નહિં, મહોબ્બતની કોઈ મજબૂત એ તામીર લાગે છે. ભરમ મારો જુદો છે બંધ મુઠ્ઠી રાખનારાથી, મને મારા ઉઘાડા હાથમાં તકદીર લાગે છે. નથી એમાં પ્રણયનો રંગ કે સૌંદર્યની રેખા, હવે દિલ [...]

અશ્રુ વિરહ ની રાત ના ખાળી શક્યો નહી-બરકત વિરાણી ‘બેફામ’

અશ્રુ વિરહ ની રાત ના ખાળી શક્યો નહી પાછા નયન ના નૂર ને વાળી શક્યો નહી હું જેને કાજ અંધ બન્યો રોઇ રોઇ ને ઍ આવ્યા ત્યારે તેમને નીહાળી શક્યો નહી…. નયન ને બંધ રાખીને મે જ્યારે તમને જોયા છે તમે છો તેના કરતા પણ વધારે તમને જોયા છે નયન ને બંધ રાખીને ….. ઋતુ [...]

સપના રૂપેય આપ ન આવો નજર સુધી ;

સપના રૂપેય આપ ન આવો નજર સુધી ; ઊડી ગઇ છે નીંદ હવે તો સહર સુધી. મારા હ્રદયને પગ નીચે કચડો નહીં તમે, કે ત્યાંના માર્ગ જાય છે ઇશ્વરના ઘર સુધી. શ્રદ્ધાની હો સુવાસ, પ્રતીક્ષાના રંગ હો, એવાં ફૂલો ખીલે છે ફક્ત પાનખર સુધી. આંખોમાં આવતાં જ એ વરસાદ થઇ ગયાં, આશાનાં ઝાંઝવાં જે રહ્યાં’તાં [...]

અહીં જે તેજ દીવામાં રહે છે,

અહીં જે તેજ દીવામાં રહે છે, તિમિર એનું ધુમાડામાં રહે છે. મહાલય જેના નકશામાં રહે છે, ઘણા એવા ય રસ્તામાં રહે છે. છે કાંટા આખરે તો માત્ર કાંટા, ભલેને એ બગીચામાં રહે છે. જગા મળતી નથી જેને ચમનમાં તો એવા ફૂલ વગડામાં રહે છે. ગયાં સંતાઇ મોતી એ વિચારે, કે પરપોટા ય દરિયામાં રહે છે. [...]

માતા – બરકત વીરાણી ‘બેફામ’

માં ! મેં તારી એક પણ કવિતા નથી લખી. કહે છે કે કવિ જન્મે છે – તો તેં જ તો મને જન્મ આપ્યો છે. પણ ત્યારે તને જાણ નહીં હોય કે હું કવિ થઇશ. તારે તો મને માનવી બનાવવો હતો – એક સુખી માનવી, હસતો માનવી, અને એ માટે તેં કેટલા બધાં દુ:ખો સહ્યાં ? [...]

તબીબો પાસેથી હું નિકળ્યો દિલની દવા લઈને – બરકત વિરાણી ‘બેફામ’

તબીબો પાસેથી હું નિકળ્યો દિલની દવા લઈ ને, જગત સામે જ ઊભું હતું દર્દો નવા લઈ ને, તરસ ને કારણે નો’તી રહી તાકાત ચરણોમાં નહી તો હું તો નીકળી જાત રણથી ઝાંઝવા લઇને હું રજકણથી ય હલકો છું તો પર્વતથી ય ભારે છું મને ના તોળશો લોકો તમારા ત્રાજવા લઇને ગમી જાય છે ચેહરો કોઈ, [...]